SAN JUAN 2:25 - Lengua Sur (Enxet) Nuevo Testamento

²⁵ Axta keyméxchek kóltennaksek Jesús apkeltémakxa xa énxet'ák nak, hakte apya'áseykegkoho apagko' etnehek ma'a ektémakxa nak elchetamso apwáxók énxet.

SAN JUAN 2:25 Referans Kwoze

SAN JUAN 13:11

Aptahak axta appeywa Jesús se'e: “Háwe eyke kélyókxoho kéláxñeyo”, hakte apya'ásegkok axta Jesús ma'a énxet apmáheyo axta etlakkasesek yának emakpok.

SAN MATEO 9:4

Apya'ásegkok axta eyke Jesús ektahakxa elchetamso apwáxók xa énxet'ák nak. Aptahak axta apkelmaxneyeyncha'a s'e: —¿Yaksak ektaha eyesagko nak kéxegke elchetamso kélwáxok?

SAN JUAN 6:64

Apyetneyk eyke makham kélnepyeseksa kéxegke apteme nak apya'áseyam xa. Nano' axta apya'áseykegkoho Jesús ma'a énxet'ák ektaha axta apkelya'áseyam, nano' axta anhan apya'áseyak ma'a énxet apmáheyo axta etlakkasesek yának emakpok Jesús.

SAN JUAN 6:61

Apyekpelchágwokmek axta Jesús apkelpakmétencha'a énxet'ák judíos megkalcha apwáxók ma'a aptahakxa axta appeywa. Aptahak axta Jesús apkelmaxneyeyncha'a s'e: —¿Yagkalchak kélwáxok kéxegke kélleg'a sektahakxa nak sekpeywa?

SAN JUAN 1:42

Keñe axta Andrés apyentamákxo Simón ma'a aphakxa axta Jesús; xama axta apwet'a Jesús ma'a Simón, aptahak axta apcháneya s'e: —Xép Simón, Juan apketche, eltamhakpok sat xép Cefas (nenteme nak nempeywa Pedro).

SAN JUAN 1:47

Xama axta apwet'a Jesús apxegakmo Natanael, aptahak axta appakmeta s'e: —Cháxa apxegakmo aptaha nak nakso' Israel xa, melyexancháseykha anhan xama énxet enxoho.