SAN JUAN 17:25 - Lengua Sur (Enxet) Nuevo Testamento

²⁵ Xép Táta appéwomo, melya'ásegkok énxet'ák apheykha náxop aptémakxa exchep; ekya'ásegkok eyke ko'o exchep, apkelya'ásegkok nahan aptaha seyáphaso ko'o exchep se'e ektaha nak énxet'ák apagkok.

SAN JUAN 17:25 Referans Kwoze

SAN JUAN 17:11

“Kaxwo' sat eyke kamassegwók ko'o sekha keso náxop, elenxanmohok sat eyke apheykha xa énxet'ák nak, keñe sat ko'o amyekxak ma'a aphakxa nak xép. Táta aptakmalma, eltakmelches xép xa énxet'ák nak, eñama nak ma'a ektémakxa nak ekmowána exchep apwesey, cham'a apwesey segkésa axta, yakwayam enxoho etnehek mekxeymákpoho xa énxet'ák nak, ekhawo ektémakxa nak negyepetcheyo egmók negko'o.

SAN JUAN 17:8

hakte eltennáseyha axta ko'o m'a amya'a segkésa axta exchep, axta nahan elya'ásekmok. Apkelya'ásegwokmek axta anhan eyámnaksoho señama ko'o m'a aphakxa nak xép, axta nahan elya'ásekmok aptaha seyáphaso exchep xa énxet'ák nak.

SAN JUAN 15:21

Etnésesek sat kéxegke énxet'ák ekyókxoho xa, ko'o eñamakxa, hakte melya'ásegkok énxet'ák ma'a aptaha axta seyáphaso ko'o.

SAN JUAN 7:29

Ko'o eyke ekya'ásegkok, hakte eñamak ko'o m'a, axta anhan seyáphaso m'a.

SAN JUAN 16:27

hakte apkelásekhayók kéxegke m'a Táta. Apkelásekhayók kéxegke Táta, hakte elásekha'awók ko'o kéxegke, megkólya'aseykmok nahan señama ko'o m'a Táta.

HEBREOS 8:11

Kamaskok sat elxekmósek apnámokkok énxet, tén han ma'a apkelenyémeyo xamo' nak, esenhan ma'a apteme apnámokkok nak yakwayam enxoho elya'asagkohok Wese' egegkok, hakte apyókxoho énxet sat hey'asagkohok ko'o ekweykmoho m'a énxet'ák meyke kéláyo nak, tén han ma'a énxet'ák ekyawe kéláyo nak.

2 CORINTIOS 4:4

Apkelya'ásekmek cha'a xa énxet'ák nak, hakte meyke apakta'ák temésesók ma'a dios ektaha nak eláneykha keso náxop, yakwayam enxoho melwetyehek ma'a tásek amya'a elseyexma agkok eñama nak ma'a Cristo ekha nak apcheymákpoho, aptaha nak aphémo apagko' ma'a Dios.

SAN JUAN 8:55

Akke kólya'ásegkok kéxegke m'a Dios, ko'o eyke ekya'ásegko', ekxénchek agkok ko'o may'ásegko m'a Dios, sekmowána amya'a atnehek, ekhawo kéltémakxa nak kéxegke; nakso' eyke ko'o sekya'ásegkoho m'a Dios, elyaheykekxók nahan ma'a appeywa.

SAN LUCAS 10:22

“Egkések axta ko'o Táta ekyókxoho aksok. Méko kay'asagkohok aptémakxa m'a Dios Apketche, Apyap aksa ey'asagkohok; méko nahan kay'asagkohok aptémakxa m'a Dios, Apketche aksa ey'asagkohok, tén han ma'a énxet'ák apkepmenyéxa enxoho elya'asásegwomhok Dios Apketche aptémakxa Apyap.”

APOCALIPSIS 13:8

Apyókxoho énxet'ák apheykha náxop sat nahan elpeykeshok xa, cham'a megkanaktáxesamaxko nak apkelwesey m'a weykcha'áhak ekyennaktésamo nak egnenyek, eyeynamókxa m'a sekxo' axta elánamáxko keso náxop, cham'a weykcha'áhak ektaha nak apagkok ma'a Nekkések Apketkok apmatñama axta.

