SAN JUAN 21:15 - Lengua Sur (Enxet) Nuevo Testamento

¹⁵ Apsawhégkek axta aptéyak, aptahak axta Jesús apkelmaxneyeyncha'a Simón Pedro s'e: —Simón, Juan apketche, ¿Awanheya exchep seyásekhayo yagkaxnawok ma'a ekwánxa nak apkelásekhayo apnámokkok? Aptahak axta apchátegmowágko Pedro s'e: —Wese', apya'ásegkok xép seyásekhayo ko'o. —Aptahak axta apcháneya Jesús se'e: —Eltakmelches seknaktóso nekkések apketkók.

SAN JUAN 21:15 Referans Kwoze

ROMANOS 15:1

Negko'o ekyennakwayam nak nenteme magya'áseyam, kéméxchek ampasmok énxet'ák elyelkamáxkoho nak apteme melya'áseyam, yakwayam enxoho elenxanmohok apteme melya'áseyam, manlanyek ma'a yakwayam nak hegmések ekpayheykekxa egwáxok egagkok egagko'.

1 SAN JUAN 4:19

Negásekhayok negko'o Dios hakte segásekhayo apmonye axta.

1 SAN PEDRO 1:8

Kélásekha'awok kéxegke Jesucristo, eykhe kólweteyk xama enxoho; megkólya'aseykmok nahan kéxegke neyseksa megkólwetayo keso kaxwo' nak, awanhek nahan ekpayheykekxa kélwáxok kéxegke, cham'a magmowánal'a anxének ekwánxa ekyawe hakte tasók agko',

EFESIOS 6:24

etnehek sat nahan apméso naksa apyókxoho énxet'ák ektaha nak apchásekhayo Wese' egegkok Jesucristo m'a ektémakxa nak segemleykekxoho, yetlo m'a apchásekhayo megkamassegwayam nak.

LOS HECHOS 20:28

Kólleyxmakha kéxegke, kóltakmelches ma'a ekyókxoho apchakneykekxexa nak, cham'a aptemésesamakxa nak kéxegke Espíritu Santo kélláneykegkaxa, yakwayam enxoho kóltakmelchesek Dios énxet'ák apagkok, aptaha axta anhan apkelma eñama m'a apyenkenma axta éma apagkok.

1 SAN JUAN 5:1

Negyókxoho nenteme nak magya'áseyam Jesús aptaha Mesías, nentemék negko'o Dios apketchek; enxama apchásekhayo enxoho xama énxet ekha nak apketchek, elásekháseshok nahan ma'a apketchek.

SAN JUAN 16:27

hakte apkelásekhayók kéxegke m'a Táta. Apkelásekhayók kéxegke Táta, hakte elásekha'awók ko'o kéxegke, megkólya'aseykmok nahan señama ko'o m'a Táta.

1 SAN PEDRO 2:25

Hakte kélxeganeykmek axta kéxegke ektémol'a nekkések apkelxegányam, kaxwo' eyke kélya'aweykxek kéxegke Cristo, aptaha nak apkeltakmelcheso kéxegke ekhawo m'a aptémakxal'a énxet ektaha nak apkeláneykha nekkések, meyenseykmok nahan apkeltakmelcheso kéxegke m'a Cristo.

HEBREOS 4:13

Yawanchek keyxánegkesek Dios ekyókxoho aksok ektaha axta apkelané, yáxñakxoho nahan katnehek apweté ekyókxoho aksok ma'a Dios, cham'a peya nak óltennásekxohok nentémakxa axta.

SAN LUCAS 22:32

wánxa agkok elmaxnésesek axta eyke ko'o exchep yakwayam enxoho meyensemek apteme mey'áseyam. Ey'áweyktek sat agkok makham xép, epásem sat apnámokkok yakwayam enxoho elenxanmohok apkelyennaktésamo apteme melya'áseyam.

HEBREOS 13:20

Dios segmésamol'a meyke ektahakxa egwáxok sat etnésesek kéxegke kélpéwomo, tén han etnésesek kéxegke eltakmela kéltémakxa neyseksa kéllané m'a ekyókxoho aksok nak, yakwayam enxoho kóllának kéxegke m'a ektémakxa nak apmopmenyého Dios, tén han hentemésesek negko'o xa m'a apmokókxa enxoho hentemésesek, eñama m'a Jesucristo, cham'a Dios apxátekhásekmo axta Wese' egegkok Jesús nepyeseksa énxet'ák apkeletsapma, cham'a Jesús aptaha nak apkeláneykha nekkések apagko', cham'a aptemésesa axta ekmámnaksoho m'a nelpakhetchásamáxkoho nak Dios megkatnegwayam enéxa eñama m'a ekyegkenamaxche axta éma apagkok. ¡Apcheymákpoho sat cha'a kóltemésesek Cristo! Katnahagkok sat.

ROMANOS 14:1

Kólahapmakha énxet'ák elyelkamáxkoho nak apteme melya'áseyam, nágkólyamatchesaxche.

SAN MATEO 16:17

Aptahak axta Jesús apcháneya s'e: —Apkeleñémo exchep Simón, Jonás apketche, hakte megkañamak nepyeseksa énxet'ák xa apya'áseyak nak, wánxa apya'asáseykegkoho m'a Táta, apha nak néten.

