SAN JUAN 6:68 - Lengua Sur (Enxet) Nuevo Testamento

⁶⁸ Aptahak axta apchátegmowágko Simón Pedro s'e: —Wese', ¿yaksak agya'ammok negko'o? Xép appeywa ekteme amya'a ekyennaktésamo egnenyek megkatnegwayam enéxa.

SAN JUAN 6:68 Referans Kwoze

SAN JUAN 5:24

“Aphaxnawók agkok énxet sekpeywa ko'o, aptemék agkok nahan mey'áseyam ma'a aptaha nak seyáphaso ko'o, cháxa ekyetna ekyennakte apnenyek xa; metnehek sat nahan apsexnánémap, hakte apyeyk'a ma'a nétsapma nak, yennakwokmek kaxwo' apnenyek. Nakso' xa sektahakxa nak sekpeywa seláneya kéxegke.

LOS HECHOS 4:12

Méko pók énxet ekyetna m'a nelwagkásamáxche teyp nak, hakte axta hegmeyásak negko'o Dios pók énxet yakwayam hẽlwagkasek teyp keso náxop.

LOS HECHOS 5:20

“Kólxeg, kólchánwakxa kañe' tegma appagkanamap kóltennasha sat apyókxoho énxet'ák se'e axnagkok nentémakxa nak.”

LOS HECHOS 7:38

Moisés axta anhan ma'a apha axta neyseksa apchakneykekxa énxet'ák Israel yókxexma meykexa énxet, Moisés axta nahan ma'a appakhetchesa axta Dios apchásenneykha néten egkexe Sinaí, aphegkek axta anhan Moisés nepyeseksa egyepmeyk nano'; Moisés axta anhan ma'a apxaka axta amya'a segmésamo nak ekyennakte egnenyek yakwayam henlegaksek negko'o.

SAN JUAN 6:63

Espíritu apteme segméso ekyennakte egnenyek. Mékoho eyke katnehek axakko' enxoho negyókxa. Espíritu m'a seltennasa exchek kéxegke tén han ma'a ekyennakte egnenyek nak.

SAN MATEO 16:16

Aptahak axta Simón Pedro apchátegmowágko s'e: —Xép aptaha Mesías, Dios memassegwayam Apketche.

SAN JUAN 6:40

Apmenyék ko'o Táta keytek ekyennakte apnenya'ák megkatnegwayam enéxa m'a apyókxoho énxet ektaha nak apkelanyo Dios Apketche, cham'a apteme nak han mey'áseyam, ko'o sat nahan anakxétekhasók ma'a ektemegwokmo sat néxa ekhem.

SAN JUAN 17:8

hakte eltennáseyha axta ko'o m'a amya'a segkésa axta exchep, axta nahan elya'ásekmok. Apkelya'ásegwokmek axta anhan eyámnaksoho señama ko'o m'a aphakxa nak xép, axta nahan elya'ásekmok aptaha seyáphaso exchep xa énxet'ák nak.

SAN MARCOS 8:29

—¿Háxko eyke kéltémakxa sexeyenma ko'o kéxegke? —axta aptahak apkelmaxneyeyncha'a. Aptahak axta apchátegmowágko Pedro s'e: —Xép aptaha Mesías.

SAN LUCAS 9:20

—Háxko eyke kéltémakxa sexeyenma ko'o kéxegke? —axta aptahak apkelmaxneyeyncha'a. Aptahak axta apchátegmowágko Pedro s'e: —Xép aptaha Mesías apkeñama Dios.

SAN JUAN 12:49

Hakte matnék ko'o sekxénamaxchekxoho ahagko'; egkések axta ko'o Táta apkeltamhókxa atnehek sekpeywa, cham'a aptaha axta seyáphaso, axta anhan eltennásak ma'a apkeltamhókxa axta atnehek selxekmóso.

SAN JUAN 12:50

Ekya'ásegkok ko'o ektaha segmésamo ekyennakte egnenyek ma'a apkeltémókxa nak antehek Táta. Ektemegkek cha'a ko'o sekpeywa m'a apkeltémókxa nak atnehek sekpeywa Táta, cham'a sektémakxa nak cha'a sekpeywa.”

LOS HECHOS 13:26

“Elyáxeg, kéxegke kéltaha nak Abraham aptawan'ák neptámen, tén han kéxegke kéltaha nak kéláyo Dios megkóltaha nak Judíos: cháxa amya'a sẽlápháseso axta negko'o xa.

LOS HECHOS 8:37

Aptahak axta apcháneya Felipe s'e: —Aptemék agkok xép mey'áseyam ekweykmoho kañó' agko' apwáxok, apwanchek. —May'ásekmok ko'o Jesucristo aptaha Dios Apketche, axta aptahak apchátegmowágko xa énxet nak.