SAN JUAN 4:47 - Lengua Sur (Enxet) Nuevo Testamento

⁴⁷ Xama axta apleg'a amya'a wese' apwányam apchásenneykha apwakto Jesús Galilea apkenyekto m'a Judea, apteyánegwokmók axta, apkeltamhok axta nahan emhagkok apxagkok, apkeltamhok axta etakmelchesesók apketche apháxamap keto' apketsapmakxa.

SAN JUAN 4:47 Referans Kwoze

SAN JUAN 4:3

Xama axta apleg'a amya'a Jesús, aptekkek axta yókxexma Judea apmahágko m'a yókxexma Galilea.

LOS HECHOS 9:38

Keto' axta Jope m'a tegma apwányam Lida, cham'a apwánxa axta Pedro m'a; Xama axta apkelya'ásegwokmo énxet'ák melya'áseyam Jesús apha Pedro m'a, kéláphásek axta apkánet énxet yakwayam enxoho etnehek yának Pedro s'e: “Epekhaksoho sat emyekxak xép ma'a tegma apwányam Jope.”

SAN JUAN 11:32

Xama axta ekwokmo María aphakxa Jesús, keltekxekwokmek axta atapnák xóp aphakxa. Entahak axta eyáneya s'e: —Wese', apheyk axta agkok xép se'e, megyetsepek axta eyepma ko'o.

SAN JUAN 11:21

Entahak axta Marta eyáneya Jesús se'e: —Wese', apheyk axta agkok xép se'e megyetsepek axta ko'o eyepma.

SAN JUAN 4:54

Cháxa ektaha axta ánet ekwetamaxche apkelané Jesús aksok sempelakkaso agweta' xa, cham'a apmeyánto axta makham Galilea apkenyekto m'a Judea.

SAN LUCAS 8:41

Apwokmek axta anhan xama énxet apwesey axta Jairo, apkemha apmonye apchakneykekxexa énxet'ák judíos axta m'a. Apkelpólegwokmek axta apkenmágkaxa Jesús xa énxet nak, apkeltamhok axta emhagkok apxagkok.

SAN MARCOS 10:47

Xama axta apleg'a apwesey Jesús apkeñama Nazaret, keñe axta aptaha apyennaktésawo appeywa énxet meyke apakta'ák se'e: —¡Jesús, David apketche, yepyósho helanok ko'o!

SAN MATEO 2:1

Apteyekmek axta Jesús tegma Belén, xama tegma apwányam yókxexma Judea axta m'a, cham'a aptémakxa axta makham wese' Herodes ma'a yókxexma nak. Apkelwokmek axta tegma apwányam Jerusalén énxet'ák apkelyetsáteyak axta aptémakxa yaw'a, ektaxnegwánxa ekhem axta apkeleñamak ma'a.