SAN JUAN 2:11 - Lengua Sur (Enxet) Nuevo Testamento

¹¹ Cháxa apkelana axta Jesús émha amonye aksok sempelakkaso agweta' tegma apwányam Caná yókxexma Galilea xa, cham'a apxekmósa axta anhan ektémakxa apcheymákpoho, axta anhan elya'ásekmok apkeltámeséyak.

SAN JUAN 2:11 Referans Kwoze

SAN JUAN 1:14

Enxet apagko' axta aptamheykekxak ma'a ektaha nak Appeywa, aphegkek axta nahan negyeseksa, negwet'ak axta anhan negko'o ektémakxa apcheymákpoho. Cháxa apcheymákpoho apmésa axta Apyap eñama apteme wánxa xama Apketche xa. Láneyok axta apwáxok segásekhayo tén han ma'a ekmámnaksoho nak.

SAN JUAN 3:2

Yáktések axta aptaha meyk'a Nicodemo Jesús. Aptahak axta apcháneya s'e: —Sẽlxekmóso, negya'ásegkok negko'o aptaha exchep Dios apcháphaso yakwayam hẽlxekmósak negko'o, hakte méko kawának kalának ma'a aksok sempelakkaso agweta' apkelana nak xép, cham'a metnaha enxoho apxegexma Dios.

SAN JUAN 6:2

Apxámok axta énxet apyetleykekxa Jesús ma'a, hakte apkelwet'ak axta apkelana aksok sempelakkaso nak agweta', cham'a apkeltakmelchesekmo axta apkelháxamap.

SAN JUAN 6:30

Aptahak axta énxet'ák apkelmaxneyeyncha'a Jesús se'e: —¿Yaksak aksok sempelakkaso agweta' apwanchek henxekmósek xép, yakwayam enxoho magya'asók negko'o negwet'a enxoho? ¿Háxko ektémakxa aptamheykha exchep?

SAN JUAN 6:26

Aptahak axta apkeláneya Jesús se'e: —Elchetamchek kéxegke, hakte kéltokagkek axta ekwokmoho kélyakkanakmo, háwe eñama kélya'áseyak ektémakxa m'a aksok sempelakkaso agweta' selana axta ko'o. Nakso' xa sektahakxa nak seláneya kéxegke.

SAN JUAN 6:14

Xama axta apkelwet'a énxet'ák aksok sempelakkaso agweta' apkelané Jesús, aptahak axta apkelpakmeta s'e: —Neykexa nakso' Dios appeywa aplegaso apxénamakpo nak ewa' náxop xa.

2 CORINTIOS 4:17

Kexyókók ektémakxa nak cha'a nenlegeykegkoho, ñohok nahan cha'a kamaskok. Wánxa agkok, hegmések sat eyke negeymáxkoho megkatnegwayam enéxa nápakto' Dios xa ektaha nak ekyawe agko', megkaxnawok ma'a nenlegeykegkoho nak.

SAN JUAN 14:13

Ekyókxoho aksok kélmaxnagko nak eñama ko'o sekwesey, alának sat ko'o, yakwayam enxoho kataxchek ektémakxa apcheymákpoho Dios eñama m'a Apketche.

SAN JUAN 12:41

Apxeyenmék axta Isaías xa, hakte apwetayak axta ektémakxa Jesús apcheymákpoho, apxeyenmék axta anhan Jesús apwesey.

SAN JUAN 12:37

Apkelanak axta eykhe cha'a Jesús aksok sempelakkaso agko' agweta' nápakta'awo' xa énxet'ák nak, apkelya'ásekmek axta eyke xa énxet'ák nak;

SAN JUAN 2:23

Apxámok axta énxet apteme mey'áseyam Jesús neyseksa apha axta Jerusalén ekhem kéltéma axta Pascua, cham'a apkelwet'a axta apkelana Jesús aksok sempelakkaso nak agweta'.

SAN JUAN 1:50

Aptahak axta apchátegmowágko Jesús se'e: —¿Wánxaya aksa aptaha mehey'áseyam xép ma'a sekxéna exchek sekwet'a kóneg higo yámet? Étak sat xép aksok ektakmela agko' megkaxnawo nak xa.

1 SAN JUAN 5:13

Kéxegke ektáxesásak se'e weykcha'áhak nak, kélteme nak megkólya'áseyam Dios Apketche, yakwayam enxoho kólya'asagkohok kéxegke ekyetna ekyennakte egnenyek megkatnegwayam enéxa nak.

SAN JUAN 4:46

Apwákxeyk axta makham Jesús ma'a nátegma Caná yókxexma Galilea, cham'a aptemesáseykxexa axta yegmen vino. Apheyk axta anhan xama apkemha apmonye wese' apwányam apchásenneykha m'a, apyetna axta apketche apháxamap ma'a tegma apwányam Capernaum.

