SAN JUAN 16:13 - Lengua Sur (Enxet) Nuevo Testamento

¹³ Apxegakmek sat agkok Espíritu aptaha nak apmámnaksoho, elya'asásegwók sat kéxegke ektémakxa m'a ektaha nak ekmámnaksoho agko'; hakte metnehek sat apxeyenma apagko' ma'a aptahakxa enxoho appeywa, wánxa sat exének ma'a ekyókxoho ektémakxa nak aplegé, elya'asásegwók sat nahan kéxegke m'a peya nak katnehek.

SAN JUAN 16:13 Referans Kwoze

SAN JUAN 14:26

Espíritu Santo sat eyke elxekmósek kéxegke ekyókxoho aksok, elya'asásegwakxohok sat nahan ma'a ekyókxoho sektémakxa nak selanagkama kéxegke, cham'a Espíritu aptaha nak Apmasma kéxegke, peya nak yáphásesek kéxegke Táta eñama ko'o sekwesey.

SAN JUAN 15:26

“Apxegakmek sat agkok ma'a Apmasma kéxegke peya nak wáphásesek, aptaha nak Espíritu apmámnaksoho apkeñama nak ma'a aphakxa nak Táta, sat etnehek apxeyenma sekwesey ko'o m'a.

1 SAN JUAN 2:27

Wánxa agkok, apyetneyk eyke kéxegke Espíritu Santo apkelmeyáseyak axta Jesucristo, megkeyméxchek kólamenyého elxekmósek xama énxet enxoho, hakte Espíritu Santo cha'a elxekmósek kéxegke ekyókxoho aksok, ekmámnaksoho nahan ektémakxa nak sẽlxekmóso, háwe ekmowána amya'a. Nágkólyensem kélteme kélyepetcheyo Cristo, ekhawo m'a ektahakxa enxoho apkelxekmóso Espíritu.

1 SAN JUAN 2:20

Apmések axta kéxegke Cristo Espíritu Santo, kélyókxoho nahan yetnak kélya'ásegwayam kéxegke.

SAN JUAN 12:49

Hakte matnék ko'o sekxénamaxchekxoho ahagko'; egkések axta ko'o Táta apkeltamhókxa atnehek sekpeywa, cham'a aptaha axta seyáphaso, axta anhan eltennásak ma'a apkeltamhókxa axta atnehek selxekmóso.

1 SAN JUAN 4:6

Negko'o eyke nentaha Dios énxet'ák apagkok. Enxet ektahakxa enxoho apya'áseykegkoho Dios, yeyxhok cha'a negko'o neltenneykha, keñe m'a metnaha nak Dios énxet'ák apagkok megyeyxók cha'a negko'o neltenneykha. Cháxa keñamak negkegwagko nak kaxwo' agyekpelkohok negko'o m'a énxet apyetna nak espíritu apmámnaksoho, tén han agyekpelkohok ma'a énxet apyetna nak espíritu sẽlyexancháseykha nak.

SAN JUAN 14:6

Aptahak axta apchátegmowágko Jesús se'e: —Ko'o sekteme ámay, ekmámnaksoho, tén han ekyennakte egnenyek. Ko'o sekwánxa ahagkok apkelmeyeykemxa énxet yakwayam elmahagkok ma'a aphakxa nak Táta.

APOCALIPSIS 1:19

Etaxés ektahakxa nak aksok apweté: cham'a ekyetna nak kaxwo' tén han ma'a peya sat nahan kataxchek.

SAN JUAN 8:38

Axénhok cha'a ko'o m'a ektémakxa axta sexekmóso Táta, kólteme nahan kéxegkáxa, kóllána cha'a m'a aptahakxa enxoho apkeláneya kélyap.

2 TESALONICENSES 2:3

Nágkólho aksa kólyexanchesha xama enxoho, hakte kawak sat sekxo' kélenmexeykha Dios amonye ekwayam xa ekhem yakwánxa nak ewatak Jesucristo, cham'a yakwánxa nak han etyapok énxet megyéso yenmexmakha Dios, cham'a kélpagkanchesama nak han yakwayam kólmasesók.

APOCALIPSIS 1:1

Keso ektahakxa axta aksok apxekmósamo Dios Jesucristo s'e, yakwayam enxoho elxekmósek Cristo m'a ektaha nak apkelásenneykha peya kañehémhok katnehek xa. Apya'asásegwokmek axta Jesucristo apchásenneykha apwesey Juan xa, cham'a apcháphasa axta aphakxa xama apchásenneykha apkeñama néten.

2 TESALONICENSES 2:12

yakwayam enxoho elsexnánekpok ma'a apyókxoho énxet'ák apkelya'áseykmo axta amya'a ekmámnaksoho nak, wánxa aksa apkelyespagkama m'a ekmaso nentémakxa nak.

LOS HECHOS 27:24

Aptahak xeyk seyáneya s'e: ‘Pablo, nágyé aksa, emhagkok sat xép nápakto' ma'a wese' apwányam apha nak Roma, xép keñamak peya nak elwagkasek teyp Dios apyókxoho xa aptaha nak apkelxegexma'a kañe' yántakpayhe.’

LOS HECHOS 20:23

Wánxa aksa ko'o sekya'ásegkoho Espíritu Santo seltennaso selhaxna cha'a ko'o sekmomaxche, tén han ekyawe seklegeykegkoho, cham'a ekyókxoho tegma apwányam sekmahágkaxa enxoho.

SAN JUAN 3:32

exének nahan ma'a aksok apwetaya nak, tén han ma'a aplegaya nak; wánxa agkok, kólya'asók eyke m'a ektahakxa enxoho aksok apxeyenma.

LOS HECHOS 11:28

Apkenmáha axta xama énxet Dios appeywa aplegaso, apwesey axta Agabo, yetlo Espíritu Santo apya'asáseykegkoho axta apkeltenneyncha'a peya kawa' meyk segakhe ekyókxoho yókxexma keso náxop. Temegkek axta anhan xa, cham'a aptémakxa axta wese' apwányam Claudio.

SAN JUAN 16:12

“Xámok eykhe yakwayam altennaksek kéxegke, wánxa agkok, megkólwanchek eyke kólya'ásegwók ekyókxoho nak.

HEBREOS 1:1

Xámok axta ektémakxa apkelpakhetcheso Dios ẽlyepmeyk nano', cham'a nano' axta, eñama apkeltenneykha m'a énxet'ák apkellegaso axta Dios appeywa.

1 SAN JUAN 5:6

Apwa'ak axta Jesucristo yetlo yegmen, magkenatcheso kélyakpásesama yegmen, tén han yetlo éma magkenatcheso m'a apketsapma axta; háwe axta ekwánxa agkok yegmen, yegmen yetlo éma axta eyke anhan. Espíritu nahan apxeyenma ektaha nakso' xa, apmámnaksoho nahan xa Espíritu nak.