SAN JUAN 15:27 - Lengua Sur (Enxet) Nuevo Testamento

²⁷ Kéxegke sat nahan kóltehek kélxeyenma sekwesey, hakte selxegexma'a axta ektemék kéxegke sekxo' agko' sekmoma sektamheykha.

SAN JUAN 15:27 Referans Kwoze

1 SAN JUAN 4:14

Negko'o egagko' axta negweté xa, neltenneykha nahan nenxeyenma m'a apcháphásama axta Dios Egyap Apketche yakwayam elwagkasek teyp énxet'ák apheykha nak keso náxop.

SAN JUAN 21:24

Cháxa Jesús apkeltámeso ektaha axta apxeyenma xa, ektaha axta anhan apchásekhayókxa Jesús, axta nahan aptáxéso m'a. Negya'ásegkok negko'o ektaha ekmámnaksoho aksok apxeyenma.

SAN LUCAS 24:48

Kéxegke ektaha kélweteykegkoho xa.

LOS HECHOS 23:11

Mók axta'a axta entahak apxekmowáseykpekxoho Wese' egegkok Pablo. Aptahak axta apcháneya s'e: “Ewaskápekxoho Pablo, cháxa aptahakxa nak apkeltenneykha sekwesey s'e Jerusalén, sat nahan etnehek apkeltennáseykha sekwesey énxet'ák apheykha tegma apwányam Roma xa ektaha nak.”

1 SAN PEDRO 5:12

Silvano ko'o eyásenneykxak setáxésesa ekyakwate s'e sekpeywa nak, cham'a egyáxeg ekxeyenma nak ko'o ewáxok aptaha meyenseyam aptamheykha, yakwayam enxoho altennasagkohok kéxegke m'a aksok kélxaka axta, ektaha ekxekmóso eyámnaksoho m'a ektémakxa nak Dios segásekhayo, yakwayam enxoho nahan altennaksek kéxegke ektaha nakso' xa. Nágkólyensem aksa kéxegke xa ektémakxa nak Dios segásekhayo.

1 SAN PEDRO 5:1

Emenyék ko'o agkések kaxwo' sekpeywa m'a énxet'ák apkelámha apmonye'e nak kélakneykekxexa kéxegke, ko'o sektaha nak han sémha emonye sekhawo xa énxet'ák nak, sektaha nak han sekweteykegkoho m'a ektémakxa axta aplegeykegkoho Cristo, hewatámhok sat nahan ko'o xa Cristo apcheymákpoho, cham'a peya nak hẽlxekmósho', ekhawo nak han xa énxet'ák nak.

LOS HECHOS 4:20

Magwanchek negko'o ólwátesók nenxeyenma m'a aksok negwetaya nak, tén han ma'a nenlegaya nak.

LOS HECHOS 1:8

Wánxa agkok, apwa'ak sat agkok Espíritu Santo kélnepyeseksa kéxegke, kólxawak sat kélmowána, kólxog sat nahan cha'a yakwayam kólxének sekwesey ko'o, Jerusalén, tén han kólmahagkok ma'a ekyókxoho yókxexma Judea, tén han ma'a Samaria, kawomhok sat nahan kélmaheyak ma'a eyátépexa nak.

APOCALIPSIS 1:9

Ko'o Juan sektaha nak may'áseykmoho xamo' kéxegke Cristo, Jesús sekyepetcheyo keñamak sewákxoho nahan ko'o xa sekteme señama nepyeseksa Dios énxet'ák apagkok tén han sewákxoho seklegeykegkoho xamo' kéxegke, tén han sewákxoho m'a ektémakxa nak kélwaskápeykekxoho, yakwayam enxoho alenmaxaxkohok seklegeykegkoho ko'o. Elhésekmek axta ko'o yókxexma étkok ekwesey Patmos, eñama seklegaso m'a amya'a eñama nak Dios, cham'a aptemésesama axta ekmámnaksoho Jesús.

APOCALIPSIS 1:2

Apkeltennáha axta Juan ekmámnaksoho agko' ekyókxoho aksok ektahakxa axta apweté, cham'a aptaha nak han apxeyenma m'a amya'a eñama nak Dios, cham'a amya'a apkeltenneykencha'a axta anhan Jesucristo.

LOS HECHOS 18:5

Xama axta apkelwokmo Corinto Silas tén han Timoteo apkeleñama m'a Macedonia, wánxa axta aksa apkeltennáseykencha'a Pablo énxet'ák judíos ma'a amya'a eñama nak Dios. Aptakmelchások axta apkeltennaso aptaha Jesús Mesías.

LOS HECHOS 13:31

Wenaktémok axta apweteykekxa Jesús ma'a énxet'ák apkelyetlawa axta apmeyákxo Jesús ma'a tegma apwányam Jerusalén, axta apkeleñamak ma'a Galilea; apkeltenneykha Jesús apwesey nahan aptamhágkok kaxwo' xa énxet'ák nak.

LOS HECHOS 4:33

Apkelenxaneykmók axta apkelwaskápeykekxoho énxet'ák seykha amya'a apkeltenneykha ektaha ekmámnaksoho m'a apxátekhágwayam axta Jesús, awanhek axta nahan appasmo Dios xa apyókxoho nak.

SAN JUAN 19:35

Cháxa énxet ektaha axta apweteykegkoho xa, ektaha nak han apxeyenma xa, ekmámnaksoho nahan apxeyenma; apya'ásegkok nahan aptéma ekmámnaksoho appeywa, yakwayam enxoho kóltehek kéxegkáxa megkólya'áseyam.

LOS HECHOS 3:15

Cháxa ektahakxa axta kélakha kéxegke m'a énxet segmésamo nak ekyennakte egnenyek. Wánxa agkok, Dios axta eyke apxátekhásekmok, negko'o eyke ektaha negweteykegkoho xa.

SAN MARCOS 1:1

Eyeynamókxa amya'a ektakmela apxénamap Jesucristo aptaha nak Dios Apketche,