SAN JUAN 5:23

yakwayam enxoho kaxhok kélteme kéláyo Dios Apketche m'a ekwánxa nak kélteme kéláyo ko'o Táta. Agkok kóltahak kéláyo Dios Apketche, megkóltahak nahan kéláyo m'a Táta aptaha axta seyáphaso ko'o.

2 CORINTIOS 4:6

Dios apagko' axta apkeltémo katyapok aksa elseyexma neyseksa ekyaktesóxma, axta anhan apkeltémo katyapok elseyexma egwáxok negko'o m'a Dios, yakwayam enxoho agya'ásegwomhok ektémakxa nak Dios apcheymákpoho elyenmasama nak nápát ma'a Jesucristo.

2 CORINTIOS 3:18

Negko'o ektaha nak meyke apáwa apchapma negát, neghawók ma'a ektémakxal'a nelanyantáxama, negmoma m'a ektémakxa nak apcheymákpoho Wese' egegkok, peyk nahan hẽlhésekxohok ma'a aptémakxa nak Cristo, hakte yáwegkek cha'a negko'o ekyetno m'a ektémakxa nak apcheymákpoho Wese' egegkok, Wese' egegkok nahan apkelané xa, aptaha nak han Espíritu.

SAN JUAN 11:15

Payhekxeyk nahan ko'o ewáxok maxna m'a, hakte cháxa yakwayam kapasmok kéxegke xa, yakwayam enxoho megkólya'asók. Anteyánegwakxohok sat eyke.

SAN JUAN 1:17

Moisés axta keñamak ekteyapma m'a segánamakxa, Cristo axta eyke keñamak segweyktámho negko'o m'a segásekhayo tén han ma'a ekmámnaksoho nak.

SAN JUAN 1:43

Mók ekhem axta entahak ekxéna apwáxok emhagkok Jesús ma'a yókxexma Galilea. Aptahaña'awók axta Felipe. Aptahak axta apcháneya s'e: —Hétlawha ko'o.

SAN JUAN 2:1

Antanxo ekhem axta entahak keñe axta elánéxko sẽlyamhopma m'a tegma apwányam Caná, yókxexma Galilea. Wokmek axta anhan Jesús egken ma'a.

SAN JUAN 4:3

Xama axta apleg'a amya'a Jesús, aptekkek axta yókxexma Judea apmahágko m'a yókxexma Galilea.

SAN JUAN 4:54

Cháxa ektaha axta ánet ekwetamaxche apkelané Jesús aksok sempelakkaso agweta' xa, cham'a apmeyánto axta makham Galilea apkenyekto m'a Judea.

SAN JUAN 7:31

Apxámok axta énxet apteme mey'áseyam Jesús. Aptahak axta nahan cha'a apkelpakmeta s'e: —¿Xámok enxoho sat eykel'a katnehek apkelané Mesías aksok sempelakkaso agweta' apwa'a enxoho, megkaxók sat kexaha ekwánxa nak apkelané xa énxet nak?

SAN JUAN 9:16

Aptahak axta apkelpakmeta nápakha fariseos se'e: —Enxet ektaha nak apkelané xa megkañamak Dios, hakte metnahak apcháyo ekhem nellókasamakxa nelyampé. Keñe axta anhan nápakha énxet aptaha apkelpakmeta s'e: —¿Háxko katnehek elának aksok sempelakkaso agweta' aptaha enxoho mey'asáxma? Cháxa ektahakxa axta apkexpáncháseykpo énxet'ák xa.

SAN JUAN 10:41

Apxámok axta énxet'ák apteyánegweykmoho Jesús. Aptahak axta anhan apkelpakmeta s'e: —Nakso' axta eykhe meláneya Juan aksok sempelakkaso nak agweta', nakso' eyke entemék ma'a ektémakxa axta apkeltenneykha Juan apxeyenma xa énxet nak.

SAN JUAN 11:47

Keñe axta apchánchesákxo énxet'ák fariseos tén han apkelámha apmonye'e appasmo apkelmaxnéseso Dios énxet'ák apagkok ma'a kelwese'e ekha nak kéláyo. Aptahak axta apkelpakmeta s'e: —¿Háxko sat antehek negko'o? Xámagkek apkelané aksok sempelakkaso agweta' ma'a énxet nak.

SAN JUAN 12:18

Ekeso eñamakxa apkelanyexágko axta Jesús xa énxet'ák nak, hakte apkelleg'ak axta amya'a ektahakxa apkelané Jesús aksok sempelakkasamo nak agweta'.

SAN JUAN 16:27

hakte apkelásekhayók kéxegke m'a Táta. Apkelásekhayók kéxegke Táta, hakte elásekha'awók ko'o kéxegke, megkólya'aseykmok nahan señama ko'o m'a Táta.

SAN JUAN 16:30

Negya'ásegwokmek kaxwo' negko'o apya'ásegkoho exchep ekyókxoho aksok, negya'ásegwokmek nahan megkeymexko elmaxneyha xama énxet enxoho, cháxa keñamak magya'ásekmo nak negko'o apkeñama exchep ma'a Dios.