SAN JUAN 6:64 - Lengua Sur (Enxet) Nuevo Testamento

⁶⁴ Apyetneyk eyke makham kélnepyeseksa kéxegke apteme nak apya'áseyam xa. Nano' axta apya'áseykegkoho Jesús ma'a énxet'ák ektaha axta apkelya'áseyam, nano' axta anhan apya'áseyak ma'a énxet apmáheyo axta etlakkasesek yának emakpok Jesús.

SAN JUAN 6:64 Referans Kwoze

SAN JUAN 10:26

Elya'ásekmek eyke kéxegke hakte háwe seknaktóso nekkések.

HEBREOS 4:13

Yawanchek keyxánegkesek Dios ekyókxoho aksok ektaha axta apkelané, yáxñakxoho nahan katnehek apweté ekyókxoho aksok ma'a Dios, cham'a peya nak óltennásekxohok nentémakxa axta.

2 TIMOTEO 2:19

Wánxa agkok, appekkenchek axta eyke Dios xama aksok ektaha nak ekyennakwákxexa, ekyetna nak eknaktáxésamaxche s'e: “Ekpelkohok cha'a Wese' egegkok ma'a énxet'ák ektahakxa enxoho apagkok”, “kéméxchek nahan ényók nentémakxa ekmaso apyókxoho énxet ektaha nak apkelwóneykha Wese' egegkok apwesey.”

ROMANOS 8:29

Apkelpagkanchek axta Dios ma'a énxet'ák ektaha axta apkelyekpelchémo nano' axta, yakwayam enxoho exnágwakxohok ma'a Apketche, yakwayam enxoho etnehek apwányam nepyeseksa apkelyáxeg ma'a Apketche.

SAN JUAN 6:61

Apyekpelchágwokmek axta Jesús apkelpakmétencha'a énxet'ák judíos megkalcha apwáxók ma'a aptahakxa axta appeywa. Aptahak axta Jesús apkelmaxneyeyncha'a s'e: —¿Yagkalchak kélwáxok kéxegke kélleg'a sektahakxa nak sekpeywa?

SAN JUAN 5:42

Ekyekpelchawók ko'o kéxegke, ekya'ásegkok nahan megkólásekha'awo m'a Dios.

LOS HECHOS 15:18

Cháxa aptémakxa nak appeywa Wese' egegkok xa, aptaha nak nano' segya'asásegwayam negko'o xa.’

SAN JUAN 6:66

Cháxa eyeynókxa axta apkelwáteseyak apkelyetlo Jesús nápakha énxet'ák xa, massék axta apkelyetloncha'a Jesús.

SAN JUAN 6:36

Ektemék xeyk seláneya kéxegke, elwet'awók eykhe, elya'ásekmek eyke.

SAN JUAN 8:55

Akke kólya'ásegkok kéxegke m'a Dios, ko'o eyke ekya'ásegko', ekxénchek agkok ko'o may'ásegko m'a Dios, sekmowána amya'a atnehek, ekhawo kéltémakxa nak kéxegke; nakso' eyke ko'o sekya'ásegkoho m'a Dios, elyaheykekxók nahan ma'a appeywa.

SAN JUAN 8:23

Aptahak axta Jesús apkeláneya judíos se'e: —Kéxegke kélteme kéleñamakxa kélagko' keso náxop, ko'o eyke sekteme señamakxa ahagko' ma'a néten; kéxegke kélteme kéleñamakxa kélagko' keso náxop, háwe eyke ko'o señamakxa ahagko' keso náxop.

SAN MATEO 10:4

Simón axta anhan ma'a apkeltamhomakpo axta celote, Judas Iscariote axta anhan ma'a, cham'a appelakkasesa axta apkeltamho emakpok Jesús.

SAN JUAN 6:60

Xama axta apkelleg'a ektahakxa apkelxekmóso Jesús, apyókxoho énxet ektaha axta apkelyetlo aptahak axta apkelpakmeta s'e: —Magwanchek agmok takha' xa aptahakxa nak appeywa; ¿yaksak awanchek kalyahakxohok xa aptahakxa nak appeywa?

SAN JUAN 18:4

Apya'ásegkok axta Jesús yakwánxa katnehek, apkelanyexagkek axta, aptahak axta apkelmaxneyeyncha'a s'e: —¿Yaksak kélchetama?