SAN JUAN 4:23 - Lengua Sur (Enxet) Nuevo Testamento

²³ Peyk eyke kaxwo' kammok ekhem, keso kaxwo' nak, cham'a yakwánxa sat etnésesek ekmámnaksoho apkelpeykesamo Dios ma'a énxet'ák ektaha nak nakso' apkelpeykesamo Dios, eñama apteméseso m'a Espíritu apkeñama nak Dios. Hakte apmenyék cha'a Dios Egyap etnehek énxet xa ektaha nak, cham'a ektaha nak apkelpeykesamo.

SAN JUAN 4:23 Referans Kwoze

FILIPENSES 3:3

Hakte negko'o nenteme m'a ekmámnaksoho sẽlkahaso kélyenyekhamol'a egyempehek, negko'o nelpeykesamol'a cha'a Dios eñama senteméseso m'a Espíritu apagkok nak. Kelpayheykxek nahan egwáxok negko'o nentaha Cristo Jesús énxet'ák apagkok, mantahak cha'a negko'o negáyo m'a kéltemésesamakxal'a cha'a egyempehek.

SAN JUAN 5:25

Peyk kaxwo' kammok xa ekhem nak, keso kaxwo' nak, cháxa yakwánxa sat ellegak Dios Apketche appeywa m'a énxet'ák apkeletsapma axta; Enakxétekhágwók sat ma'a ektahakxa enxoho apkellegé appeywa. Nakso' xa sektahakxa nak sekpeywa seláneya kéxegke.

GÁLATAS 4:6

Apcháphásek axta Dios Apketche Espíritu apagkok kañe' egwáxok negko'o, hakte nentemék negko'o kaxwo' Dios apketchek; etnehek nahan cha'a Espíritu ewónmakha s'e: “¡Táta!”

ROMANOS 8:26

Ekhawo ektémakxa nak han sempasmoma cha'a Espíritu neyseksa nelyelkamáxkoho. Magya'ásegkok negko'o nentémakxa antehek nempeywa nelmaxnagko, cham'a eyéméxchexa nak antehek, wánxa agkok Espíritu eyke apteme sempakhetcheseso negko'o Dios, yetlo apmáheyo apagko', cham'a magkegwagko nak negko'o antehek nempeywa.

SAN JUAN 12:23

Aptahak axta Jesús apkeláneya xa énxet'ák nak. —Wokmek kaxwo' ekhem yakwánxa nak kóltemésesek apcheymákpoho m'a ektaha nak Apketche énxet.

EFESIOS 6:18

Nágkólyensem kéxegke kélteme nempeywa nelmaxnagko: kólmaxna cha'a Dios yetlo appékesáseyak Espíritu. Kóleyxmakha cha'a kéxegke, meyke elleklágwayam, kólmaxnéses nahan cha'a m'a apyókxoho énxet'ák ektaha nak Dios énxet'ák apagkok.

SAN JUAN 4:21

Aptahak axta apchátegmowágko Jesús se'e: —Kelán'a, nahey'ásem aksa, kammok sat ekhem yakwánxa kólpeykeshok kéxegke Dios Egyap meyke kélmeyeykenta s'e néten egkexe nak tén han meyke kélmeyeykekxa m'a tegma apwányam Jerusalén.

SAN JUAN 1:17

Moisés axta keñamak ekteyapma m'a segánamakxa, Cristo axta eyke keñamak segweyktámho negko'o m'a segásekhayo tén han ma'a ekmámnaksoho nak.

ROMANOS 8:15

Axta kólxaweyk kéxegke espíritu yakwayam egkeyásekxak makham kélmeneykha ektémol'a énxet apkelmomap, wánxa m'a Espíritu aptemésesama nak kéxegke Dios apketchek. Espíritu nahan keñamak nentéma cha'a nempeywa s'e: “¡Táta!”

1 SAN PEDRO 2:9

Kéxegke eyke kélteme énxet'ák ektaha axta Dios apkelyéseykha, kélteme anhan kélmaxnéseso Dios énxet'ák apagkok eñama apkelásenneykha m'a Wese' apwányam Dios, kélteme nahan Dios énxet'ák apagkok apkelpagkanamap, kélteme nahan énxet'ák ektaha axta Dios apkelma yakwayam etnehek énxet'ák apagkok. Temegkek kéxegke xa ektaha nak yakwayam enxoho kóllegaksek ma'a Dios aptamheykha ektakmela nak, cham'a Dios aptaha axta apkelwóneykha kéxegke yakwayam kólantépok neyseksa ekyaktésakxa exma yakwayam enxoho kólántexek ma'a neyseksa elseyexma apagkok ektakmalma nak.

SAN JUAN 16:32

Wokmek eyke kaxwo' ekhem, keso kaxwo' nak, yakwánxa nak kólexpaknek kéxegke, apmaheyak apagko' sat cha'a etnehek kélmók apmahágkaxa enxoho, exakko' sat nahan helyenyok, háwe eyke exakko', Táta nahan sekxegexma.

ROMANOS 1:9

Dios aptaha apwetayo mehelwagkágweykmo cha'a kéxegke neyseksa sekteme nempeywa nelmaxnagko, cham'a seláneykencha'a nak ko'o yetlo ekmáheyo agko' ewáxok, neyseksa seklegaso m'a appeywa ekxeyenma nak Apketche.

SAN JUAN 5:28

Nágkatlakkas aksa kélwet'a enxoho xa, hakte kammok sat ekhem yakwánxa nak ellegak sekpeywa ahagko' m'a énxet'ák apkeletsapma axta,

SAN JUAN 16:2

Kólántekkesek sat kéxegke apchakneykekxa nak judíos, keñe sat kammok nahan ekhem yakwánxa nak yának elának énxet ma'a ekleklamókxa nak apwáxok antehek Dios, cham'a apkennapa enxoho kéxegke xa énxet'ák nak.