SAN JUAN 20:13 - Lengua Sur (Enxet) Nuevo Testamento

¹³ Aptahak axta apkelmaxneyeyncha'a Dios apkelásenneykha s'e: —Kelán'a ¿yaksak ektaha elekxagweyncha'a nak? Entahak axta eyátegmowágko kelán'a s'e: —Wese' ahagkok ñokxa kélleya s'e, may'ásegkok nahan kélpekkenwánxa.

SAN JUAN 20:13 Referans Kwoze

SAN JUAN 20:15

Aptahak axta apkelmaxneyeyncha'a Jesús se'e: —Kelán'a ¿yaksak ektaha elekxagweyncha'a nak? ¿yaksak étama? Aksok kélcheneykekxexa aptakmelcheso axta keneyk ma'a. Entahak axta eyáneya s'e: —Xép agkok aplekweykta', héltennés ko'o appekkenwánxa enxoho, yakwayam enxoho aktamsók ko'o.

SAN JUAN 2:4

Aptahak axta apchátegmowágko Jesús se'e: —Kelán'a, ¿Yaksak ektaha ektaha nak seyáneya xa? Megkawokmok makham ekhem yakwánxa alának ko'o aksok.

LOS HECHOS 21:13

Wánxa agkok, aptahak axta segátegmowágko Pablo s'e: —¿Yaksak ektaha kéllekxagweyncha'a nak, tén han sellapwagkasa ko'o? Háwe ekwánxa agkok sekmakawo ko'o helnaktetchesek emék, ekmakawók nahan watsapok ma'a tegma apwányam Jerusalén eñama sekyetlo ko'o Wese' egegkok Jesús.

SAN JUAN 20:2

Ketchágkakxók axta ekmeyákxo m'a aphakxa axta Simón Pedro, tén han ma'a pók apkeltámeso axta Jesús, cham'a apchásekhayókxa axta Jesús. Entahak axta eláneya s'e: —¡kéllekkek Wese' egegkok aphápak kañe' takhaxpop, magya'ásegkok negko'o kélpekkenwánxa!

SAN JUAN 19:26

Xama axta apwet'a Jesús egken enmeyncha'a xamo' ma'a apkeltámeso ektaha axta apchásekhayókxa, aptahak axta apcháneya egken se'e: —Cháxa étche xa.

SAN LUCAS 24:17

Aptahak axta apkelmaxneyeyncha'a Jesús se'e: —¿Yaksak kélxéna kéxegke kéltennakmo nak ámay? Apchaknágwokmek axta yetlo ellapwámeyak.