SAN JUAN 8:55 - Lengua Sur (Enxet) Nuevo Testamento

⁵⁵ Akke kólya'ásegkok kéxegke m'a Dios, ko'o eyke ekya'ásegko', ekxénchek agkok ko'o may'ásegko m'a Dios, sekmowána amya'a atnehek, ekhawo kéltémakxa nak kéxegke; nakso' eyke ko'o sekya'ásegkoho m'a Dios, elyaheykekxók nahan ma'a appeywa.

SAN JUAN 8:55 Referans Kwoze

SAN JUAN 8:19

Entahak axta amya'a apcháneyákpo s'e: —¿Háxko aphakxa apyap xép? Aptahak axta apchátegmowágko Jesús se'e: —Mehelya'ásegkok ko'o kéxegke, megkólya'ásegkok nahan ma'a Táta; kaxtemek axta selya'áseykegkoho kéxegke, kólya'asagkohok axta m'a Táta.

SAN JUAN 8:44

Kelyekhama' kélyap kéxegke; cha'a kéleñamak kéxegke m'a, kóllenxanmok nahan cha'a kóllának eyámenyéxa enxoho kóllának ma'a. Ekyetno ekyógkexma axta entemék kelyekhama' sekxo' agko'. Megkameykha cha'a m'a amya'a ekmámnaksoho nak, megkatnehek nahan cha'a ekmámnaksoho ekpeywa. Temék agkok cha'a ekmowána amya'a, katnehek cha'a m'a ektémakxal'a cha'a; hakte ekmowána amya'a m'a, cha'a keñamak negmowána amya'a m'a.

APOCALIPSIS 3:9

Wának sat ko'o eltekxekwók aptapnák nápakto' xép ma'a énxet'ák apkeleñama nak kélakneykekxexa kélpeykesamo Satanás, cham'a apkelmopwána amya'a nak, apkeltemesásamákpo nak judíos, háwe eyke nakso', yakwayam enxoho anhan elya'ásegwomhok sektéma ko'o seyásekhayo exchep.

SAN JUAN 8:51

Enxet ektahakxa enxoho apkelyaheykekxoho sekpeywa megyetsepek sat. Nakso' xa sektahakxa nak seláneya kéxegke.

SAN MATEO 11:27

“Egkések axta ko'o Táta ekyókxoho aksok. Méko keykpelkohok Dios Apketche, wánxa m'a Apyap; méko nahan keykpelkohok ma'a Apyap, wánxa ékpelkohok ma'a Apketche, tén han elyekpelkohok ma'a énxet'ák apkepmenyexa enxoho Apketche ékpelchásesamhok aptémakxa Apyap.

1 SAN JUAN 5:10

Negko'o ektahakxa enxoho magya'áseyam Dios Apketche, keytek egwáxok xa ektémakxa nak apxeyenma Dios; keñe m'a énxet ektahakxa enxoho apya'áseyam Dios, máxa apmopwána amya'a etnésesek ma'a Dios, hakte ey'ások ma'a aptémakxa nak Dios apxeyenma Apketche.

SAN JUAN 15:21

Etnésesek sat kéxegke énxet'ák ekyókxoho xa, ko'o eñamakxa, hakte melya'ásegkok énxet'ák ma'a aptaha axta seyáphaso ko'o.

1 SAN JUAN 2:22

¿Yaksak m'a ekteme nak ekmowána amya'a? Cham'a énxet apxeyenma nak Jesús metnaha Mesías. Cháxa aptaha nak han apkenmexma Cristo xa, hakte mexének apwesey Dios Egyap, tén han ma'a Apketche.

1 SAN JUAN 2:4

Aptemék agkok appeywa enxama s'e: “Ekya'ásegkok ko'o Dios”, keñe melyahakxók ma'a apkeltémókxa nak antehek Dios, apmopwána amya'a énxet apteme enxoho xa, megkeytek nahan apwáxok ma'a amya'a ekmámnaksoho nak.

