SAN JUAN 18:20 - Lengua Sur (Enxet) Nuevo Testamento

²⁰ Aptahak axta apchátegmowágko Jesús se'e: —Eltenneykha axta cha'a ko'o nápakta'awo' énxet'ák; Alxekmóshok axta anhan cha'a énxet'ák ma'a kañe' apchakneykekxexa nak énxet'ák judíos, tén han ma'a kañe' tegma appagkanamap, cham'a apchakneykekxexa nak cha'a apkelánamákpoho judíos; meyxamaxkohok cha'a ko'o sektémakxa nak cha'a sekpeywa.

SAN JUAN 18:20 Referans Kwoze

SAN JUAN 7:26

Cháxa, méxakpoho apkeltennasa énxet'ák. Méko nahan eyátegmowágko. ¿Enxeykel'a ey'ásekmok kelwese'e egagkok aptaha nakso' Mesías xa énxet nak?

SAN MATEO 4:23

Apsawhekxók axta apweynchámeykha Jesús ma'a yókxexma Galilea, elxekmóshok axta cha'a énxet'ák apchakneykekxexa judíos ekyókxoho yókxexma. Eltennaha axta cha'a tásek amya'a ekxeyenma m'a aptémakxa nak Wese' apwányam Dios, eltakmelchesamhok axta cha'a énxet ekxámokxoho ektémakxa nak apkelháxamap, tén han ma'a ekyókxoho ektémakxa nak apkellegeykegkoho ekmáske.

SAN LUCAS 21:37

Yókxoho ekhem axta cha'a etnehek apkelxekmóso Jesús énxet'ák ma'a kañe' tegma appagkanamap, keñe ekyaktésa enxoho exnakxak ma'a néten egkexe ekwesey nak Olivos.

SAN JUAN 7:4

Apmenyék agkok etnehek énxet kélyekpelchémo, méxakpók elának aksok. Elának nahan nápakta'awo' énxet'ák xa aksok apkelana nak, hakte apkelanak xép xa ektéma nak.

SAN LUCAS 4:15

Elxekmóshok axta cha'a énxet Jesús kañe' apchakneykekxexa énxet'ák judíos ekyókxoho yókxexma apwánxa enxoho, tásek axta anhan cha'a katnehek apxeyenma énxet'ák.

SAN MATEO 26:55

Yetlókók axta apteme apkelmaxneyeykha Jesús énxet'ák se'e: —¿Yaksak ektaha kélsokmoho nak kéxegke sókwenakte tén han yámet selya'awa yakwayam helmok máxa énxet ekmaso aptémakxa eltemesásak? Yókxoho ekhem axta ko'o selxekmóso énxet kañe' tegma appagkanamap, axta nahan helmák kéxegke.

SAN MATEO 9:35

Apweynchámeyha axta Jesús ekyókxoho nepyeseksa tegma apwányam, tén han ekyókxoho nátegma, apkelxekmósegkek axta cha'a énxet'ák kañe' apchakneykekxexa énxet'ák judíos ekyókxoho yókxexma. Aplegasegkek axta anhan amya'a ektakmela ekxeyenma nak ma'a aptémakxa nak Wese' apwányam Dios, apmasésegkek axta anhan ma'a ekyókxoho ektémakxa nak negháxamáxche, tén han ma'a nenlegeykegkoho ekmáske nak.

SAN JUAN 8:26

Xámok eykhe yakwayam altennásekxohok kéltémakxa kéxegke, xámok eykhe nahan yakwayam alsexnenak kéxegke. Ekmámnaksoho eyke aksok apxeyenma m'a aptaha axta seyáphaso ko'o, altennaksohok cha'a ko'o énxet'ák apheykha náxop ma'a seklegaya nak cha'a aptémakxa appeywa m'a aptaha axta seyáphaso ko'o.

SAN JUAN 8:2

mók ekhem axta entahak, keñe axta apmeyákxo Jesús axto'o agko' ma'a tegma appagkanamap. Apya'aweykteyk axta énxet'ák, keñe axta apha Jesús yakwayam elxekmósek xa énxet'ák nak.

SAN JUAN 7:28

Xama axta apleg'a Jesús xa, aptahak axta apyennaktésawo appeywa neyseksa apkelxekmóso énxet'ák kañe' tegma appagkanamap se'e: —Elyekpelchawók neyke kéxegke, kélya'ásegkok neyke anhan señamakxa. Háwe axta ko'o sekxegayam ahagko', ekxegakmek axta ko'o aptaha seyáphaso m'a ekpayhawo nak kóltehek kéláyo, cham'a megkólya'ásegko nak kéxegke.

SAN JUAN 7:14

Aptaxnegwokmek axta Jesús tegma appagkanamap neyseksa apchakneykekxa énxet. Apkelxekmósek axta énxet'ák ma'a.

SAN MATEO 26:65

Keñe axta apkelyepta aptaxno m'a énxet aptaha axta apkemha apmonye appasmo apkelmaxnéseso Dios énxet'ák apagkok magkenatcheso megkalcha apwáxok ma'a aptahakxa axta appeywa Jesús. Aptahak axta appakmeta s'e: —¡Enmexma Dios aptahakxa nak appeywa xa énxet nak! Megkeyméxchek kaxwo' antegyekxohok énxet ektaha apya'áseykegkoho aptémakxa. Kélleg'ak kéxegke aptahakxa nak appeywa enmexéncha'a Dios;

LOS HECHOS 26:26

Cháxa apha wese' Agripa xa, aptaha nak apya'áseykegkoho ektakmela xa sekxéna nak ko'o, ékeso eñamakxa magweysákxo nak sekxéna nápakto' xa; hakte nakso' ko'o ektemesásak apya'ásegkoho nahan wese' Agripa ekyókxoho xa sekxéna exchek, hakte megkatnek ekpowásamáxkoho ekteyapma xa aksok nak.

SAN MATEO 24:26

Temék agkok amya'a kéláneyáxko kéxegke s'e: ‘Kóllano, apheyk Mesías á yókxexma meykexa énxet’, nágkólmohok aksa; temék agkok nahan amya'a kéláneyáxko s'e: ‘Kóllano, keso apyexanma Mesías se'e’, nágkóleyxho aksa.

SAN MARCOS 8:32

Aptakmelchásók axta apkeltennaso xa. Keñe axta Pedro apyentama Jesús mók nekha, appakhetchesekmek axta anhan.

SAN JUAN 6:59

Cháxa apkelxekmósa axta Jesús apchakneykekxexa énxet'ák judíos tegma apwányam Capernaum xa.

SAN JUAN 18:21

¿Yaksak ektaha selmaxneyeyncha'a nak ko'o? Elmaxneyha m'a ektaha axta apkellegé sekpeywa ko'o, eltennaksek sat énxet'ák sektémakxa axta cha'a ko'o selanagkama. Apkelya'ásegkok énxet'ák sektémakxa axta cha'a sekpeywa ko'o.