SAN JUAN 6:62 - Lengua Sur (Enxet) Nuevo Testamento

⁶² ¿Háxko katnehek kélwet'a enxoho makham emyekxak ektaha nak Apketche énxet ma'a apkeñemékxa axta?

SAN JUAN 6:62 Referans Kwoze

SAN JUAN 3:13

“Méko xama énxet apmeyeykekxo m'a néten, wánxa m'a apwéweykento axta apkeñama néten, cham'a aptaha nak Apketche Enxet.

SAN MARCOS 16:19

Kélya'ásekxeyk axta néten Jesús natámen apkelpakhetcheso apkeltámeséyak, aphákxeyk axta m'a ekpayhókxa nak apkelya'asamakxa Dios.

SAN LUCAS 24:51

Neyseksa apkelmaxnéseso aksok eltakmela eleñama néten axta apkexaya aksa Jesús xa énxet'ák nak, kélya'áseykxeyk axta néten.

1 SAN PEDRO 3:22

cham'a Jesucristo apmeyeykekxo axta néten, aphákxeyk nahan ma'a ekpayhókxa nak apkelya'asamakxa Dios. Temék kaxwo' elyaheykekxoho Dios apkelásenneykha m'a Cristo, tén han ma'a aksok magweté nak ekyókxa ekheykencha'a nak tekhenxet, cham'a ekha nak kélyaheykekxoho, cham'a ekha nak han elmowancha'a.

LOS HECHOS 1:9

Kélya'ásekxeyk axta néten Jesús natámen apteme appeywa xa, cham'a neyseksa apkelanyo axta apkeltámeséyak, xama yaphopé axta chápak, massék axta anhan apwet'a xa apkeltámeséyak nak.

SAN JUAN 16:28

Axta eñamak ko'o m'a aphakxa nak Táta, yakwayam awak keso náxop, kaxwo' eyke peyk kamaskok makham sekha keso náxop, yakwayam amyekxak ma'a aphakxa nak Táta.

SAN JUAN 17:11

“Kaxwo' sat eyke kamassegwók ko'o sekha keso náxop, elenxanmohok sat eyke apheykha xa énxet'ák nak, keñe sat ko'o amyekxak ma'a aphakxa nak xép. Táta aptakmalma, eltakmelches xép xa énxet'ák nak, eñama nak ma'a ektémakxa nak ekmowána exchep apwesey, cham'a apwesey segkésa axta, yakwayam enxoho etnehek mekxeymákpoho xa énxet'ák nak, ekhawo ektémakxa nak negyepetcheyo egmók negko'o.

SAN JUAN 6:27

Nágkóltemeykha aksa yakwayam kóltegyek ma'a nento eksawhomáxkohol'a, akke tásek kóltemeykha yakwayam kóltegyek ma'a nento ekyennaktésamo nak egnenyek ektaha nak han megkamassegwayam. Cháxa nento peya nak egkések kéxegke ektaha nak Apketche énxet xa, hakte apkelkahásek axta Dios Egyap xa.

SAN MATEO 8:20

Aptahak axta apchátegmowágko Jesús se'e: —Yetneyk máxek axanák yemmáleg, yetneyk nahan axanák náta, méko eyke apteyáyam ma'a aptaha nak Apketche énxet.

SAN JUAN 6:42

Aptahak axta anhan apkelpakmeta s'e: —¿Háweya Jesús José apketchel'a xa? Negya'ásegkok negko'o m'a apyap, negya'ásegkok nahan ma'a egken. ¿Yaksak ektaha apxéna nak apwéweykento apkeñama néten?

SAN JUAN 6:53

Aptahak axta apkeláneya Jesús se'e: —Agkok koltáwak kéxegke aphápetek ma'a ektaha nak Apketche énxet tén han megkólyena enxoho éma apagkok, méko sat katnehek ekyennakte kélnenya'ák kéxegke. Nakso' xa sektahakxa nak sekpeywa seláneya kéxegke.