SAN JUAN 16:25 - Lengua Sur (Enxet) Nuevo Testamento

²⁵ “Eltennásek xeyk kéxegke xa, cham'a sekyetcháseykxoho exchek cha'a, kammok sat eyke ekhem yakwánxa sat maltennasha kéxegke m'a sekyetcháseykekxoho nak, apeykeseshok sat seltennaso m'a aptémakxa nak Táta.

SAN JUAN 16:25 Referans Kwoze

SAN JUAN 16:12

“Xámok eykhe yakwayam altennaksek kéxegke, wánxa agkok, megkólwanchek eyke kólya'ásegwók ekyókxoho nak.

SAN JUAN 10:6

Cháxa aptahakxa axta apyetcháseykekxoho Jesús xa. Axta eyke elya'ásegkohok énxet'ák aptahakxa apkeláneya Jesús.

SAN MARCOS 4:13

Ektahak ko'o seláneya kéxegke s'e: “¿Yagkólyekpelchak kéxegke s'e aksok sekyetcháseykekxoho nak? ¿Háxko nahan katnehek kólya'ásegwomhok ekyókxoho m'a aksok sekyetcháseykekxoho nak?

2 CORINTIOS 4:2

Negyenyókek axta negko'o m'a aksok segmegkasamo apkelyexamakpoho axta cha'a apkeláneykegko énxet; manlanak nahan cha'a yetlo negmáheyo ólyexanchesha egnámokkok, Magyetnakháseykmok nahan cha'a m'a ektémakxa nak Dios appeywa. Wánxa agkok, ekmámnaksoho eyke nentémakxa nak cha'a negko'o nempeywa, cháxa ektahakxa nak cha'a ektakmela ekxeyenma apwáxók negko'o énxet'ák nápakto' Dios xa ektaha nak.

SAN JUAN 16:2

Kólántekkesek sat kéxegke apchakneykekxa nak judíos, keñe sat kammok nahan ekhem yakwánxa nak yának elának énxet ma'a ekleklamókxa nak apwáxok antehek Dios, cham'a apkennapa enxoho kéxegke xa énxet'ák nak.

SAN MARCOS 4:34

Aksok apyetcháseykekxoho axta aksa cha'a apkeltennáseykha énxet'ák, keñe axta apkeltámeséyak eltennásekxók cha'a ektémakxa aptamhákxo enxoho apxakcha'awo'.

SAN MARCOS 8:32

Aptakmelchásók axta apkeltennaso xa. Keñe axta Pedro apyentama Jesús mók nekha, appakhetchesekmek axta anhan.

SAN JUAN 10:24

Apwakhegwokmek axta énxet'ák judíos. Aptahak axta nahan apkelmaxneyeyncha'a s'e: —¿Háxko sat ekwánxa ekhem kammok mehẽltennasók negko'o aptémakxa exchep? Xép agkok Mesías, hẽltenneys hana negko'o.

SAN JUAN 16:32

Wokmek eyke kaxwo' ekhem, keso kaxwo' nak, yakwánxa nak kólexpaknek kéxegke, apmaheyak apagko' sat cha'a etnehek kélmók apmahágkaxa enxoho, exakko' sat nahan helyenyok, háwe eyke exakko', Táta nahan sekxegexma.