SAN JUAN 17:9 - Lengua Sur (Enxet) Nuevo Testamento

⁹ “Elmaxnakkek ko'o exchep seltamho epasmok xa énxet'ák nak, malmaxnesásak ko'o seltamho epasmok ma'a énxet'ák apkelyetleykekxa nak ektémakxa keso náxop, akke elmaxnesásak ko'o m'a énxet'ák segkéso axta exchep, hakte xép énxet'ák apagkok xa énxet'ák nak.

SAN JUAN 17:9 Referans Kwoze

HEBREOS 9:24

Hakte axta etaxnegwákxak Cristo m'a tegma appagkanamap énxetla'a apkelané, cham'a kélheyáseykegkoho nak ma'a tegma appagkanamap apmámnaksoho nak, axta eyke aptaxnegwákxak ma'a néten ekpagkanamaxchexa nak, cham'a aphákxexa nak kaxwo' nápakto' Dios yakwayam hẽlmaxnésesek negko'o yának hempasmok Dios.

SAN JUAN 17:2

Hakte apmések axta exchep Apketche yakwayam etnehek meyke ekhémo nepyeseksa énxet'ák keso náxop, yakwayam enxoho elmésagkok elyennakte apnenya'ák ma'a apyókxoho énxet ektaha axta apméso exchep Apketche yakwayam eltakmelchesek.

SAN JUAN 17:6

“Elya'asásegwokmek ko'o aptémakxa exchep ma'a énxet'ák apkelyéseyncha'a axta exchep keso náxop, cham'a segkésa axta. Xép axta énxet'ák apagkok xa énxet'ák nak, egkések axta eyke ko'o exchep, apkelyahákxók axta nahan xép appeywa.

SAN JUAN 17:20

“Malmaxnesásak ko'o wánxa xa énxet'ák nak, akke elmaxnesásak nahan ma'a peya nak han etnahagkok mehey'áseyam ko'o, cham'a apkelleg'a enxoho apkeltenneykha xa énxet'ák nak.

SAN LUCAS 22:32

wánxa agkok elmaxnésesek axta eyke ko'o exchep yakwayam enxoho meyensemek apteme mey'áseyam. Ey'áweyktek sat agkok makham xép, epásem sat apnámokkok yakwayam enxoho elenxanmohok apkelyennaktésamo apteme melya'áseyam.

1 SAN JUAN 5:19

Negya'ásegkok negko'o nentaha Dios énxet'ák apagkok, negya'ásegkok nahan eláneykencha'a kelyekhama' ekyókxoho keso náxop.

SAN JUAN 14:16

Wának sat ko'o yáphásesek kéxegke Táta pók Apmasma aptaha nak Espíritu apmámnaksoho, yakwayam enxoho cha'a exek kélnepyeseksa kéxegke. Enxet'ák ektaha nak apkeleñamakxa apagko' keso náxop mopwanchek exkak xa Espíritu nak, hakte metyehe', mékpelchehek nahan. Kéxegke eyke kélya'ásegkok, hakte apheyk kélnepyeseksa, exek sat nahan cha'a kélwáxok.

APOCALIPSIS 20:15

cham'a kélchexeykxa axta nahan énxet'ák megkaxneykegko nak apkelwesey m'a weykcha'áhak eknaktáxésamaxchexa nak apkelwesey énxet'ák peya nak elxawagkok ekyennakte apnenya'ák.

APOCALIPSIS 13:8

Apyókxoho énxet'ák apheykha náxop sat nahan elpeykeshok xa, cham'a megkanaktáxesamaxko nak apkelwesey m'a weykcha'áhak ekyennaktésamo nak egnenyek, eyeynamókxa m'a sekxo' axta elánamáxko keso náxop, cham'a weykcha'áhak ektaha nak apagkok ma'a Nekkések Apketkok apmatñama axta.

HEBREOS 7:25

Ekeso eñamakxa apkepwagko nak Jesús elwagkasek teyp megkatnegwayam enéxa m'a énxet'ák apkelya'eykekxa nak Dios eñama m'a Jesús, hakte apheyk makham ma'a yakwayam enxoho yának epasmok Dios xa énxet'ák nak.

APOCALIPSIS 12:9

Kéltekkesek axta yéwa ekwányam ma'a néten, cham'a nano' yéwa eltamhomaxko nak kelyekhama', ekwesey nak Satanás, cham'a elyexancháseykencha'a nak cha'a apyókxoho énxet'ák keso náxop. Kélyenyenteyk axta yéwa ekwányam keso náxop yetlo elásenneykha.

SAN LUCAS 8:34

Xama axta apkelwet'a énxet'ák ektaha axta apkeltakmelcheso yátapomap, apkenyahágkek axta apkelmeyákxo apkeltennágweykxo m'a nátegma, tén han ma'a nepyáwa tegma apwányam.

SAN LUCAS 23:34

Aptahak axta Jesús se'e: —Táta, ná eyakmagkásekxa apkeltémakxa xa énxet'ák nak, hakte melya'ásegkok xa aksok apkelánégko nak. Xama aksok axta aptawásegkok sẽlpextétamo yakwayam enxoho katakmelhok apmelassamap Jesús aptaxno.

SAN JUAN 6:37

Apyókxoho énxet ektaha nak segkéso ko'o Táta hey'ótak cha'a ko'o, matakheksók sat nahan ko'o m'a énxet ektahakxa enxoho sey'eykekta'.

SAN JUAN 6:39

Mopmenyék ko'o axñánegkesek xama énxet ektaha axta segkéso m'a aptaha axta seyáphaso, wánxa aksa apkepmenyého axátekhásók ma'a ekwokmo sat néxa ekhem.