SAN JUAN 7:45 - Lengua Sur (Enxet) Nuevo Testamento

⁴⁵ Apkeltakháwók axta makham sẽlpextétamo aptakmelcheso tegma appagkanamap apkelmeyákxo m'a aphágkaxa axta fariseos, tén han ma'a aphágkaxa axta apkelámha apmonye'e nak apkelmaxnéseso Dios énxet'ák apagkok. Entahak axta amya'a kélmaxneyeyncha'a sẽlpextétamo s'e: —¿Yaksak ektaha mekólyentamanto nak?

SAN JUAN 7:45 Referans Kwoze

SAN JUAN 7:32

Apkelleg'ak axta amya'a fariseos ektahakxa apkelpeywa énxet'ák apxéna Jesús, apkeláphásek axta sẽlpextétamo apkeleñama tegma appagkanamap xa énxet'ák fariseos tén han ma'a apkelámha apmonye'e apkelmaxnéseso apnámokkok, yakwayam enxoho emok Jesús.

SAN MATEO 26:58

Axta etétegkohok Pedro apyetlawa kélya'asakxa Jesús, axta apwokmok ma'a ekyawakxal'a apwáxok tegma, apkemha apmonye appasmo apkelmaxnéseso Dios énxet'ák apagkok axta apxagkok ma'a. Aptaxnegwokmek axta, aphakmek axta aphágkaxa sẽlpextétamo aptakmelcheso tegma appagkanamap yakwayam enxoho étagkohok yakwánxa katnehek.

SAN JUAN 9:22

Cháxa ektahakxa axta eyátegmoweyak enchána eyeka énxet'ák xa, hakte hawók axta mók apkelpakmeyesma énxet'ák judíos apmoko elántekkesek énxet'ák kañe' apchakneykekxexa ektahakxa enxoho apkelxeyenma Jesús aptaha Mesías.

SAN JUAN 11:46

Wánxa agkok nápakha énxet judíos axta eyke apkelmeyákxak aphágkaxa fariseos, apkeltennáseyha axta ektahakxa aksok apkelané Jesús.

SAN JUAN 11:47

Keñe axta apchánchesákxo énxet'ák fariseos tén han apkelámha apmonye'e appasmo apkelmaxnéseso Dios énxet'ák apagkok ma'a kelwese'e ekha nak kéláyo. Aptahak axta apkelpakmeta s'e: —¿Háxko sat antehek negko'o? Xámagkek apkelané aksok sempelakkaso agweta' ma'a énxet nak.