2 CORINTIOS 4:6

Dios apagko' axta apkeltémo katyapok aksa elseyexma neyseksa ekyaktesóxma, axta anhan apkeltémo katyapok elseyexma egwáxok negko'o m'a Dios, yakwayam enxoho agya'ásegwomhok ektémakxa nak Dios apcheymákpoho elyenmasama nak nápát ma'a Jesucristo.

LOS HECHOS 17:23

Neyseksa sekxega axta elanawók kélpeykesamókxa nak cha'a kéxegke aksok kéleykmáseso, ekwet'ak axta ko'o aksok ekwatnamáxchexa yetlo kéltáxéso ektéma nak se'e: ‘Dios megkólyekpelchémo’. Cháxa Dios kélpeykáso nak kéxegke neyseksa megkólya'áseyak xa, cham'a seltennasa nak kéxegke.

SAN JUAN 17:25

Xép Táta appéwomo, melya'ásegkok énxet'ák apheykha náxop aptémakxa exchep; ekya'ásegkok eyke ko'o exchep, apkelya'ásegkok nahan aptaha seyáphaso ko'o exchep se'e ektaha nak énxet'ák apagkok.

SAN JUAN 16:3

Elanagkok sat énxet'ák xa, hakte mehẽlya'ásegkok negko'o, melya'ásegkok nahan ma'a Táta, mehey'ásegkok nahan ko'o xa.

SAN JUAN 15:10

Kélyahakxók agkok kéxegke m'a seltémókxa nak kóltehek, alenxanmohok sat nahan ko'o xa selásekhayo kéxegke, ekhawo ektémakxa nak ko'o selyaheykekxoho m'a apkeltémókxa nak atnehek Táta, apkelenxanakmok nahan apteme seyásekhayo.

SAN JUAN 8:29

Sekxegexma ko'o ma'a aptaha axta seyáphaso; meheyenyewek nahan exakko' Táta, hakte alának cha'a ko'o m'a ekleklamókxa nak apwáxok alána'.

SAN JUAN 6:46

“Méko xama énxet apwetaya Dios xama enxoho; wánxa apwetaya m'a aptaha axta apkeñama Dios.

SAN JUAN 1:18

Méko ekwetaya aptémakxa Dios xama enxoho; axta eyke segyekpelcháseseyam negko'o m'a aptaha nak wánxa xama Dios Apketche, aptaha nak han Dios, aptaha nak han cha'a meyenyaweykha Apyap.

SAN LUCAS 10:22

“Egkések axta ko'o Táta ekyókxoho aksok. Méko kay'asagkohok aptémakxa m'a Dios Apketche, Apyap aksa ey'asagkohok; méko nahan kay'asagkohok aptémakxa m'a Dios, Apketche aksa ey'asagkohok, tén han ma'a énxet'ák apkepmenyéxa enxoho elya'asásegwomhok Dios Apketche aptémakxa Apyap.”

SAN JUAN 8:52

Aptahak axta apkelátegmowágko judíos se'e: —Nakso' nentemesásak kaxwo' negko'o ekyetna apwáxok xép kelyekhama'. Apketsepmeyk axta Abraham, apsawhomakpók nahan apkeletsapma m'a énxet'ák ektaha axta apkellegaso Dios appeywa, keñe exchep aptaha appeywa s'e: ‘Enxet ektahakxa enxoho apkelyaheykekxoho sekpeywa, megyetsepek sat.’

1 SAN JUAN 1:6

Nenxénchek agkok negko'o nentaha negyepetcheyo Dios, keñe agyepetchesek nahan nenlané m'a nentémakxa ekmaso ekyetchesamaxkoho nak ekyaktesóxma, negmowána amya'a antehek ma'a nentahakxa enxoho nempeywa, háwe nahan katnehek ekmámnaksoho aksok nenlané.