SAN JUAN 20:30 - Lengua Sur (Enxet) Nuevo Testamento

³⁰ Xámok axta makham apkelané Jesús aksok sempelakkaso agweta' nápakta'awo' apkeltámeséyak, cham'a megkanaktáxesamaxko nak se'e weykcha'áhak nak.

SAN JUAN 20:30 Referans Kwoze

SAN JUAN 21:25

Xámok axta nahan mók aksok apkelané Jesús, kélsawhawók axta agkok kélnaktáxesagko weykcha'áhak ekyókxoho aksok apkelané Jesús, méko axta katnehek ekhágkaxa weykcha'áhak kélnaktáxeseyak keso náxop.

1 SAN JUAN 5:13

Kéxegke ektáxesásak se'e weykcha'áhak nak, kélteme nak megkólya'áseyam Dios Apketche, yakwayam enxoho kólya'asagkohok kéxegke ekyetna ekyennakte egnenyek megkatnegwayam enéxa nak.

1 CORINTIOS 10:11

Temegkek axta nahan nepyeseksa ẽlyepmeyk nano' ekyókxoho xa ektéma nak, yakwayam enxoho agya'asagkohok negko'o. Naktáxésamaxchek axta anhan xa, yakwayam enxoho hẽlaksek negko'o nentaha nak negheykha keso ektemegwánxa nak néxa.

ROMANOS 15:4

Naktáxesamaxchék axta yakwayam henxekmósek negko'o m'a ekyókxoho amya'a ekyetnama axta eknaktáxésamaxche nano' agko', yakwayam enxoho keytek negko'o nelhaxneykha eñama m'a magyenseyam tén han ekpayheykekxa egwáxok segméso nak eknaktáxésamaxche.

SAN JUAN 2:11

Cháxa apkelana axta Jesús émha amonye aksok sempelakkaso agweta' tegma apwányam Caná yókxexma Galilea xa, cham'a apxekmósa axta anhan ektémakxa apcheymákpoho, axta anhan elya'ásekmok apkeltámeséyak.

SAN JUAN 6:2

Apxámok axta énxet apyetleykekxa Jesús ma'a, hakte apkelwet'ak axta apkelana aksok sempelakkaso nak agweta', cham'a apkeltakmelchesekmo axta apkelháxamap.