SAN JUAN 9:39 - Lengua Sur (Enxet) Nuevo Testamento

³⁹ Keñe axta aptaha appakmeta Jesús se'e: —Ekwa'ak axta ko'o keso náxop yakwayam enxoho atnehek selyekpelchémo énxet'ák, yakwayam enxoho anhan étekxaxma m'a énxet apteme nak meyke apakta'ák, yakwayam enxoho nahan etnekxak meyke apakta'ák ma'a énxet ekha nak apakta'ák.

SAN JUAN 9:39 Referans Kwoze

SAN JUAN 3:19

Apkelsexnánemakpek ma'a énxet'ák apkelya'áseyam nak, hakte, xama axta ekwa'a elseyexma keso náxop, wánxa axta aksa apkelapmeñého m'a ekyaktesóxma, mopmenyék axta elseyexma, hakte aksok ekmaso axta apkeláneykegkok.

SAN JUAN 12:46

Ekwa'ak axta ko'o keso náxop, yakwayam enxoho mexmakha neyseksa ekyaktesóxma énxet'ák apteme nak mehey'áseyam, ko'o sektaha nak elseyexma.

LOS HECHOS 26:18

Eyáphásek xép nepyeseksa xa énxet'ák nak, yakwayam enxoho elyekpelchásesamhok, tén han kamaskok apkelteyáseyncha'a ekyaktesakxaxma, wánxa aksa elteyésha m'a neyseksa elseyexma nak, yakwayam enxoho anhan kamaskok ekyetna ekmowána Satanás nepyeseksa xa énxet'ák nak, wánxa aksa elyetlakxak ma'a Dios; yakwayam enxoho etnahagkok mehey'áseyam ko'o, keñe anhan elxawagkok ma'a meyakmagkáseykekxa nak Dios apkeltémakxa melya'asáxma, tén han exkak yakwayam epáxakwók ma'a Dios énxet'ák apagkok apkelpagkanamap nak.

SAN JUAN 8:12

Apkeltennáseyha axta makham Jesús énxet'ák. Aptahak axta s'e: —Ko'o sekteme elseyexma keso náxop; énxet ektahakxa enxoho setleykha ko'o, keytek sat ma'a elseyexma ekyennaktésamo nak egnenyek, metyesha sat neyseksa ekyaktesóxma.

1 SAN JUAN 2:11

Wánxa agkok, enxama aptaknagko enxoho apyáxeg aptémo xamo' nak mey'áseyam, apheyk makham neyseksa ekyaktesakxaxma, neyseksa ekyaktesakxaxma nahan eweynchamha, mey'asagkek nahan ma'a apmahágkaxa enxoho, hakte ekyaktesóxma temésesók meyke apakta'ák.

SAN LUCAS 4:18

“Wese' egegkok Espíritu apagkok ko'o sekxegexma, hakte epagkanchek axta ko'o yakwayam asókasek amya'a ektakmela m'a énxet'ák meyke nak aksok apagkok; Elaphásek nahan ko'o yakwayam altennaksek kélchexeykxo m'a énxet apkelmomap nak, tén han óteyásekxaxma m'a énxet'ák meyke apakta'ák nak; keñe anhan akxeykxak ma'a énxet'ák kélnaktawáseykegkoho nak;

SAN LUCAS 1:79

yakwayam enxoho kalsásesexma m'a énxet'ák apheykha nak ekyaktésakxaxma, yakwayam hennaklakxak ma'a ámay ekyetnamakxa nak meyke ektahakxa egwáxok.”

1 SAN PEDRO 2:9

Kéxegke eyke kélteme énxet'ák ektaha axta Dios apkelyéseykha, kélteme anhan kélmaxnéseso Dios énxet'ák apagkok eñama apkelásenneykha m'a Wese' apwányam Dios, kélteme nahan Dios énxet'ák apagkok apkelpagkanamap, kélteme nahan énxet'ák ektaha axta Dios apkelma yakwayam etnehek énxet'ák apagkok. Temegkek kéxegke xa ektaha nak yakwayam enxoho kóllegaksek ma'a Dios aptamheykha ektakmela nak, cham'a Dios aptaha axta apkelwóneykha kéxegke yakwayam kólantépok neyseksa ekyaktésakxa exma yakwayam enxoho kólántexek ma'a neyseksa elseyexma apagkok ektakmalma nak.

EFESIOS 5:14

hakte elseyexma kapekkenekxak yáxñakxoho. Ekeso eñamakxa ektéma nak amya'a s'e: “Exatakha, xeyep ektaha nak apteyenma, exnekxa néten nepyeseksa énxet'ák ektaha nak apkeletsapma, Cristo sat yelsásesexma exchep.”

