SAN JUAN 3:7 - Lengua Sur (Enxet) Nuevo Testamento

⁷ Ná etnatches sektahakxa nak seyáneya exchep: ‘Kélyókxoho cha'a kéméxchek kóltemekxak kaxwé kélteyam.’

SAN JUAN 3:7 Referans Kwoze

SAN JUAN 3:3

Aptahak axta apcháneya Jesús se'e: —Agkok etnahákxak énxet kaxwé apteyam, mopwanchek étak ma'a aptémakxa nak Wese' apwányam Dios.

APOCALIPSIS 21:27

Wánxa agkok, megkatxek sat eyke aksok ekmanyása m'a, metxek sat nahan ma'a énxet ekmaso agko' nak aptémakxa, esenhan ma'a aksok sẽlyexancheseykha nak, wánxa sat elántexek ma'a énxet'ák eknaktáxésamaxko nak apkelwesey weykcha'áhak eknaktáxésamaxchexa nak apkelwesey énxet'ák peya nak elwagkasakpok teyp, cham'a weykcha'áhak ektaha nak Nekkések Apketkok apagkok.

1 SAN PEDRO 1:22

Kaxwo' eyke kéltemék kéxegke eyáxñeyo kélwáxok, yakwayam enxoho kólásekhohok ekmámnaksoho agko' ma'a ẽlyáxeg nentémo xamo' nak magya'áseyam, cham'a kélyahákxoho axta kéxegke amya'a ekmámnaksoho nak. Kéméxchek kéxegke kóltehek ekmámnaksoho kélásekhamaxkoho ekweykmoho kañók agko' kélwáxok.

HEBREOS 12:14

Kóllenxánem kóltehek meyke ektahakxa kélwáxok nepyeseksa m'a apyókxoho énxet'ák nak, kólteme nahan kélpagkanchásamáxche Dios; hakte méko kawának kótak Wese' egegkok megkólpagkanchásexko enxoho Dios.

COLOSENSES 1:12

kólmések sat nahan kéxegke ekxeyenma kélwáxok Dios Egyap yetlo ekpayheykekxa kélwáxok, aptaha nak apkeláneseykekxa kéltahakxa yakwayam kawakxohok kélxaweyák ma'a aksok kélpagkancheso nak yakwayam elxawagkok énxet'ák ektaha nak Dios énxet'ák apagkok, eleñama m'a neyseksa elseyexma aptémakxa nak Wese' apwányam Dios.

SAN JUAN 3:12

Kélya'ásekmek agkok seltennasa enxoho kéxegke aksok eleñama nak keso náxop, kólya'asók nahan seltennasa enxoho m'a aksok eleñama nak néten.

SAN JUAN 5:28

Nágkatlakkas aksa kélwet'a enxoho xa, hakte kammok sat ekhem yakwánxa nak ellegak sekpeywa ahagko' m'a énxet'ák apkeletsapma axta,

SAN JUAN 3:6

Egyap cha'a kañék sentekkeso negko'o nenteme nak énxet, keñe m'a espíritu apkeñama nak Dios egkések cha'a ekyennakte espíritu egagkok nak.

SAN JUAN 3:8

Kaxchahámha cha'a exchahayam ekmokókxa enxoho kaxchaháma', eñak eykhe exchep ekpáwá empehek, mey'asagkek eyke eñamakxa, mey'asagkehek nahan ekmahágkaxa. Cháxa ektémakxa nak han ma'a énxet apteme nak kaxwé appaleyam eñama Espíritu.