SAN JUAN 17:12 - Lengua Sur (Enxet) Nuevo Testamento

¹² Eltakmelchesegkek axta cha'a ko'o xa énxet'ák nak, neyseksók sekha xamo' keso náxop, ekmasmeyk axta anhan cha'a yetlo m'a xép apwesey ekha nak ekmowána, cham'a apwesey segkésama axta exchep. Axta anhan exyánegweykmok xama enxoho xa énxet'ák nak, wánxa axta apxegánegweykmo m'a aptaha axta apxegányam, yakwayam enxoho katnehek ma'a ektémakxa nak eknaktáxésamaxche weykcha'áhak.

SAN JUAN 17:12 Referans Kwoze

SAN JUAN 18:9

Cháxa ektahakxa axta xa, yakwayam enxoho katnehek ma'a aptémakxa axta appeywa Jesús se'e: “Táta, mexyenakmok xama enxoho m'a énxet'ák segkéso axta exchep.”

SAN JUAN 13:18

“Akke ko'o axénak kélyókxoho kéxegke, hakte ekya'ásegkok ko'o m'a ektaha nak selyéseykha. Megkatnehek nahan megkatné ektémakxa nak eknaktáxésamaxche s'e: ‘Etaknaweykxeyk ko'o énxet sektóko nak xamo' sekto.’

SAN JUAN 6:37

Apyókxoho énxet ektaha nak segkéso ko'o Táta hey'ótak cha'a ko'o, matakheksók sat nahan ko'o m'a énxet ektahakxa enxoho sey'eykekta'.

1 SAN JUAN 2:19

Negyeseksa nahan apkeleñamak apkelánteyapma xa énxet'ák nak; wánxa agkok, háwe axta eyke nelxegexma'a negko'o xa énxet'ák nak, kaxtemek axta ekmámnaksoho apkeleñama negyeseksa negko'o, hempaxkaha axta. Temegkek axta eyke xa ektaha nak, yakwayam enxoho katakmelek ekwetamaxche metnaha apyókxoho énxet apkeleñama negyeseksa negko'o.

LOS HECHOS 1:25

yakwayam enxoho emok aptamheykha seykha amya'a cham'a apyensakmo axta Judas eñama mey'asáxma, cham'a apmahágko axta ekpayhókxa axta emhagkok.”

2 TESALONICENSES 2:3

Nágkólho aksa kólyexanchesha xama enxoho, hakte kawak sat sekxo' kélenmexeykha Dios amonye ekwayam xa ekhem yakwánxa nak ewatak Jesucristo, cham'a yakwánxa nak han etyapok énxet megyéso yenmexmakha Dios, cham'a kélpagkanchesama nak han yakwayam kólmasesók.

HEBREOS 2:13

Aptemegkek nahan appeywa s'e: “Dios sat ko'o atnehek seyásenneykekxexa.” Keñe aptéma nahan appeywa s'e: “Ekheyk ko'o kaxwo' nepyeseksa énxet apkelyetchesamakpoho nak sakcha'a ektaha axta segkéso Dios.”

SAN JUAN 17:6

“Elya'asásegwokmek ko'o aptémakxa exchep ma'a énxet'ák apkelyéseyncha'a axta exchep keso náxop, cham'a segkésa axta. Xép axta énxet'ák apagkok xa énxet'ák nak, egkések axta eyke ko'o exchep, apkelyahákxók axta nahan xép appeywa.

FILIPENSES 2:9

Ekeso eñamakxa apmésa nak Dios yakwayam etnehek néten agko' meyke ekhémo, aptemésesek axta nahan ektakmela agko' apwesey neyseksa m'a ekxámokxoho kélwesey nak.

APOCALIPSIS 19:12

Máxa axta táxa elálewe m'a apakta'ák, xámok axta nahan apkelatcheso apkátek eltakmela ekhágko m'a apkátek, yetnegkek axta nahan kéltáxeso xama kélwesey meyke ekya'áseyak, wánxa axta aksa apya'áseykegkoho apagko' ma'a ektaha axta apchánte yatnáxeg.