2 CORINTIOS 2:16

Cháxa aksok ekmátsa ekpakneyam nak, temésesek cha'a ekpakneyam segakhamo m'a énxet'ák peya nak elmassegwók, keñe m'a énxet'ák peya nak elwagkasakpok teyp, temésesek cha'a ekmátsa ekpakneyam ekyennaktésamo egnenyek. ¿Yaksak eyewagko kalának xa nentamheykha nak?

SAN JUAN 9:25

Aptahak axta apchátegmowágko énxet se'e: —May'ásegkok ko'o, mey'asáxma kexaha, háwe esenhan. Wánxa aksa sekya'ásegkoho ko'o m'a sekteme axta meyke ahakta'ák, keñe kaxwo' sekwetákxoxma.

SAN JUAN 8:15

Kéltemék cha'a kéxegke kélyekpelchémo kélmók ekhawo m'a ektémakxal'a apyekpelchémo pók énxet. Matnehek eyke ko'o sekyekpelchémo xama énxet enxoho;

SAN JUAN 3:17

Hakte axta yáphásak Apketche Dios keso náxop yakwayam enxoho elsexnenak énxet'ák apheykha nak keso náxop, wánxa agkok, apcháphásek axta yakwayam elwagkasek teyp.

SAN LUCAS 13:30

Wánxa agkok, meyke kéláyo sat kóltemesásekxak nápakha énxet'ák ekha nak kéláyo keso negwánxa nak, keñe sat kóltemesásekxak ekha kéláyo m'a nápakha énxet'ák meyke nak kéláyo keso negwánxa nak.

SAN LUCAS 7:21

Chakhawók axta anhan ma'a apkeltakmelchesekmo axta Jesús apxámokma énxet ektémakxa axta apkelháxamap, tén han ma'a ektémakxa axta anhan apkellegeykegkoho, tén han ma'a kelyekhama' eknaktawáseykha axta, apkelwetásekxeyk axta anhan exma apxámokma m'a énxet meyke apakta'ák axta.

SAN LUCAS 2:34

Keñe axta apkelmaxnésásegko Simeón, aptahak axta anhan apcháneya María, Jesús egken se'e: —Kalano, appagkanákpek se'e sakcha'a nak, yakwayam enxoho exámak énxet'ák Israel apkelxegányam, exámak esenhan apteme apkelmeyámap. Etnehek sat nahan magkenatcheso apkeñama Dios, cham'a peya sat exámhok énxet megkaleklo apwáxok,

SAN MATEO 11:5

Kóltennasha sat Juan apkelwetákxoxma énxet'ák meyke nak apakta'ák, keñe apkelxegákxo m'a énxet meyke aptapnák nak, keñe anhan apkeltakmelwokmo m'a énxet ektamhéyak nak negmasé ektepelchamáxche egyempehek, keñe anhan apkellegákxoxma m'a énxet'ák meyke apeyk'ák nak, keñe anhan apnakxétekhágwokmo m'a énxet'ák apkeletsapma axta, keñe anhan kéllegasa amya'a segwagkasamo teyp ma'a énxet'ák meyke nak aksok apagkok.

SAN MATEO 6:23

wánxa agkok, asagcha'ak agkok kélakta'ák, kasawhekxohok sat ekyaktesóxma ekyókxoho kélyókxa. Yetneyk agkok kéxegke ekyaktesóxma yakwayam eykhe keytek ma'a elseyexma, kayaktéshok agko' nahan exma.

2 TESALONICENSES 2:10

Emha sat nahan ma'a ekyókxoho ektémakxa nak ekmaso nentémakxa yakwayam enxoho elyexanchesha énxet'ák peya nak elmahagkok sẽlmasésamakxa, hakte mopmenyék axta emok takha m'a amya'a ekmámnaksoho nak, mopmenyék axta nahan yásekhohok, yakwayam eykhe exkak apkelwagkásamap teyp.

SAN MATEO 15:14

Kólho aksa, énxet'ák meyke apakta'ák xa, cháxa appeykesáseykegkohol'a apxega pók meyke apakta'ák xa. Appeykesásegkek agkok apxega pók énxet meyke apakta'ák ma'a aptémo xamo' nak meyke apakta'ák, apkánet epalegmak kañe' máxek.

SAN JUAN 12:31

Peyk kaxwo' kóltehek kélyekpelchémo apyókxoho énxet apheykha nak keso náxop, peyk nahan kaxwo' kóltekkesek ektéma nak wese' keso náxop.