SAN JUAN 3:2 - Lengua Sur (Enxet) Nuevo Testamento

² Yáktések axta aptaha meyk'a Nicodemo Jesús. Aptahak axta apcháneya s'e: —Sẽlxekmóso, negya'ásegkok negko'o aptaha exchep Dios apcháphaso yakwayam hẽlxekmósak negko'o, hakte méko kawának kalának ma'a aksok sempelakkaso agweta' apkelana nak xép, cham'a metnaha enxoho apxegexma Dios.

SAN JUAN 3:2 Referans Kwoze

SAN JUAN 5:36

Yetneyk eyke ko'o m'a aptaha nak ektakmela sexeyenma ko'o, megkaxnawok ma'a ektémakxa axta cha'a sexeyenma ko'o Juan. Aksok selané nak cha'a ko'o ekteme ekxekmóso ektaha nakso' seyáphaso ko'o Táta, cham'a sektamheykha apkeltémo axta alának Táta.

LOS HECHOS 10:38

Kélya'ásegkok kéxegke apmésama axta ekyawe agko' apmopwána Dios ma'a Jesús apkeñama nak Nazaret, tén han apmésama m'a Espíritu Santo. Kélya'ásegkok nahan ma'a apkeláneya axta cha'a Jesús ektakmela aptamheykha, apkeltakmelcheseykmek axta m'a apyókxoho énxet eknaktawáseykegkoho axta kelyekhama'. Apwanchek axta apkelana Jesús xa, hakte apxegexma axta aptemék Dios.

LOS HECHOS 2:22

“Enxet'ák Israel, kóleyxho hana s'e sekmoko nak altennaksek kéxegke; kélya'ásegkok ektakmela kéxegke apxekmósa axta Dios aptaha ekleklamo apwáxok kélnepyeseksa kéxegke m'a Jesús apkeñama nak Nazaret, apkeláneyak cha'a Dios aksok magwetaya nak eñama m'a Jesús, tén han ma'a aksok sempelakkaso nak agweta', tén han ma'a magkenatcheso nak agweta'.

SAN JUAN 9:16

Aptahak axta apkelpakmeta nápakha fariseos se'e: —Enxet ektaha nak apkelané xa megkañamak Dios, hakte metnahak apcháyo ekhem nellókasamakxa nelyampé. Keñe axta anhan nápakha énxet aptaha apkelpakmeta s'e: —¿Háxko katnehek elának aksok sempelakkaso agweta' aptaha enxoho mey'asáxma? Cháxa ektahakxa axta apkexpáncháseykpo énxet'ák xa.

SAN JUAN 12:37

Apkelanak axta eykhe cha'a Jesús aksok sempelakkaso agko' agweta' nápakta'awo' xa énxet'ák nak, apkelya'ásekmek axta eyke xa énxet'ák nak;

SAN JUAN 1:38

Appeynchakpok axta neptámen Jesús. Xama axta apwet'a kélemhágko, aptahak axta apkelmaxneyeyncha'a ektaha axta apkemheyak se'e: —¿Yaksak kélchetama? —Sẽlxekmóso, ¿háxko aphakxa exchep? axta aptahak apkelátegmowágko.

SAN MATEO 22:16

Apkeláphásek axta énxet'ák fariseos énxet'ák ektaha axta apkelxegexma'a, tén han ma'a ektaha axta apkelyetlo Herodes, yakwayam enxoho etnehek yának Jesús se'e: —Sẽlxekmóso, negya'ásegkok negko'o ektéma cha'a ekmámnaksoho aksok apxeyenma exchep, tén han apkelxekmósama énxet'ák ma'a apkeltémókxa nak antehek Dios, meyke apkenmexmo m'a ektémakxa nak apkelpakmeyesma énxet, hakte mexeyenmak xép ma'a elpeykesáseykekxoho nak apwáxók énxet'ák.

SAN JUAN 7:31

Apxámok axta énxet apteme mey'áseyam Jesús. Aptahak axta nahan cha'a apkelpakmeta s'e: —¿Xámok enxoho sat eykel'a katnehek apkelané Mesías aksok sempelakkaso agweta' apwa'a enxoho, megkaxók sat kexaha ekwánxa nak apkelané xa énxet nak?