1 SAN PEDRO 2:2

Kólchetam kéxegke Dios appeywa, ektaha nak neme apyegmenek ektakmela apkeñama Dios, ektémol'a sakcha'a kaxwé ekteyam kaktamok ma'a neme, yakwayam enxoho kawánegkesesek kélteme megkólya'áseyam kéxegke xa neme apyegmenek ektakmela nak, tén han kólwetak kélwagkásamáxche teyp,

GÁLATAS 5:6

Nentemék agkok negko'o negyepetcheyo Cristo, méko katnehek ekha enxoho sẽlkahaso kélyenyekhamol'a egyempehek esenhan ma'a méko enxoho. Akke tásek keytek negko'o m'a magya'áseyam nak, cham'a magya'áseyam sentemésesamol'a ekha nelásekhamaxkoho.

SAN JUAN 21:12

Aptahak axta Jesús apkeláneya s'e: —Kólchempoho, kóltaswata'. Kelnókek axta etnehek apkelmaxneyeykha apkeltámeséyak se'e: ‘¿Yaksak énxet xép?’, hakte apya'ásegkok axta aptaha Wese' egegkok.

SAN JUAN 21:7

Xama Jesús apkeltámeso axta appakhetchásak Pedro cham'a ektaha axta apchásekhayókxa Jesús. Aptahak axta apcháneya s'e: —¡Wese' egagkok nak xa! Aplegók axta aksa Simón Pedro aptaha Wese' egagkok ma'a, apkelántaxneykxeyk axta apkelnakta, hakte meyke apáwa axta aphak, apnextegkek axta anhan neygmen.

SAN MATEO 18:10

“Nágkólwanyoho aksa xama s'e sakcha'a létkók nak, eltennásek ko'o kéxegke apheyncha'a néten nápakto' Táta m'a ektaha nak apkelásenneykha apkeltakmelchesamol'a xa sakcha'a létkók nak.

EFESIOS 4:14

Mantehek sat kaxwo' negko'o máxa sakcha'a, ekmanyehel'a kayakmagkasek ektahakxa elchetamso awáxok, ektemésesamol'a ekhó exchahayam segyegeyak ma'a ekyókxoho ektémakxa nak axnagkok nelxekmowásamáxche, cham'a sakcha'a eyhayol'a elyexanchesha m'a énxet'ák apkelya'áseykegkoho nak apkeltémakxa hẽlyexanchesha, cham'a énxet'ák apkelyetleykekxo nak ámay senxegánegkesamo nak.

1 CORINTIOS 8:11

Cháxa kañék aptegkeso exchep apyáxeg ekyelkamáxkoho apteme mey'áseyam eñama xa apya'áseykegkoho nak xép, cham'a apketsapma axta anhan Cristo aptaha apyanmaga xa egyáxeg nak.

SAN JUAN 8:42

Aptahak axta apchátegmowágko Jesús se'e: —Nakso' agkok kéxegke kélyap ma'a Dios, helásekhohok axta ko'o kéxegke, hakte eñamak ko'o m'a Dios, keso sekwaya nak. Háwe ko'o sekwé ahagko', ekwa'ak axta ko'o aptaha seyáphaso m'a Dios.

SAN MARCOS 14:29

Aptahak axta apchátegmowágko Pedro s'e: —Kamaskok sat eykhe etnehek apcháyo selxegexma'a, megkamassehek eyke ko'o seyáyo exchep.

SAN LUCAS 12:32

“Nágkólé' aksa kéxegke kéltaha nak seknaktóso nekkések; kélkántawók eykhe kéxegke, wánxa agkok, apmokók eyke egkések kéxegke aptémakxa nak Wese' apwányam ma'a Dios, aptaha nak Kélyap, eñama m'a apkelásekhayo nak.

SAN MATEO 10:37

“Kéxegke ektahakxa enxoho kélásekhayo kélyap esenhan ma'a kélchána, keñe kasextohok ko'o selásekhayo, megkapayhawok kóltehek kéxegke énxet'ák ahagkok; kéxegke ektahakxa enxoho kélásekhayo agko' kélketchek, esenhan ma'a kélketchek kelwána, keñe kasextohok ko'o selásekhayo, megkapayhawo kóltehek kéxegke énxet'ák ahagkok.

SAN JUAN 13:37

Aptahak axta apchátegmowágko Pedro s'e: —Wese', ¿yaksak ektaha apxéna nak mowanchek eytlók keso kaxwo' nak? Ekmakawók ko'o agkések sekyókxoho ekyanmaga exchep.

SAN JUAN 1:42

Keñe axta Andrés apyentamákxo Simón ma'a aphakxa axta Jesús; xama axta apwet'a Jesús ma'a Simón, aptahak axta apcháneya s'e: —Xép Simón, Juan apketche, eltamhakpok sat xép Cefas (nenteme nak nempeywa Pedro).

SAN MATEO 26:35

Aptahak axta Pedro s'e: —Watsaphok sat eykhe xamo' xép, megkamassehek eyke sekxeyenma apwesey exchep. Hawók axta anhan aptahakxa apkelpakmeyesma apyókxoho apkeltámeséyak.

SAN MATEO 26:33

Aptahak axta apchátegmowágko Pedro s'e: —Kamaskok sat eykhe etnehek apcháyo exchep selxegexma'a, megkamassehek eyke ko'o seyáyo exchep.

LOS HECHOS 20:29

Ekya'ásegkok ko'o m'a sekxega sat peya elwak pók énxet'ák, emawhok sat emasésak ektémakxa nak apchakneykekxa énxet, máxa sat etnahagkok ma'a aksok nawha'ák ellól'a.