1 SAN JUAN 1:9

neltennásek agkok negko'o Dios ektémakxa nenlané mólya'asáxma, egwanchek magya'ásók Dios aptaha meyakmagkaseyam aptémakxa appeywa, tén han ektaha ekpéwomo agko' ma'a aptémakxa nak, yakwayam enxoho meyakmagkásekxék ma'a nentémakxa nak mólya'asáxma, hegmasésesek nahan ma'a ekyókxoho nentémakxa ekmaso nak.

2 TESALONICENSES 1:8

Ewatak sat yakwayam ellegásesagkohok ma'a énxet'ák melyekpelchémo nak Dios, cham'a melyaheykekxoho nak tásek amya'a eñama nak Wese' egegkok Jesús.

1 CORINTIOS 15:34

Kólya'ásegwakxoho hana, nágkóllánekxa megkólya'asáxma, hakte melya'ásegkok kélnápakha kéxegke Dios. Ektemek ko'o seláneya kéxegke xa yakwayam enxoho kólmegkágwakxak.

1 CORINTIOS 1:21

Dios, aptaha nak ekha apya'áseykegkoho, apkeltamhok axta mékpelchehek Dios énxet'ák apheykha keso náxop eñama m'a apkelya'áseykegkoho apancha'awo nak; xénchek axta eyke apwáxok elwagkasek teyp ma'a énxet'ák apteme nak apcháyo eñama m'a appeywa nak, neyseksók eykhe eyánemaxche amya'a ekyéháxma xa amya'a nak.

ROMANOS 3:26

mepekhéso elwok axta keñamak aptéma xa ektaha nak. Apmokók axta exekmósek Dios ektémakxa sentemésesama cha'a nelpéwomo keso kaxwo' nak, aptemésesek nahan cha'a apkelpéwomo énxet'ák apteme nak melya'áseyam Jesús, ekhawo m'a aptémakxa nak appéwomo.

ROMANOS 3:11

Méko xama énxet ekha enxoho apya'áseyak, méko nahan xama énxet apketamso enxoho Dios.

ROMANOS 1:28

Mopmenyék elyekpelkohok Dios xa énxet'ák nak. Ekeso eñamakxa apkexaya axta aksa Dios yakwayam kayeykhágwomhok ekmaso elchetamso apwáxók, yakwayam enxoho anhan elanagkok ma'a aksok megkeyméxko nak anlána'.

LOS HECHOS 26:18

Eyáphásek xép nepyeseksa xa énxet'ák nak, yakwayam enxoho elyekpelchásesamhok, tén han kamaskok apkelteyáseyncha'a ekyaktesakxaxma, wánxa aksa elteyésha m'a neyseksa elseyexma nak, yakwayam enxoho anhan kamaskok ekyetna ekmowána Satanás nepyeseksa xa énxet'ák nak, wánxa aksa elyetlakxak ma'a Dios; yakwayam enxoho etnahagkok mehey'áseyam ko'o, keñe anhan elxawagkok ma'a meyakmagkáseykekxa nak Dios apkeltémakxa melya'asáxma, tén han exkak yakwayam epáxakwók ma'a Dios énxet'ák apagkok apkelpagkanamap nak.

LOS HECHOS 17:23

Neyseksa sekxega axta elanawók kélpeykesamókxa nak cha'a kéxegke aksok kéleykmáseso, ekwet'ak axta ko'o aksok ekwatnamáxchexa yetlo kéltáxéso ektéma nak se'e: ‘Dios megkólyekpelchémo’. Cháxa Dios kélpeykáso nak kéxegke neyseksa megkólya'áseyak xa, cham'a seltennasa nak kéxegke.

SAN JUAN 17:23

Ektemegkek ko'o sekyepetcheyo xa énxet'ák nak, keñe exchep aptaha sépetcheyo ko'o, yakwayam enxoho etnahagkok ekmámnaksoho agko' wánxa xama xa énxet'ák nak, keñe sat elya'ásegwók énxet'ák apheykha náxop aptaha seyáphaso ko'o exchep, tén han elya'ásegwók apkelásekhayo exchep ma'a ektaha nak énxet'ák apagkok, ekhawo ektémakxa nak seyásekhayo ko'o exchep.

