SAN JUAN 19:36 - Lengua Sur (Enxet) Nuevo Testamento

³⁶ Temék axta ekyókxoho xa ektaha nak, yakwayam enxoho kasawhaxkohok katnehek ektémakxa nak eknaktáxésamaxche s'e: “Megkólekkexchesek sat apexchakkok xama enxoho.”

SAN JUAN 19:36 Referans Kwoze

SAN JUAN 19:28

Apya'ásegkok axta Jesús ekpenchásexko elánamáxche xa, yakwayam enxoho katnehek ma'a ektémakxa axta eknaktáxésamaxche weykcha'áhak, aptahak axta appakmétencha'a s'e: —Hem eyakhak ko'o.

SAN MATEO 1:22

Sawhomáxkók axta ektéma xa, yakwayam enxoho katnehek ma'a apxeyenma axta Wese' egegkok, eñama apxeyenma m'a énxet aptaha axta Dios appeywa aplegaso aptéma axta s'e:

SAN JUAN 19:24

Ekeso eñamakxa aptaha axta apkelpakhetcháseykpoho sẽlpextétamo s'e: —Mólyeptek sat, antawaksek sat xama aksok, ekwatnakxa sat kamok. Cháxa ektahakxa axta ektaha m'a ektémakxa nak eknaktáxésamaxche weykcha'áhak se'e: “Apkelyapetcháseykpek selnakta, keñe aptawásegko xama aksok yakwayam emok apáwa apwenakte m'a ektahakxa enxoho apchakhémo.” Cháxa apkelánegko axta sẽlpextétamo xa.

SAN JUAN 13:18

“Akke ko'o axénak kélyókxoho kéxegke, hakte ekya'ásegkok ko'o m'a ektaha nak selyéseykha. Megkatnehek nahan megkatné ektémakxa nak eknaktáxésamaxche s'e: ‘Etaknaweykxeyk ko'o énxet sektóko nak xamo' sekto.’