SAN JUAN 16:11 - Lengua Sur (Enxet) Nuevo Testamento

¹¹ kataxchek sat nahan kaxkak Dios apyekpelchásesamo m'a ektaha nak wese' keso náxop, cham'a ektéma axta eksexnánémaxche sekxo' agko'.

SAN JUAN 16:11 Referans Kwoze

SAN JUAN 12:31

Peyk kaxwo' kóltehek kélyekpelchémo apyókxoho énxet apheykha nak keso náxop, peyk nahan kaxwo' kóltekkesek ektéma nak wese' keso náxop.

1 SAN JUAN 3:8

keñe m'a énxet ektahakxa enxoho apkelané mólya'asáxma, cháxa kelyekhama' énxet agkok xa, hakte kelyekhama' axta elané amonye mólya'asáxma sekxo' agko'. Axta keñamak apwaya Dios Apketche xa, yakwayam emasésak ektémakxa axta aksok elané kelyekhama'.

HEBREOS 2:14

Hawók axta ektémakxa apyempehek Jesús ma'a ektémakxal'a apyókxa énxet, tén han ma'a éma apagkok nak, ekhawo ektémakxal'a apketchek xama énxet kaxhok mók ma'a empe'ék, tén han ma'a éma agkok. Temegkek axta xa yakwayam enxoho emaseksek ma'a ekha axta ekmowána kategyaha ekyógkexma, cham'a ekwesey nak kelyekhama', eñama m'a apketsapma axta.

COLOSENSES 2:15

Cristo axta keñamak apmasésesa Dios ektémakxa axta elmowancha'a m'a aksok ekha nak elmowancha'a, tén han ma'a ekha nak kélyaheykekxoho, apnaklákxeyk axta nápakta'awo' apxámokxoho énxet'ák, cham'a apkékesákxo axta apnaklákxo aptemésesa elmomaxche apxekmowásawo aptaha apmallanma.

2 CORINTIOS 4:4

Apkelya'ásekmek cha'a xa énxet'ák nak, hakte meyke apakta'ák temésesók ma'a dios ektaha nak eláneykha keso náxop, yakwayam enxoho melwetyehek ma'a tásek amya'a elseyexma agkok eñama nak ma'a Cristo ekha nak apcheymákpoho, aptaha nak aphémo apagko' ma'a Dios.

SAN JUAN 14:30

“Malenxanmagkók sat selpakhetcheso kéxegke, hakte xegakmek ma'a ektaha nak wese' keso náxop. Méko eykhe ekmowána hélának ko'o,

APOCALIPSIS 1:7

Apkexyekmek sat agkok Cristo neyseksa yaphopé, apyókxoho énxet sat éta', kammohok sat apweté m'a ektaha axta apkelyetxakxo; apxámokxoho énxet'ák sat kallapwomagkok apheykha nak keso náxop, ellekxagwaha sat nahan, Cristo eñamakxa. Nakso', katnehek sat.

2 SAN PEDRO 3:7

Wánxa agkok, táxa ekwányam akke kaxwo' kélpagkanchásak yakwayam kólmasésók néten tén han keso náxop, keso negwet'awo nak ekhágko s'e negwánxa nak, eñama apkeltémo m'a Dios. Kasawhohok sat kamásesók táxa ekyókxoho xa, cham'a ekhem nelyekpelchamáxchexa sat, yakwánxa sat kólmasésók énxet'ák elmasagcha'a nak apkeltémakxa.

HEBREOS 9:27

Ekhawo sentémakxa nak han cha'a negyókxoho nak, xama nétsapma cha'a katnehek, keñe natámen kawók nahan ekhem yakwánxa hẽlyekpelkohok,

HEBREOS 6:2

tén han manlenxanmók nenxeyenma m'a nelxekmowásamáxche ekxénamaxche nak ektémakxa yakpasameygmen, tén han manlenxanmók nenxeyenma m'a kélnegkenma nak kélmék apkátek énxet aptaha nak melya'áseyam Dios, tén han manlenxanmók nenxeyenma m'a apnakxátekhágwayam nak apkeletsapma axta, tén han manlenxanmók nenxeyenma m'a yakwánxa nak hẽlyekpelkohok megkatnegwayam enéxa.

