SAN JUAN 2:24 - Lengua Sur (Enxet) Nuevo Testamento

²⁴ Axta eyke yeykawok Jesús xa énxet'ák nak, hakte apya'ásegkok axta apkeltémakxa apyókxoho nak.

SAN JUAN 2:24 Referans Kwoze

SAN JUAN 6:64

Apyetneyk eyke makham kélnepyeseksa kéxegke apteme nak apya'áseyam xa. Nano' axta apya'áseykegkoho Jesús ma'a énxet'ák ektaha axta apkelya'áseyam, nano' axta anhan apya'áseyak ma'a énxet apmáheyo axta etlakkasesek yának emakpok Jesús.

HEBREOS 4:13

Yawanchek keyxánegkesek Dios ekyókxoho aksok ektaha axta apkelané, yáxñakxoho nahan katnehek apweté ekyókxoho aksok ma'a Dios, cham'a peya nak óltennásekxohok nentémakxa axta.

LOS HECHOS 1:24

Aptahak axta aptamhágko nempeywa nelmaxnagko énxet'ák se'e: “Wese', Xép aptaha apya'áseykegkoho elchetamso egwáxok negyókxoho nak, henxekmos negko'o xama s'e apkánet nak, cham'a, ektahakxa enxoho apkelyéseykha exchep,

SAN MATEO 9:4

Apya'ásegkok axta eyke Jesús ektahakxa elchetamso apwáxók xa énxet'ák nak. Aptahak axta apkelmaxneyeyncha'a s'e: —¿Yaksak ektaha eyesagko nak kéxegke elchetamso kélwáxok?

SAN JUAN 16:30

Negya'ásegwokmek kaxwo' negko'o apya'ásegkoho exchep ekyókxoho aksok, negya'ásegwokmek nahan megkeymexko elmaxneyha xama énxet enxoho, cháxa keñamak magya'ásekmo nak negko'o apkeñama exchep ma'a Dios.

SAN JUAN 5:42

Ekyekpelchawók ko'o kéxegke, ekya'ásegkok nahan megkólásekha'awo m'a Dios.

SAN JUAN 21:17

Antanxo apkelmaxneyeykekxa axta entahak. Aptahak axta makham se'e: —Simón, Juan apketche, ¿eyásekhayoya exchep? Kelapwokmek axta Pedro hakte antanxo axta entahak apkelmaxneyeykekxoho nakso' kexaha apchásekhayo. Aptahak axta apchátegmowágko Pedro s'e: —Wese', apya'ásegkok xép xa ekyókxoho nak: apya'ásegkok xép seyásekhayo ko'o. Aptahak axta apcháneya Jesús se'e: —Eltakmelches seknaktóso nekkések.

SAN MARCOS 2:8

Ñohok axta eyke apyekpelcha Jesús ektahakxa elchetamso apwáxók xa énxet'ák nak. Aptahak axta apkelmaxneyeyncha'a s'e: —¿Yaksak ektaha ektaha nak elchetamso kélwáxok xa?

SAN JUAN 6:15

Apyekpelchék axta Jesús peya emakpok yakwayam kóltemésesek wese' apwányam, keñe axta apxegákxo makham apkenátweykxo m'a néten egkexe yakwayam exnók apxakko' ma'a.

SAN JUAN 1:42

Keñe axta Andrés apyentamákxo Simón ma'a aphakxa axta Jesús; xama axta apwet'a Jesús ma'a Simón, aptahak axta apcháneya s'e: —Xép Simón, Juan apketche, eltamhakpok sat xép Cefas (nenteme nak nempeywa Pedro).

LOS HECHOS 15:8

Apxekmósek axta Dios ekleyawo apwáxok xa énxet'ák nak, cham'a Dios aptaha nak apya'áseykegkoho elchetamso egwáxok, hakte apkelmeyásegkek axta Espíritu Santo xa énxet'ák nak ekhawo sentemésesamakxa nak han negko'o xa.

SAN JUAN 4:16

Aptahak axta apcháneya Jesús kelán'a s'e: —Kaltennásekxa atáwa, keñe sat keyxyók makham se'e.