SAN JUAN 6:38 - Lengua Sur (Enxet) Nuevo Testamento

³⁸ Háwe axta ko'o yakwayam alánegwak aksok sekmámenyého ahagko' sekwaya señama m'a néten, wánxa aksa yakwayam alának ma'a ektémakxa nak apmopmenyého Táta aptaha axta seyáphaso ko'o.

SAN JUAN 6:38 Referans Kwoze

SAN JUAN 5:30

“Mowanchek ko'o atnehek selané ahagko' xama aksok. Ektemék cha'a ko'o sekyekpelchémo énxet ekhawo m'a apkeltémókxal'a cha'a atnehek Táta, ekpéwomo agko' nahan cha'a m'a ektémakxa nak sekyekpelchémo ko'o, hakte malenxáneykmok cha'a ko'o alának ma'a sekmámenyého ahagko' nak, wánxa m'a Táta apmopmenyého nak, aptaha axta seyáphaso ko'o.

SAN JUAN 4:34

Aptahak axta apchátegmowágko Jesús se'e: —Neykhe ko'o sekto m'a selané nak cha'a apmopmenyého m'a aptaha nak seyáphaso ko'o, tén han apencheshok alának ma'a ektémakxa nak aptamheykha apkeltémo axta alána'.

SAN JUAN 3:31

Enxet apkeñama nak néten apteme apyeykhágweykmoho apyókxoho énxet, keñe m'a énxet apkeñama nak náxop apteme apkeñamakxa apagko' keso náxop, exének nahan ma'a aksok eleñama nak keso náxop. Keñe m'a énxet apkeñama nak néten apteme apyeykhágweykmoho apyókxoho énxet,

SAN JUAN 6:33

Cha'a pan segmésamol'a cha'a Dios ma'a apwéweykento axta apkeñama néten, egkéshok nahan cha'a elyennakte apnenya'ák énxet apheykha nak keso náxop.

SAN JUAN 3:13

“Méko xama énxet apmeyeykekxo m'a néten, wánxa m'a apwéweykento axta apkeñama néten, cham'a aptaha nak Apketche Enxet.

HEBREOS 5:8

Aplegeykegkoho axta keñamak Cristo eltámeya yakwayam etnehek apkelyaheykekxoho, cham'a aptaha nak eykhe Dios Apketche.

ROMANOS 15:3

Hakte axta etegyaha Cristo ekpayheykekxa apwáxok apagkok apagko', wánxa agkok, Cristo axta keñamak eksawhomáxkoho ektéma m'a ektémakxa nak eknaktáxésamaxche weykcha'áhak se'e: “Ko'o axta elyamatcháseyha m'a ektahakxa axta kélyamatcháseykha exchep.”

EFESIOS 4:9

¿Yaksak ekxeyenma xa “apmeyeykekxo axta néten”? Xeyenmak ma'a apwéweykento axta sekxo' keso náxop, ektahakxa nak kónegók agko'.

SAN MATEO 20:28

Hakte hawók aptémakxa m'a aptaha nak Apketche énxet, axta eweyk yakwayam yának kólpasmok, wánxa aksa apwaya yakwayam epasmok énxet, tén han ényók apyennakte yakwayam exámhok énxet apkelwagkaso teyp.

SAN JUAN 3:17

Hakte axta yáphásak Apketche Dios keso náxop yakwayam enxoho elsexnenak énxet'ák apheykha nak keso náxop, wánxa agkok, apcháphásek axta yakwayam elwagkasek teyp.

SAN JUAN 5:19

Aptahak axta apchátegmowágko Jesús se'e: “Mopwanchek elának xama aksok Dios Apketche eñama m'a apmopmenyého apagko' nak elána'; wánxa aksa elának aksok apwet'a enxoho apkelana m'a Apyap. Ekyókxoho aksok apkelanakxa enxoho Apyap elának nahan ma'a Apketche. Nakso' xa sektahakxa nak seláneya kéxegke.

SAN JUAN 6:29

Aptahak axta apchátegmowágko Jesús se'e: —Cha'a apmenyék kóltehek kéxegke megkólya'áseyam Dios ma'a ektaha axta apcháphaso.

SAN JUAN 6:42

Aptahak axta anhan apkelpakmeta s'e: —¿Háweya Jesús José apketchel'a xa? Negya'ásegkok negko'o m'a apyap, negya'ásegkok nahan ma'a egken. ¿Yaksak ektaha apxéna nak apwéweykento apkeñama néten?

SAN JUAN 6:57

Yetneyk ekyennakte egnenyek ma'a Táta aptaha axta seyáphaso ko'o, Táta anhan keñamak ekyennaktama egkenyek ko'o; ekhawo nahan ektémakxa énxet ektahakxa enxoho apto ahápetek ko'o, étak sat ekyennakte apnenyek eñama ko'o.