SAN JUAN 6:56 - Lengua Sur (Enxet) Nuevo Testamento

⁵⁶ Enxet ektahakxa enxoho apto ahápetek ko'o, tén han ektahakxa enxoho apya éma ahagkok ko'o, hépetkohok sat cha'a ko'o, eypetkohok sat nahan cha'a ko'o xa.

SAN JUAN 6:56 Referans Kwoze

SAN JUAN 14:20

Kólya'ásegwók sat kéxegke sektaha ko'o sekyepetcheyo Táta, cham'a ekhem sat, kólya'ásegwók sat nahan kéxegke kéltaha selyepetcheyo ko'o, tén han sektaha ko'o sekyepetcheyo kéxegke.

1 SAN JUAN 3:24

Negko'o ektahakxa enxoho nelyaheykekxoho apkeltémókxa nak antehek Dios, negyepetcheyo antehek ma'a Dios, hegyepetkohok nahan negko'o xa Dios. Espíritu nahan keñamak negya'ásegkoho negko'o aptaha segyepetcheyo Dios, cham'a Espíritu aptaha axta segméso Dios.

APOCALIPSIS 3:20

Kóllano, átog ko'o enmáha selwónencha'a kéxegke, kéxegke ektahakxa enxoho kéllegé sekpeywa, keñe kólmeykesek átog, keñe sat ko'o atxek kañe' kélxagkok, apasmok sat nahan kélto taxnam kéxegke.

SAN JUAN 14:23

Aptahak axta apchátegmowágko Jesús se'e: —Enxet ektahakxa enxoho seyásekhayo ko'o, elyahakxohok ma'a ektémakxa nak sekpeywa; yásekhohok sat nahan ma'a Táta, ólchexyok sat nahan negko'o yakwayam antehek negyepetcheyo xa énxet nak, Táta tén han ko'o.

1 SAN JUAN 4:12

Méko ekwetaya aptémakxa Dios xama enxoho; wánxa agkok, nelásekhaxkók agkok negko'o, exek egwáxok Dios, ekmámnaksoho nahan katnegwók ekyetna negko'o negyeseksa m'a Dios segásekhayo nak.

2 CORINTIOS 6:16

Mopwanchek nahan Dios tegma appagkanamap apagkok etnehek apxegexma m'a aksok kéleykmáseso nak. Hakte negko'o nenteme Dios megyetsapma tegma appagkanamap apagkok, ekhawo aptémakxa axta appeywa s'e: “Axek sat ko'o nepyeseksa xa énxet'ák nak, aweynchamha sat nahan. Ko'o sat atnehek Dios apagkok xa énxet'ák nak, keñe sat ko'o atnehek énxet'ák ahagkok xa énxet'ák nak.”

EFESIOS 3:17

Elmaxnakkek nahan ko'o Dios seltamho exek kélwáxok kéxegke Cristo eñama xa megkólya'áseyam nak. Keñe sat keytek kéxegke kélwaskapma tén han kóllenxanmohok kélyennaktésamo kélteme kélásekhamaxkoho.

SAN JUAN 6:55

Nakso' ekteme nento m'a ahápetek nak ko'o, nakso' nahan ekteme negya m'a éma ahagkok nak ko'o.

1 SAN JUAN 2:24

Ekeso eñamakxa seltamho nak kólpekkenek kélwáxok kéxegke m'a amya'a kéllegé axta sekxo' agko'; yetnegkek agkok kélwáxok ma'a amya'a kéllegé axta sekxo' agko', kóltehek kélyepetcheyo m'a Dios Apketche, tén han ma'a Dios Egyap.