SAN JUAN 8:20 - Lengua Sur (Enxet) Nuevo Testamento

²⁰ Cháxa aptahakxa axta apkeltenneykha Jesús neyseksa apkelxekmóso énxet'ák kañe' tegma appagkanamap xa, cham'a ekheykegkaxa axta cha'a yántéseksek kélxátamo axta cha'a aksok kélméso Dios. Méko axta eyke ekma Jesús, hakte axta kawokmok makham ekhem.

SAN JUAN 8:20 Referans Kwoze

SAN JUAN 7:30

Keñe axta peya eykhe emakpok Jesús, méko axta eyke ekpaknegwokmoho, hakte axta kawokmok makham ekhem apagkok.

SAN JUAN 7:8

Kólmohok kéxegke m'a apchaknákxexa nak énxet, maxñehek sat ko'o, hakte megkawokmok makham ekhem yakwánxa amyekxa'.

SAN MARCOS 12:41

Apheyk axta Jesús nekha kélxátamakxa axta cha'a selyakye kélméso Dios, apkeláneyha axta ektahakxa apnegkenéyak selyakye énxet'ák. Awanhek axta cha'a appekkenma selyakye m'a énxet'ák kelwese'e nak.

SAN JUAN 7:44

Nápakha énxet axta apmoko exnésók Jesús ma'a sẽlpextétamakxa, méko axta eyke ekhésakmo.

SAN MARCOS 12:43

Apkelwóneyha axta Jesús apkeltámeséyak natámen xa. Aptahak axta apkeláneya s'e: —Awanhek ekpekkenma selyakye eknegkenamaxchexa xa kelán'a tampé' meyke aksok agkok nak, kaxnók ma'a apyókxoho énxet'ák nak;

SAN MATEO 27:6

Apyekhákxeyk axta selyakye m'a énxet'ák apkelámha apmonye'e nak appasmo apkelmaxnéseso Dios énxet'ák apagkok. Aptahak axta apkelpakmeta s'e: —Magwanchek ampekkenek kañe' yántéseksek eknegkenamaxchexa nak se'e selyakye nak, hakte penchásexchek kélyanmagkaso éma.

SAN JUAN 10:39

Peyk axta eykhe makham emok Jesús xa énxet'ák nak, wánxa agkok, apxegánegkesek axta eyke Jesús.

SAN JUAN 8:59

Keñe axta apkelma meteymog peya elyetnak Jesús xa énxet'ák nak; wánxa agkok apxeganakmek axta eyke aksa Jesús nepyeseksa xa énxet'ák nak, aptekkek axta kañe' tegma appagkanamap.

SAN LUCAS 20:19

Apmokók axta eykhe emok Jesús ma'a énxet'ák apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák apkelxekmóso nak apnámokkok ektémakxa segánamakxa, hakte apkelya'ásegkok axta énxet'ák apkelxénákpo m'a aptahakxa axta apyetcháseykekxoho Jesús. Enxet'ák axta eyke apkelakak.

SAN MATEO 26:55

Yetlókók axta apteme apkelmaxneyeykha Jesús énxet'ák se'e: —¿Yaksak ektaha kélsokmoho nak kéxegke sókwenakte tén han yámet selya'awa yakwayam helmok máxa énxet ekmaso aptémakxa eltemesásak? Yókxoho ekhem axta ko'o selxekmóso énxet kañe' tegma appagkanamap, axta nahan helmák kéxegke.

SAN LUCAS 21:1

Apkeláneyha axta Jesús apxatma cha'a selyakye énxet ekxákma selyakye apagkok ma'a kélxátamakxa axta cha'a selyakye kélméso Dios,

SAN JUAN 2:4

Aptahak axta apchátegmowágko Jesús se'e: —Kelán'a, ¿Yaksak ektaha ektaha nak seyáneya xa? Megkawokmok makham ekhem yakwánxa alának ko'o aksok.

SAN JUAN 7:14

Aptaxnegwokmek axta Jesús tegma appagkanamap neyseksa apchakneykekxa énxet. Apkelxekmósek axta énxet'ák ma'a.

SAN JUAN 8:2

mók ekhem axta entahak, keñe axta apmeyákxo Jesús axto'o agko' ma'a tegma appagkanamap. Apya'aweykteyk axta énxet'ák, keñe axta apha Jesús yakwayam elxekmósek xa énxet'ák nak.