EFESIOS 2:2

hakte kélyetlamchek axta kéxegke ektémakxa nak keso náxop, kélláneyak axta anhan kéxegke m'a ekyespagkamakxa nak kelyekhama' wese', eláneykencha'a nak aksok ekha elmowancha'a ekheykha tekhenxet, cham'a elyáteyagkoho nak énxet'ák aptaha nak melyaheykekxoho Dios.

1 CORINTIOS 4:5

Nágkólteme aksa kélyekpelchémo kélmók kéxegke amonye ekwayam ekhem nelyekpelchamáxchexa; kólleyx ewata' Wese' egegkok, kólleyx nahan enegkenekxak neyseksa elseyexma m'a aksok ekhágko nak neyseksa ekyaktesakxaxma, kólleyx nahan elyekpelchásesók kéxegke ektémakxa nak ekmámenyého kalának egwáxok. Keñe sat egkések ekpayheykekxa apwáxok Dios apyókxoho énxet ekpayhawo nak exkak xa.

LOS HECHOS 10:42

Ẽláphásek axta negko'o Jesús yakwayam óltennasha énxet'ák apcháphásama Dios yakwayam etnehek apkelyekpelchémo m'a énxet'ák meletsapma nak, tén han ma'a apkeletsapma nak.

SAN LUCAS 10:18

Aptahak axta apkeláneya Jesús se'e: —Nakso', ekwet'ak axta ko'o Satanás ekteyekmo eñama néten, máxa axta entahak takha' apkelyenmal'a.

SAN MATEO 12:36

Eltennásek ko'o kéxegke peya kólxénekxohok ektémakxa kélpeywa naksa m'a ekhem nelyekpelchamáxchexa sat.

SAN MATEO 12:18

“Keso seyásenneykha ko'o s'e, ko'o axta selyéseykha, aptaha nak han seyásekhayo, leklamok nahan ewáxok aptémakxa. Agkések sat nahan ko'o Espíritu ahagkok, eltennasha sat nahan apyókxoho énxet'ák ma'a ekxeyenma nak ko'o ewáxok ektaha ekpéwomo.

ROMANOS 16:20

keñe sat kañehémhok etnesásekxak Dios kónegók agko' Satanás, keñe sat kéxegke kóltemekxak néten, cham'a Dios aptaha nak segméso meyke ektahakxa egwáxok. Wese' egegkok Jesús sat epasmok kéxegke.

ROMANOS 2:16

cham'a ekhem yakwánxa sat etnehek apkelyekpelchémo Dios yetlo apchásenneykekxa Jesucristo m'a aksok appósamo nak énxet'ák, ekhawo ektémakxa nak seltenneykha cha'a ko'o tásek amya'a.

LOS HECHOS 26:18

Eyáphásek xép nepyeseksa xa énxet'ák nak, yakwayam enxoho elyekpelchásesamhok, tén han kamaskok apkelteyáseyncha'a ekyaktesakxaxma, wánxa aksa elteyésha m'a neyseksa elseyexma nak, yakwayam enxoho anhan kamaskok ekyetna ekmowána Satanás nepyeseksa xa énxet'ák nak, wánxa aksa elyetlakxak ma'a Dios; yakwayam enxoho etnahagkok mehey'áseyam ko'o, keñe anhan elxawagkok ma'a meyakmagkáseykekxa nak Dios apkeltémakxa melya'asáxma, tén han exkak yakwayam epáxakwók ma'a Dios énxet'ák apagkok apkelpagkanamap nak.

LOS HECHOS 24:25

Xama axta apxéna Pablo m'a nentémakxa ekpéwomo nak, tén han ma'a ektémakxa nak negmowána anlanagkohok nentémakxa, tén han ma'a yakwánxa sat etnehek segyekpelchémo Dios egmonye sat, apyegwakkek axta Felix, aptahak axta apcháneya Pablo s'e: —Etakhekxa sat kaxwo', wáneyha sat makham méko enxoho selanakxa xama ekhem.

SAN JUAN 16:12

“Xámok eykhe yakwayam altennaksek kéxegke, wánxa agkok, megkólwanchek eyke kólya'ásegwók ekyókxoho nak.