SAN JUAN 16:20 - Lengua Sur (Enxet) Nuevo Testamento

²⁰ Kóllekxagwaha sat kéxegke, kallapwomagkok sat nahan, keñe sat kalpayhekxak apwáxók ma'a énxet'ák apheykha nak keso náxop. Kallapwomagkok sat eykhe kéxegke, ekpayheykekxa kélwáxok sat eyke kayakmagkasek xa ellapwámeyak nak. Nakso' xa sektahakxa nak seláneya kéxegke.

SAN JUAN 16:20 Referans Kwoze

SANTIAGO 1:2

Elyáxeg kéméxchek kéxegke kalpayhekxak agko' kélwáxok kélwet'a enxoho ekyekkóna m'a ekyókxoho ektémakxa nak segyekkónma.

SAN MATEO 5:4

“Kéleñémo agko' kéxegke kéltaha nak elyakhápeykha kélwáxok, hakte Dios sat egkések eltakmelwayam kélwáxok.

2 CORINTIOS 6:10

Máxa eykhe entemék sẽllapwámeykegko enxoho negko'o, wánxa agkok, akke kamassegweykmók ekpayheykekxa egwáxok. Máxa eykhe nentemék ma'a meyke aksok egagkok enxoho, wánxa agkok nenxamásesegkek eyke aksok eleñama Dios ma'a apyókxoho énxet; máxa eykhe entemék negko'o méko enxoho aksok egagkok, xámok eyke negko'o m'a aksok eleñama nak Dios.

SAN MARCOS 16:10

Xegkek axta eltennáseykxo m'a aptamheykencha'awo axta apkelxegexma'a Jesús, cham'a ellapwámegko axta, tén han ma'a apkelekxagweyncha'a axta.

SAN JUDAS 1:24

Yetneyk apmopwána Dios yakwayam eltakmelchesek kéxegke, yakwayam enxoho megkólpalegme', yakwayam enxoho anhan enaklakxak meyke ekyepetche xama aksok, yetlo ekyawe ekpayheykekxa kélwáxok ma'a aphamakxa nak yetlo apcheymákpoho, cham'a Dios aptaha nak wánxa xama apagko', aptaha nak han segwagkasamo teyp. Apcheymákpoho sat cha'a kóltemésesek Dios, tén han kóltemésesek meyke ekhémo, ekha apmopwána, tén han ekha kélyaheykekxoho, eñama m'a Jesucristo Wese' egegkok, eyeynamókxa m'a nano' axta, ekwokmoho s'e kaxwo' nak, megkamassegwomek nahan cha'a. Katnahagkok sat.

SAN LUCAS 24:21

Nelhaxanmeyk axta negko'o elwagkasek teyp énxet'ák Israel ma'a énxet nak, wánxa agkok, antanxo ekhem akke entahak kaxwo' ekteme xa ektaha nak.

GÁLATAS 5:22

Akke ektaha nak aptekkeso Espíritu s'e: nelásekhamaxkoho, ekpayheykekxa egwáxok, meyke ektahakxa egwáxok, mampekhésamaxche, negapeykha egmók, ektakmeleykha egwáxok, mantemeseseykmohoxma egmók,

ROMANOS 5:11

Háwe ekwánxa agkok xa, payhekxeyk nahan negko'o egwáxok xamo' Dios eñama m'a Wese' egegkok Jesucristo, hakte Cristo axta keñamak nelásekháxchekxoho negko'o Dios.

SAN LUCAS 24:17

Aptahak axta apkelmaxneyeyncha'a Jesús se'e: —¿Yaksak kélxéna kéxegke kéltennakmo nak ámay? Apchaknágwokmek axta yetlo ellapwámeyak.

SAN LUCAS 23:27

Apxámok axta énxet apyetlo Jesús, tén han kelán'ák. Kellekxagweyha axta elano Jesús, kelpayheyha axta anhan atña'ák eñama ellapwámeyak.

