SAN JUAN 19:34 - Lengua Sur (Enxet) Nuevo Testamento

³⁴ Xama sẽlpextétamo axta eyke apkelyetxakkásak nápakha sawhéwa Jesús, ñohok axta ektepa éma tén han yegmen.

SAN JUAN 19:34 Referans Kwoze

1 SAN JUAN 5:6

Apwa'ak axta Jesucristo yetlo yegmen, magkenatcheso kélyakpásesama yegmen, tén han yetlo éma magkenatcheso m'a apketsapma axta; háwe axta ekwánxa agkok yegmen, yegmen yetlo éma axta eyke anhan. Espíritu nahan apxeyenma ektaha nakso' xa, apmámnaksoho nahan xa Espíritu nak.

1 SAN JUAN 5:8

Espíritu, yegmen, tén han ma'a éma; hawók nahan mók ekxeyenma xa antanxo nak.

APOCALIPSIS 7:14

“Wese', xép apya'ásegko'”, axta ektahak seyátegmowágko ko'o. Keñe axta aptaha seyáneya s'e: “Cháxa énxet'ák ektaha axta apkelyeykhé ekyawe apkellegeykegkoho xa, apkelyenyések axta apkelántaxno Nekkések Apketkok éma apagkok xa, kelmopeyásekxók axta anhan.

EFESIOS 5:26

Apkelanak axta Cristo xa yakwayam enxoho etnésesek apkelpagkanamap ma'a ektaha nak Dios énxet'ák apagkok, aptemésesek axta anhan meyke ekyepetche xama aksok ekmanyása eñama m'a appeywa nak, tén han eñama m'a apkelyenyeso axta neygmen,

APOCALIPSIS 1:5

tén han eleñama m'a Jesucristo, aptaha nak ekmámnaksoho agko' apxeyenma aptémakxa Dios, aptaha axta nahan apmonye apxátekhágwayam nepyeseksa apkeletsapma axta, aptaha nak han ekha kélyaheykekxoho nepyeseksa kelwese'e apkelwányam nak keso náxop. Egásekhayok negko'o Cristo, egmasésesek axta nahan mólya'asáxma, cham'a apyegkena axta éma apagkok,

1 SAN PEDRO 3:21

Yakpasama yegmen axta ekyetchásamáxkoho xa yegmen ekyawe nak, cham'a sẽlwagkasama nak teyp negko'o. Háwe yakwayam kaxñásekxak negyókxa xa yakpasama yegmen nak, wánxa aksa yakwayam hegwetaksek ma'a meyke ektahakxa egwáxok nak nápakto' Dios; ẽlwagkasek nahan negko'o teyp xa yakpasama yegmen nak eñama m'a apxátekhágwayam axta Jesucristo,

HEBREOS 9:22

Xegkesamók axta kasawhaxkohok ekyókxoho aksok kélaxñáseykekxa cha'a eñama m'a kélexpakhé nak éma, ekhawo ektémakxa nak ekxeyenma segánamakxa; kólyakmagkásekxohok cha'a nentémakxa mólya'asáxma megkayegkenáxko enxoho éma;

HEBREOS 9:13

Nakso' eykhe eyewagko katnésesek apkelpagkanamap énxet'ák ma'a weyke kennawók éma agkok nak, tén han ma'a yát'ay apketkok éma apagkok nak, tén han ma'a weyke étkok tahap agkok ekwatnamáxchel'a néten meteymog ekwatnamáxchexal'a aksok kélnaktóso ektekyawa, cháxa kélexpakheykegkohol'a énxet'ák ekmanyása nak apkeltémakxa xa, wánxa eyke aksa katnésesek eyáxñeyo so egyempoho nak.

TITO 2:14

Apmeyásamakpók axta apagko' yakwayam emátog, negko'o eñamakxa, yakwayam enxoho hẽlwagkasek teyp neyseksa ekyókxoho nentémakxa ekmaso nak, tén han hentemésesek ektakmela nentémakxa, yakwayam enxoho nahan antehek énxet'ák apagkok, tén han agámenyéhok anlának ma'a aksok eltakmela nak.

1 CORINTIOS 6:11

Cháxa apkeláneykegko axta nápakha énxet'ák apkeleñama kélnepyeseksa kéxegke xa, wánxa agkok, kéltemésesegkek eyke kaxwo' kéláxñeyo kéxegke, kéltemésesegkek nahan kéxegke Dios apkelpagkanma, kéltemésesegkek nahan kélpéwomo eñama apwesey m'a Jesucristo Wese' egegkok tén han eñama m'a Espíritu apkeñama nak Dios egagkok.

1 CORINTIOS 1:30

Dios axta apyepetcháseykekxa kéxegke Cristo Jesús, aptemésesek axta anhan Cristo yakwayam etnehek segya'asásegwayam, tén han aptemésesama yakwayam etnehek sẽlteméseso nelpéwomo negko'o, keñe nahan antehek nempagkanchásamáxche Dios, tén han sẽlchexakkasama m'a nelsexnánémaxche axta eñama m'a segyanmaga axta.

SAN MATEO 27:62

Mók ekhem axta entahak, cham'a ekhem sábado, apkellókasamakxal'a apkelyampé énxet'ák judíos, apkelmeyákxeyk axta aphakxa Pilato énxet'ák apkelámha apmonye'e nak appasmo apkelmaxnéseso Dios énxet'ák apagkok, tén han ma'a fariseos.

LOS HECHOS 22:16

Ná exnekxoho kaxwo' xép. Etnamha, etegye yakpasama yegmen, yáxñásekxoho xa aptémakxa nak mey'asáxma, ewónmakha Wese' egegkok apwesey.’

SAN JUAN 19:33

Xama axta apkelyepetchegwokmoho nahan Jesús xa sẽlpextétamo nak, apwet'ak axta apketsapa. Ekeso eñamakxa megkólekkexchesa axta apyay'ák Jesús.

SAN JUAN 20:20

Xama axta aptaha appeywa xa, keñe axta apxekmósa apmék, tén han ma'a nápakha. Kelpayheykxeyk axta apwáxók apkeltámeséyak apwetákxo Wese' egegkok.