SAN JUAN 4:41 - Lengua Sur (Enxet) Nuevo Testamento

⁴¹ apxámágkek axta aksa énxet apteme mey'áseyam Jesús apleg'a appeywa apagko'.

SAN JUAN 4:41 Referans Kwoze

LOS HECHOS 1:8

Wánxa agkok, apwa'ak sat agkok Espíritu Santo kélnepyeseksa kéxegke, kólxawak sat kélmowána, kólxog sat nahan cha'a yakwayam kólxének sekwesey ko'o, Jerusalén, tén han kólmahagkok ma'a ekyókxoho yókxexma Judea, tén han ma'a Samaria, kawomhok sat nahan kélmaheyak ma'a eyátépexa nak.

LOS HECHOS 8:12

Xama axta aptamhágko melya'áseyam énxet'ák ma'a amya'a ektakmela apkeltenneykha axta Felipe apxéna m'a aptémakxa nak Wese' apwányam Dios tén han ma'a Jesucristo, kélyakpasásegkek axta yegmen énxet'ák tén han kelán'ák.

LOS HECHOS 8:25

Apkeltennáha axta énxet'ák seykha amya'a, amya'a ektakmela ekyókxoho yókxexma Samaria, natámen apkeltenneykha m'a aptemésesamakxa axta Dios, tén han ma'a natámen axta apkeltennáseykha Dios appeywa énxet'ák, keñe axta apkeltakháwo Jerusalén.

SAN JUAN 6:63

Espíritu apteme segméso ekyennakte egnenyek. Mékoho eyke katnehek axakko' enxoho negyókxa. Espíritu m'a seltennasa exchek kéxegke tén han ma'a ekyennakte egnenyek nak.

HEBREOS 4:13

Yawanchek keyxánegkesek Dios ekyókxoho aksok ektaha axta apkelané, yáxñakxoho nahan katnehek apweté ekyókxoho aksok ma'a Dios, cham'a peya nak óltennásekxohok nentémakxa axta.

LOS HECHOS 15:3

Kéláphásek axta Pablo tén han Bernabé. Apchakneykekxexa énxet tegma apwányam Antioquía axta keñamak kéláphaso. Xama axta apkelwokmo m'a yókxexma Fenicia tén han ma'a Samaria, apkeltennáseyha axta énxet'ák ektémakxa apkexeykegko nano' apcháyókxa m'a énxet'ák metnaha nak judíos yakwayam elyetlakxak ma'a Dios. Apyókxoho énxet'ák melya'áseyam Wese' egegkok axta kelpayhekxak apwáxók apkelleg'a xa amya'a nak.

SAN JUAN 7:46

Aptahak axta apkelátegmowágko sẽlpextétamo s'e: —Méko xama énxet ekhawo apkeltenneykha ektahakxa nak apkeltenneykha m'a énxet nak.

SAN LUCAS 4:32

Pelakkasek axta apkelwet'a énxet'ák ektahakxa axta apkelxekmóso Jesús, hakte apkeltennáha axta yetlo ekyawe agko' apmopwána.

SAN JUAN 4:40

Xama axta apkelwokmo énxet'ák apkeleñama Samaria aphakxa Jesús, apkeltamhok axta exek sekxo' xamo' Jesús xa énxet'ák nak. Anet ekhem axta anhan aphakmok Jesús ma'a,

SAN JUAN 4:42

Entahak axta amya'a eyáneyáxko kelán'a s'e: —Magya'ásekmok kaxwo' negko'o, háwe ekwánxa agkok magya'ásekmo m'a ektahakxa exchek sẽltennaseykekxa exche', hakte negko'o egagko' nahan nenleg'ak kaxwo' aptahakxa appeywa, magya'ásekmok nahan aptaha nakso' agko' apkelwagkaso teyp énxet'ák keso náxop.