SAN LUCAS 10:29 - Lengua Sur (Enxet) Nuevo Testamento

²⁹ Wánxa agkok, apmokók axta eyke epeykásekxohok ektahakxa apkelmaxneyeykha m'a ektaha axta apkelxekmóso apnámokkok ektémakxa segánamakxa. Aptahak axta makham apkelmaxneyeyncha'a Jesús se'e: —¿Yaksak ko'o émók?

SAN LUCAS 10:29 Referans Kwoze

SAN LUCAS 16:15

Aptahak axta apkeláneya Jesús se'e: “Máxa cha'a kéltemék kéxegke ektakmela kéltémakxa nápakta'awo' énxet'ák, apya'ásegkok eyke Dios ektémakxa elchetamso kélwáxok kéxegke. Aksok apkenagkama nak katnahak ektakmela agko' énxet'ák, cháxa megkaleklama nak apwáxok Dios xa.

GÁLATAS 3:11

Ekeso eñamakxa negyekpelchawo cha'a metnésesama Dios apkelpéwomo énxet eñama apkeláneyak ma'a eltémókxa nak antehek segánamakxa, hakte temegkek eknaktáxésamaxche s'e: “Enxet apxeyenma nak Dios aptaha appéwomo nakso' sat étak apyennakte eñama mey'áseyam.”

ROMANOS 4:2

Aptemésesek axta agkok appéwomo Dios Abraham eñama m'a aksok apkelané axta, keytek axta yakwánxa etnehek keyxkohok appeywa Abraham, háwe eyke m'a nápakto' Dios.

ROMANOS 10:3

Melya'ásegkok ektémakxa m'a senteméseso nak nelpéwomo Dios, elenxanmok nahan cha'a eltemésesakpohok apancha'awok apkelpéwomo eñama m'a apkeltémakxa nak, melyaheykekxohok ma'a sempekkenchesama axta Dios yakwayam hentemésesek nelpéwomo.

SAN LUCAS 10:36

¿Yaksak ekxéna apwáxok xép aptaha apchásekhayókxa énxet aptawáseykegkoho axta énxet'ák elmasagcha'a apkeltémakxa xa apkántanxo nak?

SANTIAGO 2:24

Kélwet'ak kéxegke apxeyenma cha'a Dios, aptaha appéwomo énxet eñama ekwetamaxkoho m'a aksok apkelané nak, háwe ekwánxa agkok ma'a mey'áseyam nak.

SAN MARCOS 8:34

Keñe axta apkelwónencha'a Jesús apkeltámeséyak, tén han ma'a énxet'ák. Aptahak axta apkeláneya s'e: —Kélmokók agkok kóltehek selxekmóso kélxama kéxegke, kólwateys xa kélmáheyókxa nak kóltehek, kólpátem kélagko' aksok ektegyéso kélagkok, hélyetlogma ko'o.