SAN JUAN 3:17 - Lengua Sur (Enxet) Nuevo Testamento

¹⁷ Hakte axta yáphásak Apketche Dios keso náxop yakwayam enxoho elsexnenak énxet'ák apheykha nak keso náxop, wánxa agkok, apcháphásek axta yakwayam elwagkasek teyp.

SAN JUAN 3:17 Referans Kwoze

1 SAN JUAN 4:14

Negko'o egagko' axta negweté xa, neltenneykha nahan nenxeyenma m'a apcháphásama axta Dios Egyap Apketche yakwayam elwagkasek teyp énxet'ák apheykha nak keso náxop.

SAN LUCAS 19:10

Hakte apwa'ak axta aptaha nak Apketche énxet yakwayam elchetmok ma'a énxet'ák ektaha axta apkelxegányam, tén han elwagkasek teyp.

SAN JUAN 6:57

Yetneyk ekyennakte egnenyek ma'a Táta aptaha axta seyáphaso ko'o, Táta anhan keñamak ekyennaktama egkenyek ko'o; ekhawo nahan ektémakxa énxet ektahakxa enxoho apto ahápetek ko'o, étak sat ekyennakte apnenyek eñama ko'o.

SAN JUAN 6:40

Apmenyék ko'o Táta keytek ekyennakte apnenya'ák megkatnegwayam enéxa m'a apyókxoho énxet ektaha nak apkelanyo Dios Apketche, cham'a apteme nak han mey'áseyam, ko'o sat nahan anakxétekhasók ma'a ektemegwokmo sat néxa ekhem.

SAN JUAN 6:29

Aptahak axta apchátegmowágko Jesús se'e: —Cha'a apmenyék kóltehek kéxegke megkólya'áseyam Dios ma'a ektaha axta apcháphaso.

SAN JUAN 20:21

Keñe axta aptaha makham apkeláneya Jesús se'e: —¡Meyke ektahakxa kélwáxok sat katnehek kéxegke! Eláphásek ko'o kéxegke ekhawo ektahakxa axta seyáphaso ko'o Táta.

1 SAN JUAN 2:2

Apmeyásamákpók axta apagko' Jesucristo yakwayam emátog, yakwayam enxoho megkólyakmagkásekxék nentémakxa mólya'asáxma; háwe eyke ekwánxa agkok negko'o, akke anhan megkólyakmagkásekxék apkeltémakxa m'a apyókxoho énxet'ák apheykha nak keso náxop.

SAN JUAN 17:3

Enxet'ák ektahakxa enxoho apya'áseykegkoho exchep aptaha wánxa xama Dios, tén han apya'ásegkoho enxoho m'a Jesucristo aptaha axta apcháphaso exchep, keytek sat ekyennakte apnenya'ák megkatnegwayam enéxa.

SAN JUAN 11:42

Ekya'ásegkok ko'o yeyxhok cha'a exchep selmaxnagko, ektemék eyke ko'o seyáneya exchep nápakta'awo' énxet apheyncha'a nak se'e, yakwayam enxoho kapasmok, yakwayam enxoho nahan mehey'ásemek aptaha exchep seyáphaso.

SAN JUAN 7:29

Ko'o eyke ekya'ásegkok, hakte eñamak ko'o m'a, axta anhan seyáphaso m'a.

SAN JUAN 5:45

Nágkaxén aksa kélwáxok peya alsexnenak kéxegke nápakto' ma'a Táta. Moisés akke apkelsexneneyk kéxegke, cham'a kéltéma nak cha'a kéláyo kéxegke.

SAN JUAN 8:42

Aptahak axta apchátegmowágko Jesús se'e: —Nakso' agkok kéxegke kélyap ma'a Dios, helásekhohok axta ko'o kéxegke, hakte eñamak ko'o m'a Dios, keso sekwaya nak. Háwe ko'o sekwé ahagko', ekwa'ak axta ko'o aptaha seyáphaso m'a Dios.

SAN JUAN 1:29

Mók ekhem axta entahak apwet'a Juan apxegakmo Jesús, aptahak axta Juan apkeláneya énxet'ák se'e: “¡Kóllano, cháxa Nekkések Apketkok apkeñama nak Dios xa, aptaha nak apmaséseso melya'asáxma énxet'ák keso náxop!

SAN JUAN 17:8

hakte eltennáseyha axta ko'o m'a amya'a segkésa axta exchep, axta nahan elya'ásekmok. Apkelya'ásegwokmek axta anhan eyámnaksoho señama ko'o m'a aphakxa nak xép, axta nahan elya'ásekmok aptaha seyáphaso exchep xa énxet'ák nak.

