SAN JUAN 7:33 - Lengua Sur (Enxet) Nuevo Testamento

³³ Keñe axta aptaha Jesús apkeláneya énxet'ák se'e: —Yakwatakxoho sat axek ko'o kélnepyseksa kéxegke, keñe sat amyekxak makham ma'a aphakxa nak ektaha axta seyáphaso.

SAN JUAN 7:33 Referans Kwoze

SAN JUAN 16:5

Peyk kaxwo' ko'o ay'ókxak ma'a aptaha axta seyáphaso, mehelmaxneyáha nahan kéxegke yakwánxa amhagkok ko'o;

SAN JUAN 13:33

Etchek selásekháyo, megkawegkók sat cha'a ko'o sekha kélnepyeseksa kéxegke. Hélchetmok sat kéxegke, hawók ektahakxa axta seláneya énxet'ák judíos se'e sektahakxa nak seláneya kéxegke: Megkólwanchek sat kólmahagkok ma'a yakwánxa nak amhagkok ko'o.

SAN JUAN 17:13

“Kaxwo', peyk amyekxak ma'a aphakxa nak xép; ektahak ko'o sekpeywa xa neyseksók sekha makham keso náxop, yakwayam enxoho kayawhok agko' elpayheykekxa apwáxók xa énxet'ák nak, ekhawo ektémakxa nak ko'o ekyawe ekpayheykekxa ewáxok.

SAN JUAN 17:11

“Kaxwo' sat eyke kamassegwók ko'o sekha keso náxop, elenxanmohok sat eyke apheykha xa énxet'ák nak, keñe sat ko'o amyekxak ma'a aphakxa nak xép. Táta aptakmalma, eltakmelches xép xa énxet'ák nak, eñama nak ma'a ektémakxa nak ekmowána exchep apwesey, cham'a apwesey segkésa axta, yakwayam enxoho etnehek mekxeymákpoho xa énxet'ák nak, ekhawo ektémakxa nak negyepetcheyo egmók negko'o.

SAN JUAN 16:28

Axta eñamak ko'o m'a aphakxa nak Táta, yakwayam awak keso náxop, kaxwo' eyke peyk kamaskok makham sekha keso náxop, yakwayam amyekxak ma'a aphakxa nak Táta.

SAN JUAN 16:10

Enxet meyke nak aptémakxa, ko'o neykhe m'a, keso, sekmoko nak kaxwo' amyekxak ma'a aphakxa nak Táta, keñe sat mehelwetekxók cha'a kéxegke;

SAN JUAN 14:19

Kaxwo' sat kamaskok sét'a énxet'ák apkeleñamakxa apagko' nak keso náxop; kéxegke sat eyke hélwetak cha'a, kólwetak sat nahan ekyennakte kélnenya'ák, hakte kayhek ko'o egkenyek.

SAN JUAN 13:1

Apya'ásegkok axta Jesús ekwokmo ekhem yakwánxa kamaskok apha keso náxop, yakwayam enxoho exnakxak makham xamo' Apyap, amonye ekwayam ekhem melwagkayam axta énxet'ák judíos, cham'a apkeltéma axta Pascua. Apkelásekhayók axta cha'a Jesús ma'a énxet'ák ektaha axta apkelxegexma'a keso náxop, cháxa ektémakxa axta apkelásekhayo ekwokmoho néxa apha xa.

SAN MARCOS 16:19

Kélya'ásekxeyk axta néten Jesús natámen apkelpakhetcheso apkeltámeséyak, aphákxeyk axta m'a ekpayhókxa nak apkelya'asamakxa Dios.

SAN JUAN 9:4

Kéméxchek anlának aptamheykha m'a aptaha axta seyáphaso ko'o keso ekhakxoho ekhem nak, hakte kayaktések sat, cham'a magkegwagkexal'a anlának nentamheykha.

SAN JUAN 14:12

Enxet ektahakxa enxoho mehey'áseyam ko'o, elának sat ma'a ektémakxa nak cha'a ko'o aksok selané, kayeykhágwomhok sat nahan apkelané aksok ekwánxa nak ko'o selané, hakte peyk ko'o amyekxak ma'a aphakxa nak Táta, nakso' xa sektahakxa nak seláneya kéxegke.

SAN JUAN 14:28

Kélleg'ak axta kéxegke sekxéna ko'o peya atakhekxa', tén han peya awatak makham yakwayam axnaták kélnepyeseksa kéxegke. Nakso' agkok selásekhayo ko'o kéxegke, kalpayhekxak kélwáxok kélyekpelcha enxoho peya amyekxak ko'o m'a aphakxa nak Táta, hakte maxnawo ko'o Táta.

SAN JUAN 20:17

Aptahak axta apcháneya Jesús se'e: —Náhepaknegwoho, hakte mamyákxak ko'o makham ma'a aphakxa nak Táta. Katakhoho, kaltennásekxa sat elyáxeg peya amyekxak ko'o kaxwo' ma'a aphakxa nak Táta, aptaha nak kélyap kéxegke, aptaha nak han Dios ahagkok tén han Dios kélagkok kéxegke.