SAN JUAN 9:24 - Lengua Sur (Enxet) Nuevo Testamento

²⁴ Apcháneyáha axta makham énxet'ák fariseos xa énxet apteme axta meyke apakta'ák. Entahak axta amya'a apcháneyákpo s'e: —Hẽltennés hana negko'o ekmámnaksoho agko' nápakto' Dios. Negya'ásegkok negko'o aptaha mey'asáxma m'a énxet nak.

SAN JUAN 9:24 Referans Kwoze

SAN JUAN 9:16

Aptahak axta apkelpakmeta nápakha fariseos se'e: —Enxet ektaha nak apkelané xa megkañamak Dios, hakte metnahak apcháyo ekhem nellókasamakxa nelyampé. Keñe axta anhan nápakha énxet aptaha apkelpakmeta s'e: —¿Háxko katnehek elának aksok sempelakkaso agweta' aptaha enxoho mey'asáxma? Cháxa ektahakxa axta apkexpáncháseykpo énxet'ák xa.

SAN JUAN 19:6

Xama axta apwet'a m'a apkelámha apmonye'e nak appasmo apkelmaxnéseso Dios énxet'ák apagkok, tén han ma'a ektaha axta aptakmelcheso tegma appagkanamap, aptahak axta apkelyennaktésawo apkelpeywa s'e: —¡Epetches aksok ektegyéso, épetches aksok ektegyéso! Aptahak axta Pilato apkeláneya énxet'ák se'e: —Kólyentemekxa kólyepetches kéxegke aksok ektegyéso, hakte mót'ak ko'o ekmaso aptémakxa s'e énxet nak.

2 CORINTIOS 5:21

Axta elaneyk Cristo mey'asáxma xama enxoho. Negko'o axta eyke keñamak aptemésesa Dios máxa ekha mey'asáxma Cristo, yakwayam enxoho hentemésesek negko'o nelpéwomo Dios, eñama senteméseso m'a Cristo.

ROMANOS 8:3

Hakte apkelanak axta Dios ma'a megkawagko axta kalána' Moisés segánamakxa apagkok, yawanchek axta kalána' segánamakxa xa, eñama m'a ektémakxa nak melya'asáxma énxet'ák. Apcháphásek axta Apketche Dios apheyásamákpoho m'a énxet'ák ekha nak melya'asáxma, yakwayam etnehek apyanmaga m'a ektémakxa nak mólya'asáxma, yakwayam enxoho nahan kólmasesók ma'a ektémakxa nak mólya'asáxma, cham'a, ektémakxa nak ekyetno mey'asáxma énxet.

SAN JUAN 18:30

—Háwe axta agkok ekmaso aptémakxa, magyentementék axta negko'o aphakxa exchep, —axta aptahak apkelátegmowágko xa énxet'ák nak.

SAN JUAN 16:2

Kólántekkesek sat kéxegke apchakneykekxa nak judíos, keñe sat kammok nahan ekhem yakwánxa nak yának elának énxet ma'a ekleklamókxa nak apwáxok antehek Dios, cham'a apkennapa enxoho kéxegke xa énxet'ák nak.

SAN JUAN 14:30

“Malenxanmagkók sat selpakhetcheso kéxegke, hakte xegakmek ma'a ektaha nak wese' keso náxop. Méko eykhe ekmowána hélának ko'o,

SAN JUAN 8:49

Aptahak axta apchátegmowágko Jesús se'e: —Méko ko'o kelyekhama' xama enxoho, wánxa eyke sektéma seyáyo m'a Táta keñe kéxegke kéltéma meheláyo ko'o.

SAN JUAN 8:46

¿Yaksak énxet apyetna kélnepyeseksa kéxegke apmopwána exekmósek ekyetna ko'o may'asáxma? Ektemék agkok cha'a ekmámnaksoho sekpeywa, ¿yaksak ektaha selya'ásekmo nak cha'a kéxegke?

SAN JUAN 5:23

yakwayam enxoho kaxhok kélteme kéláyo Dios Apketche m'a ekwánxa nak kélteme kéláyo ko'o Táta. Agkok kóltahak kéláyo Dios Apketche, megkóltahak nahan kéláyo m'a Táta aptaha axta seyáphaso ko'o.

SAN LUCAS 19:7

Xama axta apwet'a apyókxoho énxet xa, apyamatcháseyha axta Jesús, apxénákpek axta Jesús peya exnók énxet mey'asáxma apxagkok.

SAN LUCAS 15:2

Apkelpakmeteyha axta énxet'ák fariseos, tén han ma'a énxet'ák apkelxekmóso axta apnámokkok ektémakxa segánamakxa. Aptahak axta apkelpakmeta s'e: —Apkelápeyha nak énxet'ák melya'asáxma xa énxet nak, aptókok nahan xamo' aptéyak.

SAN LUCAS 7:39

Xama axta apwet'a fariseo ektaha axta apcháneyeykha Jesús xa, entahak axta elchetamso apwáxok se'e: “Nakso' agkok aptaha Dios appeywa aplegaso xa, ékpelkohok ektémakxa xa kelán'a ekpaknegwa'awo nak: kelán'a ekmaso ektémakxa xa.”

SAN MARCOS 15:27

Kélyepetchásók axta xamo' Jesús apkánet énxet elmasagcha'a apkeltémakxa, xama axta kélchexnak ekpayhókxa nak apkelya'asamakxa, keñe axta pók kélchexna ekpayhókxa axta nepsagkalwa Jesús.

SAN JUAN 9:25

Aptahak axta apchátegmowágko énxet se'e: —May'ásegkok ko'o, mey'asáxma kexaha, háwe esenhan. Wánxa aksa sekya'ásegkoho ko'o m'a sekteme axta meyke ahakta'ák, keñe kaxwo' sekwetákxoxma.

APOCALIPSIS 11:13

Keñe axta ektepa ekyawheykha xóp ekyennakte agko', palchesakmek axta anhan nápakha tegma ekwokmo axta cha'a diez apyókxoho, siete mil axta anhan apyókxoho apkeletsapma énxet'ák. Keñe m'a ektaha axta meletsapma, apchekakxoho axta apkelpeykásawók Dios apha nak néten.