SAN JUAN 7:28 - Lengua Sur (Enxet) Nuevo Testamento

²⁸ Xama axta apleg'a Jesús xa, aptahak axta apyennaktésawo appeywa neyseksa apkelxekmóso énxet'ák kañe' tegma appagkanamap se'e: —Elyekpelchawók neyke kéxegke, kélya'ásegkok neyke anhan señamakxa. Háwe axta ko'o sekxegayam ahagko', ekxegakmek axta ko'o aptaha seyáphaso m'a ekpayhawo nak kóltehek kéláyo, cham'a megkólya'ásegko nak kéxegke.

SAN JUAN 7:28 Referans Kwoze

SAN JUAN 8:42

Aptahak axta apchátegmowágko Jesús se'e: —Nakso' agkok kéxegke kélyap ma'a Dios, helásekhohok axta ko'o kéxegke, hakte eñamak ko'o m'a Dios, keso sekwaya nak. Háwe ko'o sekwé ahagko', ekwa'ak axta ko'o aptaha seyáphaso m'a Dios.

SAN JUAN 8:19

Entahak axta amya'a apcháneyákpo s'e: —¿Háxko aphakxa apyap xép? Aptahak axta apchátegmowágko Jesús se'e: —Mehelya'ásegkok ko'o kéxegke, megkólya'ásegkok nahan ma'a Táta; kaxtemek axta selya'áseykegkoho kéxegke, kólya'asagkohok axta m'a Táta.

SAN JUAN 8:26

Xámok eykhe yakwayam altennásekxohok kéltémakxa kéxegke, xámok eykhe nahan yakwayam alsexnenak kéxegke. Ekmámnaksoho eyke aksok apxeyenma m'a aptaha axta seyáphaso ko'o, altennaksohok cha'a ko'o énxet'ák apheykha náxop ma'a seklegaya nak cha'a aptémakxa appeywa m'a aptaha axta seyáphaso ko'o.

SAN JUAN 8:14

Aptahak axta apchátegmowágko Jesús se'e: —Sekxénamaxchekxoho ahagko' eykhe ektahak ko'o, háwe eyke eyakhémo xa sektahakxa nak sekpeywa. Hakte ekya'ásegkok ko'o m'a señamakxa axta, ekya'ásegkok nahan ma'a yakwánxa nak amhagkok. Akke kólya'ásegkok kéxegke.

SAN JUAN 17:3

Enxet'ák ektahakxa enxoho apya'áseykegkoho exchep aptaha wánxa xama Dios, tén han apya'ásegkoho enxoho m'a Jesucristo aptaha axta apcháphaso exchep, keytek sat ekyennakte apnenya'ák megkatnegwayam enéxa.

SAN JUAN 12:49

Hakte matnék ko'o sekxénamaxchekxoho ahagko'; egkések axta ko'o Táta apkeltamhókxa atnehek sekpeywa, cham'a aptaha axta seyáphaso, axta anhan eltennásak ma'a apkeltamhókxa axta atnehek selxekmóso.

SAN JUAN 5:43

Ekwa'ak axta ko'o eñama seyáphaso Táta, wánxa agkok, akke helápeyha kéxegke; apwa'ak axta agkok pók énxet apwé apagko' enxoho megkatnaha enxoho kélápháseykha, kóláhapmakha axta kéxegke.

SAN MATEO 11:27

“Egkések axta ko'o Táta ekyókxoho aksok. Méko keykpelkohok Dios Apketche, wánxa m'a Apyap; méko nahan keykpelkohok ma'a Apyap, wánxa ékpelkohok ma'a Apketche, tén han elyekpelkohok ma'a énxet'ák apkepmenyexa enxoho Apketche ékpelchásesamhok aptémakxa Apyap.

1 SAN JUAN 5:10

Negko'o ektahakxa enxoho magya'áseyam Dios Apketche, keytek egwáxok xa ektémakxa nak apxeyenma Dios; keñe m'a énxet ektahakxa enxoho apya'áseyam Dios, máxa apmopwána amya'a etnésesek ma'a Dios, hakte ey'ások ma'a aptémakxa nak Dios apxeyenma Apketche.

HEBREOS 6:18

Nelxawágkek negko'o nelwaskápeykekxoho, negko'o nentaha axta negketamso yakwayam hegmeyók Dios, nentaha nak han magya'áseyam ma'a nelhaxneykha segméso axta Dios, eñama xa ánet aksok megkamowána nak kayakmagkasók ektémakxa, cham'a mehẽlyexancháseykegkohol'a Dios exének.

