SAN JUAN 19:11 - Lengua Sur (Enxet) Nuevo Testamento

¹¹ Aptahak axta apchátegmowágko Jesús se'e: —Axta agkok egkeyásak xép Dios apmopwána hetnésesek ko'o xa, mopwanchek axta exchep hetnésesek apmokókxa enxoho hetnésesek; ékeso eñamakxa ekyawa nak mey'asáxma m'a aptaha axta apkenagko amaxchek ko'o, megkaxnawok mey'asáxma exchep.

SAN JUAN 19:11 Referans Kwoze

ROMANOS 13:1

Negyókxoho cha'a kéméxchek antehek negáyo m'a wese' apchásenneykha apkeláneykha yókxexma nak. Hakte apyókxoho kelwese'e apkeláneykha apchókxa apkeleñamak m'a Dios, Dios axta appekkenma xa kelwese'e nak.

SAN JUAN 3:27

Aptahak axta Juan apkeláneya s'e: —Megkeytek negko'o xama aksok mehegmésa enxoho Dios.

LOS HECHOS 2:23

Kélakhak axta kéxegke xa énxet nak, kélyepetchesek axta aksok ektegyéso eñama apyepetcheso m'a énxet'ák elmasagcha'a nak apkeltémakxa, ekhawo m'a ektémakxa axta apkeláneykekxa Dios yakwayam elána', cham'a apmákpo axta.

LOS HECHOS 3:13

Apmések axta ekyawe apcheymákpoho meyke ekhémo xama apchásenneykha apwesey Jesús ma'a Abraham Dios apagkok, tén han Dios apagkok ma'a Isaac, tén han ma'a Jacob ektaha nak han ẽlyepmeyk nano' negko'o, cham'a kélmésa axta kéxegke énxet ekyawe nak kéláyo, cham'a apmáheyo axta eykhe ényekxak Pilato, keñe axta kéxegke megkól'awo.

SAN JUAN 7:30

Keñe axta peya eykhe emakpok Jesús, méko axta eyke ekpaknegwokmoho, hakte axta kawokmok makham ekhem apagkok.

SANTIAGO 1:17

Ekyókxoho aksok eltakmela tén han ma'a elpéwomo nenxawáya nak negko'o keleñamak ma'a néten, keleñamak ma'a aphamakxa nak Dios aptaha axta apkelané ekyókxoho aksok elsasóxma nak ma'a néten, meyakmagkasemek aptémakxa nak Dios, megkaxnawok ma'a ektémakxal'a ekyakmagkáseyak ekyetnamakxa pesese.

SAN MATEO 6:13

Nágyoho aksa hegáhapwak negko'o segyekkónma, wánxa agkok, hegeys negko'o m'a kelyekhama'.’

SANTIAGO 4:17

Negko'o ektahakxa enxoho negya'áseykegkoho nenlané aksok ektakmela, keñe manlanye', nenlanak mólya'asáxma nentaha enxoho xa.”

ROMANOS 11:36

Hakte ekyókxoho aksok keleñamak ma'a Dios, Dios nahan keñamak elánteyapma xa, yakwayam enxoho nahan kaltemésesek apcheymákpoho. ¡Apcheymákpoho sat cha'a kóltemésesek Dios! ¡Katnahagkok sat!

LOS HECHOS 4:28

Cháxa ektahakxa axta apsawhawo apkelánegko énxet'ák ma'a ektémakxa axta exchep apkeláneykekxa yakweykenxa katnehek.

SAN MATEO 27:2

Kélnaktetchesek axta apmék Jesús kélyentama aphakxa Pilato, aptaha axta wese' Roma apchásenneykha apkeláneykha yókxexma.

SAN MARCOS 14:44

Nano' axta apkeltennasa Judas énxet'ák yakwánxa etnehek, yakwayam enxoho elya'asagkohok apkelxegexma'a aptémakxa Jesús. Aptahak axta apkeláneya s'e: “Enxet sekpetsesakxa enxoho ko'o, cha'a Jesús ma'a; kólma sat, kóltakmelchesho sat kélyentameykekxa.”

SAN JUAN 18:3

Apwokmek axta Judas yetlo apkelxegexma'a sẽlpextétamo m'a, axta anhan nápakha m'a ektaha nak aptakmelcheso tegma appagkanamap, ektaha axta apkeláphaso m'a apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák fariseos. Yetlo apkelmeykha axta apkelwokmok ma'a, chálewaso axta anhan apkelmeykha, tén han ma'a yámet eyálewomol'a naw'a.

SAN JUAN 9:41

Aptahak axta apchátegmowágko Jesús se'e: —Meyke kélakta'ák axta agkok kéxegke, megkólsexnánexchek axta eñama kéllané megkólya'asáxma. Wánxa agkok, kélxénchek eyke kéxegke kélteme ekha kélakta'ák, cháxa keñamak kéltaha nak kélsexnánémaxche kéxegke xa.

SAN LUCAS 22:53

Yókxoho ekhem axta cha'a sekha xamo' kéxegke kañe' tegma appagkanamap, axta anhan helpaknegweykmohok xama enxoho. Wokmek eyke kaxwo' ekhem kélagkok kéxegke eñama ekmowána m'a ekyaktesakxaxma nak.

SAN MATEO 26:65

Keñe axta apkelyepta aptaxno m'a énxet aptaha axta apkemha apmonye appasmo apkelmaxnéseso Dios énxet'ák apagkok magkenatcheso megkalcha apwáxok ma'a aptahakxa axta appeywa Jesús. Aptahak axta appakmeta s'e: —¡Enmexma Dios aptahakxa nak appeywa xa énxet nak! Megkeyméxchek kaxwo' antegyekxohok énxet ektaha apya'áseykegkoho aptémakxa. Kélleg'ak kéxegke aptahakxa nak appeywa enmexéncha'a Dios;

SAN JUAN 18:13

Anás apxagkok axta sekxo' kélyentamákxak, hakte Caifás axta apepyáta m'a Anás, cham'a Caifás aptaha axta apkemha apmonye appasmo apkelmaxnéseso Dios énxet'ák apagkok ma'a yeyam axta.

SAN JUAN 19:10

Aptahak axta Pilato apcháneya Jesús se'e: —¿Ya emokók heyátegmowagkok? ¿Ya ey'ásegkok sepayhawo ko'o wának kólyepetchesek aksok ektegyéso tén han sepayhawo eynyekxak xép?