SAN JUAN 20:16

Aptahak axta Jesús se'e: —¡María! Peyncháxkók axta ekpayheykxoho apkenmágkaxa, entahak axta eyáneya hebreo appeywa s'e: —¡Rabuni! —(nenteme nak nempeywa: “sẽlxekmóso”).

SAN JUAN 15:24

Méko axta katnehek apkelsexnánémap xa énxet'ák nak, cham'a malana enxoho ko'o m'a aksok meláneya nak xama énxet; apwet'ak eykhe nahan énxet'ák selana ko'o xa aksok nak, akke yahaxnak setaknawe ko'o, tén han aptaknawe m'a Táta.

SAN JUAN 3:26

Keñe axta apya'aweykto apkeltámeséyak Juan apkeltennasakto. Entahak axta amya'a apcháneyákpo Juan se'e: —Sẽlxekmóso, apyakpasásegkek kaxwo' yegmen énxet'ák ma'a aptaha axta exchep apxegexma wátsam Jordán, cham'a énxet sẽltennasa axta exchep. Apxámok nahan énxet apyetleykekxa.

SAN MARCOS 12:14

Apkelxegkek axta xa énxet'ák nak. Aptahak axta anhan apcháneya Jesús se'e: —Sẽlxekmóso, negya'ásegkok negko'o ektéma cha'a ekmámnaksoho aksok apxeyenma exchep, meyke apkenmexmo m'a ektémakxa nak apkelpakmeyesma énxet, hakte metnék cha'a exchep apyekpelchémo ektémakxa nak ekha kéláyo énxet, tén han ma'a meyke nak kéláyo, hakte ekmámnaksoho apkelxekmóso exchep énxet'ák ma'a apkeltémókxa nak antehek Dios. ¿Táseya agmések selyakye wese' Roma, asagkek enxeykel'a? ¿Kéméxcheya agyanmagkasek, magyanmagkasek enxeykel'a?

FILIPENSES 1:14

Apxámokxoho ẽlyáxeg nentémo xamo' magya'áseyam nahan apmayhágkohok eltennaha amya'a eñama nak Dios meyke apkeye, yetlo ekyágweykmoho agko' apteme melya'áseyam Wese' egegkok, ko'o axta ñokxa set'a selhésakmo sẽlpextétamakxa.

SAN MATEO 23:7

Apmenyék nahan kólpeykesek yetlo kéláyo m'a ámay nepyeseksa tegma nak, apmenyék nahan kóltehek kólának ‘sẽlxekmóso’.

SAN MATEO 23:8

“Wánxa agkok, nágkólho aksa kóltamhaxche kéxegke sẽlxekmóso, hakte kélyókxoho kéxegke kélteme kélyáxeg xamo', wánxa aksa xama apyetna m'a Apkelxekmóso nak kéxegke.

SAN JUAN 2:11

Cháxa apkelana axta Jesús émha amonye aksok sempelakkaso agweta' tegma apwányam Caná yókxexma Galilea xa, cham'a apxekmósa axta anhan ektémakxa apcheymákpoho, axta anhan elya'ásekmok apkeltámeséyak.

SAN JUAN 4:31

Amonye apkelwé énxet'ák axta aptaha apkeltámeséyak apcháneya Jesús se'e: —Sẽlxekmóso, etaw hana sekxo'.

SAN JUAN 6:2

Apxámok axta énxet apyetleykekxa Jesús ma'a, hakte apkelwet'ak axta apkelana aksok sempelakkaso nak agweta', cham'a apkeltakmelchesekmo axta apkelháxamap.

SAN JUAN 10:38

Élanak agkok ko'o sektamheykha neyseksa eykhe selya'áseyam, nágkólya'asem ma'a aksok selané nak ko'o, yakwayam enxoho kólya'ásegwomhok sektaha ko'o sekyepetcheyo m'a Táta.

SAN JUAN 14:10

¿Apya'asékmeya exchep sektaha ko'o sekyepetcheyo m'a Táta, keñe Táta aptaha sépetcheyo ko'o? Háwe ko'o sekpeywa ahagko' se'e sektahakxa nak seláneya kéxegke. Akke apkelaneyk cha'a aptamheykha m'a Táta aptaha nak sépetcheyo ko'o.