TITO 1:2

ektaha nak ekteméseso ekmámnaksoho m'a nelhaxneykha nak yakwayam anxawak ekyennakte egnenyek megkatnegwayam enéxa. Apxeyenmék axta Dios keytek ekyennakte egnenyek amonye apkelané axta keso náxop, cham'a Dios metné nak apmopwána amya'a.

2 CORINTIOS 4:6

Dios apagko' axta apkeltémo katyapok aksa elseyexma neyseksa ekyaktesóxma, axta anhan apkeltémo katyapok elseyexma egwáxok negko'o m'a Dios, yakwayam enxoho agya'ásegwomhok ektémakxa nak Dios apcheymákpoho elyenmasama nak nápát ma'a Jesucristo.

2 CORINTIOS 1:18

Dios akke aptaha apya'áseykegkoho mantéma cha'a negko'o agának kéxegke “nakso'”, tén han “ma'”, cham'a neghéyásawo enxoho mók nenteme nempeywa xa.

ROMANOS 3:4

Ma', metnehek Dios xa. Melwatésemek eyke Dios apkelané cha'a m'a ektaha nak ekmámnaksoho agko', neyseksók eykhe aptamhéyak apkelmopwancha'a amya'a énxet'ák; hakte temék eknaktáxésamaxche weykcha'áhak se'e: “Exénakpok sat xép ekpéwomo aptémakxa eñama m'a ektémakxa nak appeywa. Emallánek sat nahan xép aptaha sat apyekpelchémo énxet'ák.”

ROMANOS 1:28

Mopmenyék elyekpelkohok Dios xa énxet'ák nak. Ekeso eñamakxa apkexaya axta aksa Dios yakwayam kayeykhágwomhok ekmaso elchetamso apwáxók, yakwayam enxoho anhan elanagkok ma'a aksok megkeyméxko nak anlána'.

LOS HECHOS 17:23

Neyseksa sekxega axta elanawók kélpeykesamókxa nak cha'a kéxegke aksok kéleykmáseso, ekwet'ak axta ko'o aksok ekwatnamáxchexa yetlo kéltáxéso ektéma nak se'e: ‘Dios megkólyekpelchémo’. Cháxa Dios kélpeykáso nak kéxegke neyseksa megkólya'áseyak xa, cham'a seltennasa nak kéxegke.

SAN JUAN 17:25

Xép Táta appéwomo, melya'ásegkok énxet'ák apheykha náxop aptémakxa exchep; ekya'ásegkok eyke ko'o exchep, apkelya'ásegkok nahan aptaha seyáphaso ko'o exchep se'e ektaha nak énxet'ák apagkok.

SAN JUAN 16:3

Elanagkok sat énxet'ák xa, hakte mehẽlya'ásegkok negko'o, melya'ásegkok nahan ma'a Táta, mehey'ásegkok nahan ko'o xa.

SAN JUAN 14:31

megkatnehek eyke megkatné, yakwayam enxoho elya'ásegwók apyókxoho énxet apheykha nak keso náxop sektaha seyásekhayo ko'o m'a Táta, tén han elya'ásegwók seláneya ko'o m'a apkeltémókxa nak atnehek. “Kólchaknaha. Nók ólxog.”

SAN JUAN 14:10

¿Apya'asékmeya exchep sektaha ko'o sekyepetcheyo m'a Táta, keñe Táta aptaha sépetcheyo ko'o? Háwe ko'o sekpeywa ahagko' se'e sektahakxa nak seláneya kéxegke. Akke apkelaneyk cha'a aptamheykha m'a Táta aptaha nak sépetcheyo ko'o.

SAN JUAN 10:36

Epagkanchek axta ko'o Dios, eyáphásek axta nahan keso náxop, ¿yaksak ektaha kélxéna nak kéxegke sekwañeyncha'a ko'o m'a Dios, cham'a sekxéna nak ko'o sektaha Dios Apketche?

SAN JUAN 8:16

ektemék agkok ko'o sekyekpelchémo énxet, nakso' nahan katnehek ma'a sektahakxa enxoho sekyekpelchémo, hakte matnehek ko'o exakko' sekyekpelchémo énxet. Táta eyke anhan atnehek sekxegexma, aptaha axta seyáphaso ko'o.

