SAN JUAN 6:5 - Lengua Sur (Enxet) Nuevo Testamento

⁵ Xama axta apkenmexo Jesús, apwet'ak axta apxáma énxet apyetlo. Aptahak axta Jesús apcháneya Felipe s'e: —¿Háxko sat antegyásók aptéyak xa énxet apxámokma nak?

SAN JUAN 6:5 Referans Kwoze

SAN MATEO 15:33

Aptahak axta apkelátegmowágko apkeltámeséyak se'e: —¿Háxko agwetágwók nento yakwayam ólagkok xa énxet'ák nak, hakte méko énxet se'e yókxexma nak?

SAN JUAN 4:35

Kóltehek cha'a kéxegke kélpeywa s'e: —‘Cuatro pelten makham kéméxchek yakwayam kanakxaxchek aksok ekyexna’; wánxa agkok, ektahak ko'o seláneya kéxegke s'e: Kóllano m'a aksok kélcheneykekxa nak, makhetchek kaxwo', wokmek eknakxamáxchexa ekyexna.

SAN JUAN 1:43

Mók ekhem axta entahak ekxéna apwáxok emhagkok Jesús ma'a yókxexma Galilea. Aptahaña'awók axta Felipe. Aptahak axta apcháneya s'e: —Hétlawha ko'o.

SAN MARCOS 6:32

Ekeso eñamakxa apkelchánta axta yántakpayhe Jesús yetlo apkeltámeséyak apkelmahágko mók yókxexma meykexa énxet.

SAN LUCAS 9:10

Xama axta apkelwákxo aphakxa Jesús ma'a apkeltámeséyak, apkeltennáseyha axta Jesús ma'a ektahakxa axta aksok apkeláneyak. Mók nekha axta apkelya'ásak Jesús apxakcha'awók xa, axta apkelya'áseykxak ma'a nátegma eltamhomaxchexa axta Betsaida.

SAN JUAN 1:44

Nátegma Betsaida axta apkeñamak Felipe, cham'a apkeleñamakxa axta Andrés tén han Pedro.

SAN JUAN 1:45

Apxegkek axta Felipe apketama Natanael. Aptahak axta apcháneya s'e: —Negwet'ak negko'o m'a énxet aptáxesama nak apwesey Moisés weykcha'áhak eknaktáxésamaxchexa nak segánamakxa, cham'a aptáxesama nak han énxet'ák Dios appeywa apkellegaso apxeyenma m'a. Jesús apkeñama tegma apwányam Nazaret ma'a, José apketche.

SAN JUAN 1:46

Aptahak axta appakmeta Natanael se'e: —¿Awanchek enxeykel'a katyapok aksok ektakmela m'a tegma apwányam Nazaret? Aptahak axta apchátegmowágko Felipe s'e: —Empoho, etyánegwoho hana.

SAN JUAN 1:48

Aptahak axta apkelmaxneyeyncha'a Natanael se'e: —¿Háxko ektahakxa sékpelchawo nak xép? Aptahak axta apchátegmowágko Jesús se'e: —Ekwet'ak xeyk xép kóneg higo yámet amonye apwóneykha exchek Felipe.