APOCALIPSIS 18:7

kólyentaxnésesho nahan awáxok, kóllegásesagkoho nahan ekhawo m'a ekwánxa axta eyeymáxkoho awáxok, tén han ma'a ekwánxa axta ektakmelmo ekha, Hakte katnehek cha'a elchetamso awáxok se'e: ‘Ektemeyk kaxwo' ko'o wese', háwe kaxwo' ko'o tampe', mañegkok sat nahan cha'a.’

APOCALIPSIS 11:10

Kalpayhekxak sat nahan apwáxók énxet'ák apheykha nak keso náxop apkeletsapa enxoho xa. Kalpayhekxohok agko' sat nahan apwáxók, emlasakpok sat aksok apméso naksa cha'a pók, hakte cháxa apkánet énxet ektaha axta apkellegaso Dios appeywa apkellegasáseykegkoho agko' axta cha'a xa énxet'ák nak.

LOS HECHOS 5:41

Apkelántekkek axta énxet'ák seykha amya'a apkelenyekto nápakta'awo' ma'a énxet'ák kelwese'e nak, hakte apcha'awók axta Dios ellegagkohok ekmaso agko' eñama apkellegaso Jesús apwesey.

SAN JUAN 16:33

Eltennásek kéxegke ekyókxoho xa, yakwayam enxoho kólwetak meyke ektahakxa kélwáxok neyseksók selyepetcheyo ko'o. Kóllegagkohok sat kéxegke keso náxop; wánxa agkok, kólteme kélwaskápeykekxoho, ekmalanchek ko'o ektémakxa nak keso náxop.

SAN JUAN 16:6

Wánxa agkok, kellapwámegkek aksa seltennasa kéxegke xa.

SAN LUCAS 22:62

Keñe axta aptepa Pedro m'a, axta yeysagkohok apwana.

SAN LUCAS 22:45

Xama axta apkempákxo néten Jesús ma'a aptahakxa axta nempeywa nelmaxnagko, apmeyákxeyk axta aphágkaxa apkeltámeséyak, apwetágweykxeyk axta apnaktena, elapwámeyak axta chakhak apyempe'ék.

SAN LUCAS 6:21

“Kéleñémo agko' kéxegke elnapma nak meyk keso kaxwo' nak, hakte kólyakkanmohok sat. “Kéleñémo agko' kéxegke kéllekxagweyncha'a nak keso kaxwo' nak, hakte kóllektegmaha sat natámen xa.

SAN MARCOS 14:72

Yetlókók axta anhan ekteme ánet ekpáweykekxa tat'a, keñe axta ekxénwákxoho apwáxok Pedro aptémakxa axta apkenagkama Jesús se'e: ‘Amonye ekteme ánet ekpáwá tat'a sat katnehek antanxo mexeyenma exchep sekwesey.’ Keñe axta apwana.

1 TESALONICENSES 1:6

Kéxegke axta eyke kélyetlákxak nentémakxa negko'o, kélyetleykekxek nahan aptémakxa m'a Wese' egegkok Jesús, yetlo ekpayheykekxa kélwáxok axta nahan kélmak takha' tásek amya'a, cham'a ekpayheykekxa kélwáxok apmésamo axta cha'a kéxegke Espíritu Santo, neyseksók eykhe ekyawe kéllegeykegkoho.

SAN JUAN 20:20

Xama axta aptaha appeywa xa, keñe axta apxekmósa apmék, tén han ma'a nápakha. Kelpayheykxeyk axta apwáxók apkeltámeséyak apwetákxo Wese' egegkok.

SAN MATEO 21:38

Xama axta apwet'a apwokmo wese' apketche xa énxet'ák ektaha axta apkeltamheykha, aptahak axta apkelpakhetchásekpoho s'e: ‘Cháxa peya nak exkekxak xóp xa; agakhek, keñe sat negko'o anxewekxak xóp apagkok.’