SAN LUCAS 11:36 - Lengua Sur (Enxet) Nuevo Testamento

³⁶ Sawhékxók agkok elseyexma ekyókxoho kélyókxa, méko enxoho ekyaktesóxma xama enxoho, tásek katnehek kélweté, ektémol'a kalsásesexma m'a chálewaso kélagkok.”

SAN LUCAS 11:36 Referans Kwoze

2 CORINTIOS 4:6

Dios apagko' axta apkeltémo katyapok aksa elseyexma neyseksa ekyaktesóxma, axta anhan apkeltémo katyapok elseyexma egwáxok negko'o m'a Dios, yakwayam enxoho agya'ásegwomhok ektémakxa nak Dios apcheymákpoho elyenmasama nak nápát ma'a Jesucristo.

2 SAN PEDRO 3:18

Wánxa agkok, emenyék ko'o kólya'ásegwomhok ektakmela agko' ma'a Wese' egegkok Jesucristo segwagkasamo nak teyp, tén han seyámenyého kólyánchesagkohok kélma kéxegke m'a segásekhayo eñama nak Wese' egegkok. ¡Apcheymákpoho sat cha'a kóltemésesek Wese' egegkok keso kaxwo' nak, tén han megkatnegwayam enéxa! Katnahagkok sat.

COLOSENSES 3:16

Keytek sat cha'a kélwáxok kéxegke ekyókxoho amya'a eñama nak Cristo. Kólxekmós cha'a kélnámokkok, kólwaskakkásekxoho nahan cha'a kélnámokkok yetlo kélmeykha m'a ekyókxoho ektémakxa nak kélya'ásegwayam. Kólmeneykmes negmeneykmaso eñama nak salmos, tén han ma'a negmeneykmaso nak, tén han ma'a negmeneykmaso aptekkeso nak egwáxok Espíritu apkeñama nak Dios, yetlo kélméso ekxeyenma kélwáxok Dios.

SANTIAGO 1:25

Negko'o ektahakxa enxoho mehẽlwagkayam amya'a nenlegé, wánxa aksa antakmelcheshok nenlányo m'a ektémakxa nak segánamakxa ekpéwomo, cham'a segánamakxa segmésamol'a yakwayam hẽlyenyekxa', magyensemek nahan nenlané m'a eltémókxa nak antehek xa segánamakxa nak, kapayhekxak sat egwáxok eñama nenlané xa ektaha nak.

HEBREOS 5:14

Nento ekyennakte nak, wánxa aksa etawagkok ma'a ektaha nak metnaha apketkók, cham'a apmopwancha'al'a elyekpelkohok aksok, hakte apwanchek elyekpelkohok ma'a aksok ektakmela nak, tén han ma'a aksok ekmaso nak.

EFESIOS 4:14

Mantehek sat kaxwo' negko'o máxa sakcha'a, ekmanyehel'a kayakmagkasek ektahakxa elchetamso awáxok, ektemésesamol'a ekhó exchahayam segyegeyak ma'a ekyókxoho ektémakxa nak axnagkok nelxekmowásamáxche, cham'a sakcha'a eyhayol'a elyexanchesha m'a énxet'ák apkelya'áseykegkoho nak apkeltémakxa hẽlyexanchesha, cham'a énxet'ák apkelyetleykekxo nak ámay senxegánegkesamo nak.

SAN MATEO 13:52

Keñe axta aptaha apkeláneya Jesús se'e: —Apkeltámesamakpek agkok énxet apkelxekmóso nak apnámokkok ektémakxa segánamakxa m'a aptémakxa nak Wese' apwányam Dios, máxa etnehek ma'a énxet ekhal'a apxagkok, ey'asagkohok elhexyawásekxak ma'a aksok axnagcha'ák, tén han ma'a aksok apák nak, cham'a apnegkenmakxal'a aksok apkeltakmelcheso.

SAN MATEO 5:15

Megkólálewaksek nahan chálewaso yakwayam kólpekkenek kóneg yántéseksek; wánxa aksa kólchexnek ma'a néten, yakwayam enxoho kalsaksexma aphágkaxa énxet kañe' tegma.

SAN LUCAS 11:35

Kóllenxánem keytek kéxegke elseyexma, kápok katnehek ekyaktesóxma.

SAN LUCAS 11:37

Xama axta apkelwátesa apkeltenneykha Jesús, apcháneyáha axta etáswók apto apxagkok xama énxet fariseo. Aptaxnegwokmek axta Jesús ma'a, aphakmek axta nekha mésa.