SAN JUAN 10:36

Epagkanchek axta ko'o Dios, eyáphásek axta nahan keso náxop, ¿yaksak ektaha kélxéna nak kéxegke sekwañeyncha'a ko'o m'a Dios, cham'a sekxéna nak ko'o sektaha Dios Apketche?

SAN JUAN 5:36

Yetneyk eyke ko'o m'a aptaha nak ektakmela sexeyenma ko'o, megkaxnawok ma'a ektémakxa axta cha'a sexeyenma ko'o Juan. Aksok selané nak cha'a ko'o ekteme ekxekmóso ektaha nakso' seyáphaso ko'o Táta, cham'a sektamheykha apkeltémo axta alának Táta.

SAN JUAN 17:21

Elmaxnakkek ko'o exchep seltamho etnahagkok mekxeymákpoho apyókxoho xa énxet'ák nak; emenyék ko'o etnehek segyepetcheyo xa énxet'ák nak ekhawo ektémakxa nak xép sépetcheyo ko'o, ekhawo ektémakxa nak han sekyepetcheyo ko'o exchep, yakwayam enxoho melya'ásemek énxet'ák apheykha náxop aptaha seyáphaso ko'o exchep.

SAN JUAN 5:38

Megkólhayók nahan keytek kélwáxok kéxegke m'a aptémakxa nak appeywa, hakte kélya'áseykmek kéxegke m'a aptaha nak apcháphaso Táta.

SAN MATEO 1:23

“Lóso' sat katnehek kelán'a meyke kélteméseseykmohóxma nak, kategkesek sat étche apkenna'. Kóltemésesek sat apwesey Emanuel” (neltéma nak negko'o: “Dios sempáxakwé.”)

SAN MATEO 18:10

“Nágkólwanyoho aksa xama s'e sakcha'a létkók nak, eltennásek ko'o kéxegke apheyncha'a néten nápakto' Táta m'a ektaha nak apkelásenneykha apkeltakmelchesamol'a xa sakcha'a létkók nak.

SAN LUCAS 9:56

Keñe axta apkelmeyákxo mók apheykegkaxa énxet.

SAN JUAN 3:34

énxet aptaha nak Dios apcháphaso, wánxa aksa exének ma'a amya'a eñama nak Dios, hakte memyágwakxék egkések Dios ma'a Espíritu apagkok.

SAN JUAN 6:38

Háwe axta ko'o yakwayam alánegwak aksok sekmámenyého ahagko' sekwaya señama m'a néten, wánxa aksa yakwayam alának ma'a ektémakxa nak apmopmenyého Táta aptaha axta seyáphaso ko'o.

SAN JUAN 8:11

Entahak axta eyátegmowágko kelán'a s'e: —Wese', méko xama enxoho. Aptahak axta makham apcháneya Jesús se'e: —Mowanchek nahan ko'o xa axének eyéméxko katsapok xeye'; katakhekxa kaxwo', nágkalánekxa megkay'asáxma.

SAN JUAN 17:18

Eláphásek nahan ko'o xa nepyeseksa énxet'ák apkelyetleykekxa ektémakxa náxop xa énxet'ák nak, ekhawo ektahakxa axta nahan seyáphaso exchep nepyeseksa énxet'ák keso náxop.

SAN JUAN 17:23

Ektemegkek ko'o sekyepetcheyo xa énxet'ák nak, keñe exchep aptaha sépetcheyo ko'o, yakwayam enxoho etnahagkok ekmámnaksoho agko' wánxa xama xa énxet'ák nak, keñe sat elya'ásegwók énxet'ák apheykha náxop aptaha seyáphaso ko'o exchep, tén han elya'ásegwók apkelásekhayo exchep ma'a ektaha nak énxet'ák apagkok, ekhawo ektémakxa nak seyásekhayo ko'o exchep.

SAN JUAN 17:25

Xép Táta appéwomo, melya'ásegkok énxet'ák apheykha náxop aptémakxa exchep; ekya'ásegkok eyke ko'o exchep, apkelya'ásegkok nahan aptaha seyáphaso ko'o exchep se'e ektaha nak énxet'ák apagkok.

SAN MATEO 18:11

Hakte apwa'ak axta ektaha nak Apketche énxet yakwayam elwagkasek teyp énxet'ák ektaha axta apkelxegányam.