SAN LUCAS 10:17 - Lengua Sur (Enxet) Nuevo Testamento

¹⁷ Apkelwákxeyk axta makham aphakxa Jesús ma'a setenta y dos énxet'ák, yetlo elpayheykekxa apwáxók axta apkelwákxak ma'a. Aptahak axta apcháneya s'e: —¡Wese', wokmók sẽlyaheykekxoho kelyekhama' eñama nenxeyenma apwesey exchep!

SAN LUCAS 10:17 Referans Kwoze

ROMANOS 16:20

keñe sat kañehémhok etnesásekxak Dios kónegók agko' Satanás, keñe sat kéxegke kóltemekxak néten, cham'a Dios aptaha nak segméso meyke ektahakxa egwáxok. Wese' egegkok Jesús sat epasmok kéxegke.

SAN MARCOS 16:17

Keytek sat kélnepyeseksa kéxegke aksok magkenatcheso nak agweta' kéxegke kélteme nak megkólya'áseyam se'e: kólántekkesek sat kelyekhama' yetlo kélxeyenma sekwesey ko'o; katyapok sat nahan mók ektémakxa kélpeywa;

SAN LUCAS 9:1

Apchánchesákxeyk axta Jesús doce apkeltámeséyak, apkelmeyásegkek axta apkelmopwancha'a yakwayam elántekkesek ekyókxoho ektémakxa kelyekhama', tén han yakwayam eltakmelchesók ma'a elháxamáxche.

SAN LUCAS 10:1

Apkelyésáha axta anhan Wese' egegkok setenta y dos énxet natámen xa, apkánet axta cha'a apkeláphásak Jesús amonye apxega, apkeláphásek axta elmahagkok yókxoho nátegma, cham'a apmokókxa axta emhagkok Jesús.

SAN LUCAS 10:9

kóltakmelchesem nahan elháxamáxche ekheykha m'a, kólteme sat kólának se'e: ‘Chágketwa'ak kéxegke m'a aptémakxa nak Wese' apwányam Dios.’

SAN MATEO 4:24

Ekyókxoho yókxexma Siria axta apxénamakpok Jesús, kélnaklókasegkek axta ekyókxoho ektémakxa nak elmasagcha'a apkelháxamap, tén han ma'a ekyókxoho ektémakxa nak apkellegeykegkoho ekmáske, tén han ma'a kelyekhama' eknaktawáseykha nak, tén han ma'a énxet'ák apkeletsapeykekxoho axta cha'a, tén han ma'a énxet'ák megkamopwána axta cha'a eltakheykha. Apkeltakmelcheseykmek axta cha'a Jesús xa.

SAN LUCAS 10:20

Nágkalpayhekxa aksa kélwáxok kélwet'a elyahákxoho kélpeywa m'a kelyekhama', akke tásek kalpayhekxak kélwáxok ektáxesáxko kélwesey m'a néten.

EFESIOS 5:24

Kéméxchek nahan katnehek elyaheykekxoho agko' atáwa kelán'a ekha nak atáwa, ekhawo aptamheykegkaxa nak Dios énxet'ák apagkok apkelyaheykekxoho m'a Cristo.