SAN JUAN 19:35 - Lengua Sur (Enxet) Nuevo Testamento

³⁵ Cháxa énxet ektaha axta apweteykegkoho xa, ektaha nak han apxeyenma xa, ekmámnaksoho nahan apxeyenma; apya'ásegkok nahan aptéma ekmámnaksoho appeywa, yakwayam enxoho kóltehek kéxegkáxa megkólya'áseyam.

SAN JUAN 19:35 Referans Kwoze

SAN JUAN 21:24

Cháxa Jesús apkeltámeso ektaha axta apxeyenma xa, ektaha axta anhan apchásekhayókxa Jesús, axta nahan aptáxéso m'a. Negya'ásegkok negko'o ektaha ekmámnaksoho aksok apxeyenma.

SAN JUAN 15:27

Kéxegke sat nahan kóltehek kélxeyenma sekwesey, hakte selxegexma'a axta ektemék kéxegke sekxo' agko' sekmoma sektamheykha.

1 SAN PEDRO 5:1

Emenyék ko'o agkések kaxwo' sekpeywa m'a énxet'ák apkelámha apmonye'e nak kélakneykekxexa kéxegke, ko'o sektaha nak han sémha emonye sekhawo xa énxet'ák nak, sektaha nak han sekweteykegkoho m'a ektémakxa axta aplegeykegkoho Cristo, hewatámhok sat nahan ko'o xa Cristo apcheymákpoho, cham'a peya nak hẽlxekmósho', ekhawo nak han xa énxet'ák nak.

ROMANOS 15:4

Naktáxesamaxchék axta yakwayam henxekmósek negko'o m'a ekyókxoho amya'a ekyetnama axta eknaktáxésamaxche nano' agko', yakwayam enxoho keytek negko'o nelhaxneykha eñama m'a magyenseyam tén han ekpayheykekxa egwáxok segméso nak eknaktáxésamaxche.

LOS HECHOS 10:39

Negko'o eyke nentaha negweteykegkoho ekyókxoho aksok apkelané axta Jesús ma'a yókxexma Judea, tén han ma'a tegma apwányam Jerusalén. Keñe axta apmatña, aksok ektegyéso axta kélyepetchásak.

SAN JUAN 20:31

Wánxa agkok, naktáxésamaxchek eyke weykcha'áhak xa yakwayam enxoho megkólya'asók kéxegke Jesús aptaha Mesías, aptaha nak Dios Apketche, yakwayam enxoho nahan kólwetak ekyennakte kélnenya'ák eñama Cristo, neyseksa kélteme megkólya'áseyam.

1 SAN JUAN 5:13

Kéxegke ektáxesásak se'e weykcha'áhak nak, kélteme nak megkólya'áseyam Dios Apketche, yakwayam enxoho kólya'asagkohok kéxegke ekyetna ekyennakte egnenyek megkatnegwayam enéxa nak.

SAN JUAN 19:26

Xama axta apwet'a Jesús egken enmeyncha'a xamo' ma'a apkeltámeso ektaha axta apchásekhayókxa, aptahak axta apcháneya egken se'e: —Cháxa étche xa.

SAN JUAN 14:29

Nano' axta seltennasa kéxegke amonye ekteme xa, yakwayam enxoho megkólya'asemek, ektaha sat xa.

SAN JUAN 11:42

Ekya'ásegkok ko'o yeyxhok cha'a exchep selmaxnagko, ektemék eyke ko'o seyáneya exchep nápakta'awo' énxet apheyncha'a nak se'e, yakwayam enxoho kapasmok, yakwayam enxoho nahan mehey'ásemek aptaha exchep seyáphaso.

SAN JUAN 11:15

Payhekxeyk nahan ko'o ewáxok maxna m'a, hakte cháxa yakwayam kapasmok kéxegke xa, yakwayam enxoho megkólya'asók. Anteyánegwakxohok sat eyke.

3 SAN JUAN 1:12

Apyókxoho énxet'ák cha'a takmelak apxeyenma Demetrio, ekmámnaksoho aptémakxa nahan keñamak ekwetamaxche aptaha ektakmela aptémakxa. Nenxénchek nahan cha'a negko'o xa aptaha ektakmela aptémakxa Demetrio. Apya'ásegkok nahan xép ekmámnaksoho cha'a nentémakxa negko'o nempeywa.