SAN JUAN 3:31 - Lengua Sur (Enxet) Nuevo Testamento

³¹ Enxet apkeñama nak néten apteme apyeykhágweykmoho apyókxoho énxet, keñe m'a énxet apkeñama nak náxop apteme apkeñamakxa apagko' keso náxop, exének nahan ma'a aksok eleñama nak keso náxop. Keñe m'a énxet apkeñama nak néten apteme apyeykhágweykmoho apyókxoho énxet,

SAN JUAN 3:31 Referans Kwoze

SAN JUAN 8:23

Aptahak axta Jesús apkeláneya judíos se'e: —Kéxegke kélteme kéleñamakxa kélagko' keso náxop, ko'o eyke sekteme señamakxa ahagko' ma'a néten; kéxegke kélteme kéleñamakxa kélagko' keso náxop, háwe eyke ko'o señamakxa ahagko' keso náxop.

SAN MATEO 28:18

Apyepetchegwákxók axta Jesús xa énxet'ák nak. Aptahak axta apkeláneya s'e: —Egkések ko'o Dios yakwayam hetnehek selyaheykekxoho ekyókxoho aksok ma'a néten tén han keso náxop.

ROMANOS 9:5

Enxet'ák judíos apteme aptawan'ák neptámen ma'a ẽlyepmeyk nano' negko'o, apheyásamákpók axta énxet'ák judíos apwaya Mesías, cham'a aptémakxal'a énxetók xamo', aptaha nak Dios neyseksa m'a ekyókxoho aksok nak. Apcheymákpoho sat cha'a kóltemésesek Dios, katnahagkok sat nahan cha'a.

SAN JUAN 6:33

Cha'a pan segmésamol'a cha'a Dios ma'a apwéweykento axta apkeñama néten, egkéshok nahan cha'a elyennakte apnenya'ák énxet apheykha nak keso náxop.

1 SAN JUAN 4:5

Apkeleñamakxa apancha'awók akke náxop xa énxet'ák nak; ékeso eñamakxa apkelxeyenma nak aksok eleñama nak keso náxop, yeyxhok nahan cha'a apkeltenneykha m'a énxet'ák ektaha nak apkeleñamakxa apagko' keso náxop.

SAN JUAN 6:51

Ko'o sekteme xa pan memassegwayam nak apwéweykento axta apkeñama néten; énxet ektahakxa enxoho apto xa pan nak megyetsepek sat. Sekyókxoho ahagko' ko'o m'a pan peya nak agkések kéxegke, yakwayam enxoho egkések elyennakte apnenya'ák apyókxoho énxet'ák apheykha nak keso náxop.

APOCALIPSIS 19:16

Yetnegkek axta nahan kéltáxeso apchaklamap, tén han ma'a apyók ektéma nak se'e: “Wese' apwányam nepyeseksa m'a kelwese'e apkelwányam nak, apteme nahan Wese' nepyeseksa m'a kelwese'e nak.”

1 SAN PEDRO 3:22

cham'a Jesucristo apmeyeykekxo axta néten, aphákxeyk nahan ma'a ekpayhókxa nak apkelya'asamakxa Dios. Temék kaxwo' elyaheykekxoho Dios apkelásenneykha m'a Cristo, tén han ma'a aksok magweté nak ekyókxa ekheykencha'a nak tekhenxet, cham'a ekha nak kélyaheykekxoho, cham'a ekha nak han elmowancha'a.

SAN JUAN 1:27

cham'a peya nak ewak netámen ko'o. Mehepayhawok nahan ko'o alhexyawásesek axát'ák apkeltéto apmagkok.

LOS HECHOS 10:36

Apkelpakhetchesek axta Dios Israel aptawan'ák neptámen, apkeltennásek axta amya'a meyke ektahakxa egwáxok eñama nak Jesucristo, aptaha nak Wese' meyke ekhémo negyeseksa negko'o.

HEBREOS 9:1

Yetneyk axta ektémakxa sempékesáseyak, ektémakxa nelpeykesamo Dios ma'a émha amonye ekhémo mók nelpakhetchásamáxkoho Dios axta, cháxa elánamáxko axta cha'a kañe' tegma appagkanamap apyetnama nak náxop xa.

SAN JUAN 1:30

Cháxa sekxeyenma axta cha'a ko'o xa sektéma axta cha'a sekpeywa s'e: ‘Apxegakmek netámen xama énxet maxnawo nak ko'o, hakte aphegkek axta meykexa ko'o.’

SAN JUAN 1:15

Apkeltenneykha axta Juan apxeyenma aptémakxa m'a. Aptahak axta apxéna s'e: “Cháxa sekxeyenma axta cha'a ko'o seltenneykencha'a xa, sektéma axta cha'a sekpeywa s'e. Enxet peya nak ewak netámen, apteme maxnawo ko'o, hakte aphegkek axta meykexa ko'o.”

SAN JUAN 3:30

Kayawagkok sat nahan kélteme kéláyo m'a, keñe sat ko'o kaweywentak kélteme seláyo.