SAN JUAN 5:40 - Lengua Sur (Enxet) Nuevo Testamento

⁴⁰ megkólmenyék eyke helyo'ótak kéxegke yakwayam kólwetak xa ekyennakte egnenyek megkatnegwayam enéxa nak.

SAN JUAN 5:40 Referans Kwoze

SAN JUAN 3:19

Apkelsexnánemakpek ma'a énxet'ák apkelya'áseyam nak, hakte, xama axta ekwa'a elseyexma keso náxop, wánxa axta aksa apkelapmeñého m'a ekyaktesóxma, mopmenyék axta elseyexma, hakte aksok ekmaso axta apkeláneykegkok.

SAN JUAN 1:11

Apwayak axta eykhe apheykegkaxa m'a ektaha nak énxet'ák apagkok, wánxa agkok axta eyke yápeykha m'a ektaha nak énxet'ák apagkok.

SAN JUAN 6:37

Apyókxoho énxet ektaha nak segkéso ko'o Táta hey'ótak cha'a ko'o, matakheksók sat nahan ko'o m'a énxet ektahakxa enxoho sey'eykekta'.

SAN MATEO 23:37

“¡Jerusalén, Jerusalén! ¡Kélnapmakxa nak cha'a Dios appeywa apkellegaso nak! ¡Kélyetneykxa nak han cha'a meteymog ma'a seykha amya'a Dios apkeláphaso nak! Hágkaxwe amawhok wánchásekxak énxet'ák apheykha xa Jerusalén, ektémol'a kánchásekxak étkók tat'a kóneg axampagkok, axta eyke kólmáheyók kéxegke.

APOCALIPSIS 22:17

Aptahak seyáneya Espíritu aptakmalma tén han Nekkések Apketkok aptáwa s'e: “¡Empoho!” Enxet ektahakxa enxoho aplegé etne nahan appeywa s'e: “Empoho” Hem agkok enchakhak énxet, cham'a, apmopmenyého nak ének yegmen, empoho eyhagwata s'e yegmen ekyennaktésamo nak egnenyek meyke ekyanmaga.

ROMANOS 6:23

Nétsapma ekteme ekyanmaga m'a mólya'asáxma nak, wánxa agkok, ekyennakte egnenya'ák megkatnegwayam enéxa eñama negyepetcheyo Cristo Jesús Wese' egegkok akke m'a aksok segméso naksa nak Dios.

SAN JUAN 6:40

Apmenyék ko'o Táta keytek ekyennakte apnenya'ák megkatnegwayam enéxa m'a apyókxoho énxet ektaha nak apkelanyo Dios Apketche, cham'a apteme nak han mey'áseyam, ko'o sat nahan anakxétekhasók ma'a ektemegwokmo sat néxa ekhem.

SAN JUAN 6:27

Nágkóltemeykha aksa yakwayam kóltegyek ma'a nento eksawhomáxkohol'a, akke tásek kóltemeykha yakwayam kóltegyek ma'a nento ekyennaktésamo nak egnenyek ektaha nak han megkamassegwayam. Cháxa nento peya nak egkések kéxegke ektaha nak Apketche énxet xa, hakte apkelkahásek axta Dios Egyap xa.

SAN JUAN 5:44

Kélmenyék agkok cha'a kéxegke kóltehek kéláyo kélmók, ¿háxko katnehek heltehek mehelya'áseyam ko'o, megkólchetama enxoho m'a ektakmela senxeyenma nak Dios aptaha nak wánxa xama?

SAN MATEO 22:3

Apkeláphásek axta apkelásenneykha apkeltamho eltennásekxak ma'a énxet'ák ektaha axta apkeláneyeykha, axta eyke emokok epásegwók xa énxet'ák nak.

SAN JUAN 5:39

Kóltakmelcheshok cha'a kéxegke kéltámesamaxche m'a ektémakxa nak eknaktáxésamaxche Dios appeywa, hakte kélmenyék eykhe kólwetak ekyennakte kélnenyek megkatnegwayam enéxa, eñama kélteme xa; exeyenmék eykhe ko'o xa eknaktáxésamaxche nak,

SAN JUAN 5:41

“Momenyék ko'o katakmelmakha apkelpeywa hexének énxet'ák keso náxop.

SAN JUAN 10:10

“Exegmak cha'a apmenyexma wánxa aksa etegyaha m'a apmenyexma, tén han etegyaha yakwayam yakhek, tén han etegyaha yakwayam enaktawasha aksok; wánxa agkok, ekxegakmek axta eyke ko'o yakwayam enxoho keytek ekyennakte kélnenya'ák, yakwayam enxoho anhan kayágwomhok agko' ekyetna kéxegke ekyennakte kélnenya'ák.