SAN JUAN 4:9 - Lengua Sur (Enxet) Nuevo Testamento

⁹ Entahak axta eyátegmowágko kelán'a s'e: —¿Yaksak ektaha selmaxneya nak yegmen?, xép neykhe apteme judío, ko'o eyke sekteme Samaria kelán'a. Hakte mepakhetchesek axta cha'a énxet'ák judíos ma'a apheykha nak Samaria.

SAN JUAN 4:9 Referans Kwoze

LOS HECHOS 10:28

Aptahak axta apkeláneya Pedro s'e: —Kélya'ásegkok kéxegke megkahayo xama judío épetchaha pók énxet ma'a ektémakxa nak apcháyo. Mopwanchek nahan etxek apxagkok. Wánxa agkok, exekmósek axta eyke ko'o Dios yakwayam maxének ekmaso émók esenhan altemésesek ekmanyása m'a aptémakxa enxoho.

SAN JUAN 8:48

Aptahak axta judíos apcháneya Jesús se'e: —Payhawo' neyke agkok nentahakxa nak nempeywa nenxéna exchep aptaha apkeñama Samaria, tén han ekha apwáxok kelyekhama'.

SAN MATEO 10:5

Apkeláphásek axta Jesús xa doce apkeltámeséyak nak yetlo apméso appeywa ektéma nak se'e: “Nágkólmohok sekxo' yókxexma apheykegkaxa nak énxet'ák metnaha nak judíos, nágkólántaxnegwom nahan nepyeseksa tegma apwányam yókxexma Samaria;

LOS HECHOS 1:8

Wánxa agkok, apwa'ak sat agkok Espíritu Santo kélnepyeseksa kéxegke, kólxawak sat kélmowána, kólxog sat nahan cha'a yakwayam kólxének sekwesey ko'o, Jerusalén, tén han kólmahagkok ma'a ekyókxoho yókxexma Judea, tén han ma'a Samaria, kawomhok sat nahan kélmaheyak ma'a eyátépexa nak.

SAN JUAN 4:27

Keñe axta apkelwakto apkeltámeséyak, pelakkasek axta nahan apwet'a appakhetchásencha'a xama kelán'a Jesús, kennókek axta eyke elmaxneyha aksok ekmámenyého xa kelán'a nak, kennókek axta nahan elmaxneyha ektahakxa elpakhetchásamáxkoho Jesús xa kelán'a nak.

SAN LUCAS 10:33

Appéwok axta anhan apxega xama énxet apkeñama Samaria m'a ámay nak. Xama axta apwet'a, apyósek axta apkelano.

LOS HECHOS 10:32

Eláphés énxet ma'a Jope yakwayam enxoho yának exegmak Simón apkeltamhomakpo nak han Pedro, aphak ma'a pók Simón apxagkok, aptaha nak aksok empe'ék apkelané, apha nak nekha wátsam ekwányam.’