SAN JUAN 17:21

Elmaxnakkek ko'o exchep seltamho etnahagkok mekxeymákpoho apyókxoho xa énxet'ák nak; emenyék ko'o etnehek segyepetcheyo xa énxet'ák nak ekhawo ektémakxa nak xép sépetcheyo ko'o, ekhawo ektémakxa nak han sekyepetcheyo ko'o exchep, yakwayam enxoho melya'ásemek énxet'ák apheykha náxop aptaha seyáphaso ko'o exchep.

SAN JUAN 17:18

Eláphásek nahan ko'o xa nepyeseksa énxet'ák apkelyetleykekxa ektémakxa náxop xa énxet'ák nak, ekhawo ektahakxa axta nahan seyáphaso exchep nepyeseksa énxet'ák keso náxop.

SAN JUAN 17:3

Enxet'ák ektahakxa enxoho apya'áseykegkoho exchep aptaha wánxa xama Dios, tén han apya'ásegkoho enxoho m'a Jesucristo aptaha axta apcháphaso exchep, keytek sat ekyennakte apnenya'ák megkatnegwayam enéxa.

SAN JUAN 16:30

Negya'ásegwokmek kaxwo' negko'o apya'ásegkoho exchep ekyókxoho aksok, negya'ásegwokmek nahan megkeymexko elmaxneyha xama énxet enxoho, cháxa keñamak magya'ásekmo nak negko'o apkeñama exchep ma'a Dios.

SAN JUAN 16:3

Elanagkok sat énxet'ák xa, hakte mehẽlya'ásegkok negko'o, melya'ásegkok nahan ma'a Táta, mehey'ásegkok nahan ko'o xa.

SAN JUAN 8:19

Entahak axta amya'a apcháneyákpo s'e: —¿Háxko aphakxa apyap xép? Aptahak axta apchátegmowágko Jesús se'e: —Mehelya'ásegkok ko'o kéxegke, megkólya'ásegkok nahan ma'a Táta; kaxtemek axta selya'áseykegkoho kéxegke, kólya'asagkohok axta m'a Táta.

SAN JUAN 6:19

Xama axta ekwokmo cinco kilómetros apkelxega, seis kilómetros esenhan, apwet'ak axta apxegakmo Jesús néten yegmen apya'awa m'a yántakpayhe. Apkelakak axta anhan apkeltámeséyak.

SAN JUAN 3:17

Hakte axta yáphásak Apketche Dios keso náxop yakwayam enxoho elsexnenak énxet'ák apheykha nak keso náxop, wánxa agkok, apcháphásek axta yakwayam elwagkasek teyp.

SAN JUAN 1:18

Méko ekwetaya aptémakxa Dios xama enxoho; axta eyke segyekpelcháseseyam negko'o m'a aptaha nak wánxa xama Dios Apketche, aptaha nak han Dios, aptaha nak han cha'a meyenyaweykha Apyap.

SAN MATEO 16:16

Aptahak axta Simón Pedro apchátegmowágko s'e: —Xép aptaha Mesías, Dios memassegwayam Apketche.

SAN MATEO 11:27

“Egkések axta ko'o Táta ekyókxoho aksok. Méko keykpelkohok Dios Apketche, wánxa m'a Apyap; méko nahan keykpelkohok ma'a Apyap, wánxa ékpelkohok ma'a Apketche, tén han elyekpelkohok ma'a énxet'ák apkepmenyexa enxoho Apketche ékpelchásesamhok aptémakxa Apyap.

APOCALIPSIS 16:5

Keñe axta sekleg'a ko'o appeywa Dios apchásenneykha ektaha nak aptakmelcheso yegmen. Aptahak axta s'e: “Xép apteme appéwomo eñama apyekpelchásesamo xa ektaha nak, Xép O Dios aptakmalma, apha nak kaxwo', tén han ma'a aphama axta nahan nano' axta,