SAN JUAN 5:32

Yetneyk eyke m'a aptaha nak cha'a sexeyenma ko'o, ekya'ásegkok nahan ko'o ektéma ekmámnaksoho apkeltenneykha sexeyenma xa.

SAN JUAN 3:33

Yetneyk agkok xama énxet apteme mey'áseyam aptahakxa appeywa, nakso' etnésesek ektaha ekmámnaksoho m'a aptémakxa nak appeywa Dios;

SAN JUAN 3:2

Yáktések axta aptaha meyk'a Nicodemo Jesús. Aptahak axta apcháneya s'e: —Sẽlxekmóso, negya'ásegkok negko'o aptaha exchep Dios apcháphaso yakwayam hẽlxekmósak negko'o, hakte méko kawának kalának ma'a aksok sempelakkaso agweta' apkelana nak xép, cham'a metnaha enxoho apxegexma Dios.

SAN JUAN 1:46

Aptahak axta appakmeta Natanael se'e: —¿Awanchek enxeykel'a katyapok aksok ektakmela m'a tegma apwányam Nazaret? Aptahak axta apchátegmowágko Felipe s'e: —Empoho, etyánegwoho hana.

SAN LUCAS 10:22

“Egkések axta ko'o Táta ekyókxoho aksok. Méko kay'asagkohok aptémakxa m'a Dios Apketche, Apyap aksa ey'asagkohok; méko nahan kay'asagkohok aptémakxa m'a Dios, Apketche aksa ey'asagkohok, tén han ma'a énxet'ák apkepmenyéxa enxoho elya'asásegwomhok Dios Apketche aptémakxa Apyap.”

SAN LUCAS 2:51

Keñe axta apkelyetlákxo enchána m'a tegma apwányam Nazaret, aphákxeyk axta yetlo apkelyaheykekxoho enchána m'a. Xéneykha axta awáxok egken ekyókxoho xa.

SAN LUCAS 2:39

Kelmeyákxeyk axta makham Jesús enchána tegma apwányam Nazaret yókxexma Galilea natámen eksawhomo elané m'a eltémókxa nak antehek segánamakxa, cham'a ektahakxa axta eleñemékxa.

SAN LUCAS 2:11

Sakhem apteyekmok David apchókxa m'a yakwayam nak etnehek apmasma kéxegke, cham'a aptaha nak Cristo m'a, aptaha nak Wese' egegkok.

SAN LUCAS 2:4

Ekeso eñamakxa aptepa axta José tegma apwányam Nazaret, yókxexma Galilea. Axta apmeyákxak ma'a nátegma Belén yókxexma Judea, cham'a apteyeykenxa axta wese' apwányam David, hakte José axta apteme David aptáwen neptámen.

SAN MATEO 2:23

Xama axta apwákxo m'a, aphakmek axta tegma apwányam Nazaret. Temegkek axta xa yakwayam enxoho katnehek ma'a apxeyenma axta katnehek énxet'ák aptaha axta Dios appeywa apkellegaso: cham'a ekmáheyo eltamhakpok Jesús apkeñama Nazaret.

SAN JUAN 7:14

Aptaxnegwokmek axta Jesús tegma appagkanamap neyseksa apchakneykekxa énxet. Apkelxekmósek axta énxet'ák ma'a.

SAN MATEO 26:55

Yetlókók axta apteme apkelmaxneyeykha Jesús énxet'ák se'e: —¿Yaksak ektaha kélsokmoho nak kéxegke sókwenakte tén han yámet selya'awa yakwayam helmok máxa énxet ekmaso aptémakxa eltemesásak? Yókxoho ekhem axta ko'o selxekmóso énxet kañe' tegma appagkanamap, axta nahan helmák kéxegke.

SAN JUAN 6:42

Aptahak axta anhan apkelpakmeta s'e: —¿Háweya Jesús José apketchel'a xa? Negya'ásegkok negko'o m'a apyap, negya'ásegkok nahan ma'a egken. ¿Yaksak ektaha apxéna nak apwéweykento apkeñama néten?

SAN JUAN 9:29

Negya'ásegkok negko'o m'a appakhetchesama axta Dios Moisés; akke agya'ásegkok negko'o apkeñamakxa m'a énxet nak, magya'ásegkok nahan apteyapmakxa.