SAN JUAN 19:30 - Lengua Sur (Enxet) Nuevo Testamento

³⁰ Apyenchek axta Jesús xa anmen ekmanyása nak, aptahak axta appakmétencha'a s'e: —Penchásexchek elánamáxche. Keñe axta ekwéweynto apkátek apketsapa.

SAN JUAN 19:30 Referans Kwoze

SAN JUAN 17:4

“Ekxekmósek axta ko'o ektémakxa aptakmalma exchep keso náxop, hakte eksawhawók axta ko'o selana sektamheykha apkeltamho axta alána' xép.

HEBREOS 12:2

Anlanok hana wánxa m'a Jesús, hakte cha'a keñamak magya'áseyam nak negko'o m'a, Jesús nahan apteme apteméseso ektakmela m'a magya'áseyam nak negko'o. Aplegágkók axta Jesús néten aksok ektegyéso, axta yenmexmók Jesús ma'a nétsapma segmegkasamo nak, hakte apya'ásegkok axta peya étak ekpayheykekxa apwáxok natámen aplegeykegkoho apketsapma; aphákxeyk axta anhan ma'a ekpayhókxa nak nelya'asamakxa nekha Dios aptaháno.

SAN JUAN 10:11

Ko'o sekteme keláneykha nekkések aptakmalma. Keláneykha nekkések aptakmalma m'a megyeye nak yetsapok eñama apkeltakmelcheso nekkések;

SAN LUCAS 23:46

Aptahak axta Jesús apyennaktésawo appeywa s'e: —¡Táta, eltamhok ko'o emok xép ehagak! Xama axta aptaha appeywa xa, keñe axta apketsapa.

ROMANOS 10:4

Cristo apteme ektemegwánxa néxa segánamakxa, yakwayam enxoho kóltemésesek apkelpéwomo apyókxoho énxet apteme nak melya'áseyam.

SAN JUAN 19:28

Apya'ásegkok axta Jesús ekpenchásexko elánamáxche xa, yakwayam enxoho katnehek ma'a ektémakxa axta eknaktáxésamaxche weykcha'áhak, aptahak axta appakmétencha'a s'e: —Hem eyakhak ko'o.

SAN MARCOS 15:37

Xama ekpayheykha apátog ekyennakte agko' axta aptahak Jesús, keñe axta apketsapa.

SAN JUAN 10:18

Méko kawának hémentók ko'o ektémakxa nak sekyennakte, seyhayo ahagko' eyke amátog eñama sekmámenyého ahagko'. Payhawók ko'o wohok amátog, payhawók nahan amekxak makham sekyennakte. Cháxa apkeltémo axta alának ko'o Táta xa.”

SAN JUAN 4:34

Aptahak axta apchátegmowágko Jesús se'e: —Neykhe ko'o sekto m'a selané nak cha'a apmopmenyého m'a aptaha nak seyáphaso ko'o, tén han apencheshok alának ma'a ektémakxa nak aptamheykha apkeltémo axta alána'.

SAN MATEO 20:28

Hakte hawók aptémakxa m'a aptaha nak Apketche énxet, axta eweyk yakwayam yának kólpasmok, wánxa aksa apwaya yakwayam epasmok énxet, tén han ényók apyennakte yakwayam exámhok énxet apkelwagkaso teyp.

SAN MATEO 27:50

Apyennaktések axta makham appeywa Jesús keñe axta apketsapa.

HEBREOS 9:22

Xegkesamók axta kasawhaxkohok ekyókxoho aksok kélaxñáseykekxa cha'a eñama m'a kélexpakhé nak éma, ekhawo ektémakxa nak ekxeyenma segánamakxa; kólyakmagkásekxohok cha'a nentémakxa mólya'asáxma megkayegkenáxko enxoho éma;

ROMANOS 3:25

Aptemésesek axta Dios Cristo yakwayam etnehek apmaseso mólya'asáxma, cham'a apyegkena axta éma apagkok, hegwetaksohok cha'a megkólyakmagkáseykekxa nentémakxa mólya'asáxma xa, eñama m'a magya'áseyam nak. Enxekmósek axta Dios ektaha ekpéwomo aptémakxa, cham'a apkelana axta xa, metnésesamók axta cha'axma Dios énxet'ák apkeláneyak melya'asáxma nano' axta,

SAN MATEO 3:15

Aptahak axta apchátegmowágko Jesús se'e: —Etne xa seltamhókxa nak etnehek, hakte payhawók anlának ekyókxoho m'a ekpéwo nak anlának nápakto' Dios. Keñe axta apkelyahákxoho Juan.

1 CORINTIOS 5:7

Kólchexa' kéxegke xa kempáseyak apák eknaktawáseykencha'a nak, yakwayam enxoho kólxohok kéxegke m'a pan kaxwé kélyelaktesól'a. Kélhawók kéxegke m'a pan meyke kempáseyak aptamákpohol'a ekhem mólwagkayam Pascua. Hakte apmatñegkek axta Cristo negko'o segyanmaga, aptaha nak Nekkések Apketkok kélpagkancheso ekhem mólwagkayam nak Pascua.

SAN LUCAS 22:37

Eltennásek kéxegke peya hetnehek ko'o ektémakxa nak eknaktáxésamaxche s'e: ‘Máxa énxet ekmaso aptémakxa axta kéltemésesók nepyeseksa m'a énxet'ák elmasagcha'a nak apkeltémakxa.’ Hetnehek sat ko'o m'a ekyókxoho ektémakxa nak eknaktáxésamaxche sexeyenma ko'o.