SAN JUAN 6:24 - Lengua Sur (Enxet) Nuevo Testamento

²⁴ Xama axta apwet'a énxet'ák méko Jesús ma'a, tén han méko m'a apkeltámeséyak, apkelchánteyk axta xama yántakpayhe apkelmeyákxo nahan ma'a tegma apwányam Capernaum yakwayam ektamok Jesús.

SAN JUAN 6:24 Referans Kwoze

SAN JUAN 6:17

apkelchenátwekxeyk axta yántakpayhe apkelmeyákxo neyp wátsam ekpayhegwayam yakwayam elwakxak ma'a Capernaum. Yáktések axta exma, axta eyke ewákxak makham Jesús aphágkaxa.

SAN MARCOS 1:37

Xama axta apwetákxo Jesús xa énxet'ák nak, aptahak axta apcháneya s'e: —¿Apyókxoho énxet apketámak xép.

SAN JUAN 20:15

Aptahak axta apkelmaxneyeyncha'a Jesús se'e: —Kelán'a ¿yaksak ektaha elekxagweyncha'a nak? ¿yaksak étama? Aksok kélcheneykekxexa aptakmelcheso axta keneyk ma'a. Entahak axta eyáneya s'e: —Xép agkok aplekweykta', héltennés ko'o appekkenwánxa enxoho, yakwayam enxoho aktamsók ko'o.

SAN JUAN 7:11

Apketamchek axta eyke énxet'ák judíos Jesús ma'a apchaknákxexa axta énxet. Aptahak axta cha'a apkelpakmeta s'e: —¿Háxko kexaha apmahágkaxa m'a énxet nak?

SAN JUAN 6:59

Cháxa apkelxekmósa axta Jesús apchakneykekxexa énxet'ák judíos tegma apwányam Capernaum xa.

SAN JUAN 6:23

Keñe axta anhan elwákxo yántakpayhe keto' ma'a aptókakpexa axta pan natámen apméso ekxeyenma apwáxok Dios ma'a Wese' egegkok. Axta keleñamak ma'a tegma apwányam Tiberias.

SAN LUCAS 8:40

Xama axta apwákxo Jesús mók nekha wátsam ekpayhegwayam, yetlo elpayheykekxa apwáxók axta apmak takha' énxet'ák apwákxo m'a, hakte apyókxoho énxet axta apkelhaxnak ma'a.

SAN MARCOS 6:53

Apkelyeykhákxeyk axta neyp wátsam ekpayhegwayam, apkelwokmek axta yókxexma Genesaret. Axta aptetwokmok nahan yántakpayhe neyáwa wátsam ma'a.

SAN MATEO 14:34

Apkelyeykhákxeyk axta neyp wátsam ekpayhegwayam, apkelwokmek axta yókxexma Genesaret.

SAN JUAN 6:26

Aptahak axta apkeláneya Jesús se'e: —Elchetamchek kéxegke, hakte kéltokagkek axta ekwokmoho kélyakkanakmo, háwe eñama kélya'áseyak ektémakxa m'a aksok sempelakkaso agweta' selana axta ko'o. Nakso' xa sektahakxa nak seláneya kéxegke.