SAN LUCAS 11:13 - Lengua Sur (Enxet) Nuevo Testamento

¹³ Kélya'ásegkok agkok kélméso aksok eltakmela kélketchek, kéxegke kéltaha nak ekmaso kéltémakxa, ¡eyagwánxa agkok apmopwána egkések Espíritu Santo énxet ektahakxa enxoho apkelmaxnagko m'a Kélyap apha nak néten!

SAN LUCAS 11:13 Referans Kwoze

SAN MATEO 7:11

Kélya'ásegkok agkok kélméso aksok eltakmela kélketchek kéxegke kéltaha nak ekmaso kéltémakxa ¡Sat eyke ekyagwánxa agkok elmésagkok aksok eltakmela énxet'ák ektahakxa enxoho apkelmaxnagko aksok ma'a Kélyap apha nak néten!

SAN JUAN 4:10

Aptahak axta apchátegmowágko Jesús se'e: —Ya'ásegkok agkok xeye' m'a aksok segmésamol'a cha'a Dios, ya'ásegkok agkok nahan se'e apkelmaxneya nak yegmen, kalmaxnak xeyk xeye' yegmen, keñe exchek egkések ma'a yegmen ekyennaktésamo nak egnenyek.

ROMANOS 8:32

Axta emyágweykekxak Apketche Dios segmésa negko'o, apcha'awok axta aksa apmatña negko'o eñamakxa, ékeso eñamakxa peya nak hegmések negko'o Dios ekyókxoho aksok xamo' ma'a Apketche.

LOS HECHOS 2:38

Aptahak axta Pedro apchátegmowágko s'e: —Kólyakmagkas kélwáxok, kóltegye yakpasama yegmen eñama nak Wese' egegkok Jesucristo apwesey, yakwayam enxoho meyakmagkásekxék Dios kéltémakxa nak megkólya'asáxma, keñe sat egkések kéxegke Dios Espíritu Santo.

SAN MATEO 6:14

“Hakte agkok kólyakmagkáseykxak kéltemésesakxa ekmaso kéxegke, meyakmagkásekxék sat nahan kéxegkáxa kéltémakxa m'a Kélyap apha nak néten.

SAN MATEO 6:32

Cháxa ekyetnakhasamol'a apwáxók énxet'ák apya'áseyam Dios ekyókxoho xa aksok nak, yetneyk eyke kéxegke Kélyap apha nak ma'a néten, apya'ásegkok eyéméxko kéxegke xa.

SAN LUCAS 11:2

Aptahak axta apkeláneya Jesús se'e: —Kéltemék agkok nempeywa nelmaxnagko, kólteme sat se'e: ‘Táta, kólpagkanchesek sat apwesey exchep. Yána sat kawak yakwayam kóltemésesek Wese' apwányam Xép

SAN MATEO 6:30

Aptemésesek agkok nahan aptaxneyáseykekxa ektaxno Dios pánakte exnók xa ektaha nak, cham'a élakna nak yókxexma xama ekhem agko', keñe mók ekhem kólchexak nátex, eyeykhásamhok sat eyke ekxéneykha apwáxok kéxegke Dios kéltaha nak ekmasextoho kélteme megkólya'áseyam.

SAN MATEO 5:45

keñe sat kóltehek kéxegke apketchek ma'a Dios Kélyap apha nak néten; hakte etekkeseshok cha'a ekhem ma'a énxet'ák elmasagcha'a nak apkeltémakxa, ekhawo nak han ma'a énxet'ák ektakmela nak apkeltémakxa, yapháseshok nahan cha'a mámeye m'a énxet'ák apkelpéwomo nak, tén han ma'a melya'asáxma nak.

SAN MATEO 5:16

Kóllenxánem nahan kéxegkáxa kalsásamhoxma nápakta'awo' énxet'ák ma'a elseyexma kélagkok nak, yakwayam enxoho elpeykeshok Dios Egyap apha néten apyókxoho énxet'ák, cham'a ekwetáxko enxoho kéltémakxa ektakmela kéxegke.

ROMANOS 7:18

Ekya'ásegkok megkeytna ko'o aksok ektakmela xama enxoho, cham'a sektémakxa ahagko' nak ko'o may'asáxma; amawho eykhe cha'a ko'o alána' aksok ektakmela, mowanchek eyke alána'.

ROMANOS 5:17

Yetnegkek axta nétsapma eñama m'a aksok ekmaso apkelané axta xama énxet, sat eyke ekyagwánxa agkok keytek axnagkok elyennakte apnenya'ák ma'a énxet'ák apxeyenma nak Dios aptaha apkelpéwomo eñama ekyawe apkelásekhayo, cham'a aptemésesama axta meyke ekyanmaga apmésama xa, eñama m'a xama énxet apwesey nak Jesucristo.

TITO 3:3

Hakte sẽlyéháxma axta anhan negko'o xa nano' axta, axta antemék nelyaheykekxoho Dios, axta agakhémok negko'o nentémakxa, kelmomchek axta egwáxok ekyókxoho aksok negyespagkamakxa nak, nentemegkek axta ekmaso nentémakxa, tén han nelyásekáseykha, neltaknómaxchék axta negko'o, nelenmexamaxchekxeyk axta anhan negko'o xa.

SAN LUCAS 11:12

yettaha' enxeykel'a anhan kólmések apkelmaxneya enxoho tat'appok?

SAN LUCAS 18:7

¿Mepasméya Dios énxet'ák ektaha nak apkelyéseykha, apwóneykha nak apwesey ekyókxoho ekhem tén han ekyókxoho axta'a? ¿Yánaya aksa sekxo' kólleyxek?