SAN JUAN 15:25 - Lengua Sur (Enxet) Nuevo Testamento

²⁵ Temék ekyókxoho xa, hakte megkatnehek megkatné ektémakxa nak eknaktáxésamaxche segánamakxa apagkok xa énxet'ák nak, ektéma nak ekpeywa s'e: ‘Etaknókek ko'o énxet'ák meykexho eñamakxa.’

SAN JUAN 15:25 Referans Kwoze

SAN LUCAS 24:44

Keñe axta aptaha apkeláneya s'e: —Cha'a etnahak ko'o m'a sektémakxa axta seltennáseykha kéxegke sekhamakxa axta makham kélnepyeseksa: eltennasegkek axta cha'a kéxegke ekmáheyo kasawhaxkohok katnehek ma'a ekyókxoho ektémakxa nak eknaktáxésamaxche Moisés segánamakxa apagkok sexeyenma ko'o, tén han ma'a eknaktáxésamaxko axta énxet'ák Dios appeywa apkellegaso weykcha'áhak apagkok, tén han ma'a eknaktáxésamaxko nak Salmos.

2 CORINTIOS 11:7

¿Sagkek enxeykel'a ko'o sektahakxa seltennáseykha kéxegke tásek amya'a mama nak ekyanmaga xama enxoho? Ektemesásexchék ko'o kónegók yakwayam enxoho kóltehek néten kéxegke.

APOCALIPSIS 21:6

Keñe axta aptaha seyáneya s'e: “Penchásexchek elánamáxche ekyókxoho aksok, ko'o sekteme sémha emonye, tén han ektemegwánxa néxa, ko'o nahan sekteme eyeynókxa tén han ektemegwánxa néxa. Hem agkok enchakhak énxet, wagkok sat ko'o yegmen eñama m'a ekteyapmakxa nak yegmen ekyennaktésamo nak egnenyek, agkések sat meyke ekyanmaga.

APOCALIPSIS 22:17

Aptahak seyáneya Espíritu aptakmalma tén han Nekkések Apketkok aptáwa s'e: “¡Empoho!” Enxet ektahakxa enxoho aplegé etne nahan appeywa s'e: “Empoho” Hem agkok enchakhak énxet, cham'a, apmopmenyého nak ének yegmen, empoho eyhagwata s'e yegmen ekyennaktésamo nak egnenyek meyke ekyanmaga.

2 TESALONICENSES 3:8

axta anhan antókasók aksa kéltéyak meyke negyanmagkaso kélxama enxoho. Wánxa agkok, nenlenxáneykmok axta eyke aksa nentamheykha, neltamheykha axta ekyókxoho ekhem tén han ekyókxoho axta'a, yakwayam enxoho manxamásesek kéltahakxa kéxegke kélxama enxoho.

GÁLATAS 2:21

Momenyék ko'o ataknók ma'a ektémakxa nak segméso naksa Dios segemleykekxoho; enxénchek agkok negko'o Dios nentaha nelpéwomo eñama m'a eltémókxa nak antehek segánamakxa, mékoho axta katnégwók ma'a apketsapma axta Cristo.

ROMANOS 3:24

Wánxa agkok, entemésesek eyke negko'o Dios nelpéwomo eñama segásekhayo, cham'a aptéma axta nahan segméso naksa, eñama m'a segyanmaga axta Cristo Jesús.

ROMANOS 3:19

Negya'ásegkok negko'o ekyókxoho ektémakxa nak ekxeyenma segánamakxa, xeyenmék cha'a m'a énxet'ák ektaha nak apcháyo ektémakxa segánamakxa, yakwayam enxoho elwanmeyagkok apyókxoho énxet, keñe sat Dios etnehek apkelyekpelchémo apyókxoho énxet.

SAN JUAN 10:34

Aptahak axta apkeláneya Jesús se'e: —Yetnegkek eknaktáxésamaxche segánamakxa kélagkok nak kéxegke s'e: ‘Ekxénchek ko'o kéxegke kéltaha dios.’

SAN JUAN 19:36

Temék axta ekyókxoho xa ektaha nak, yakwayam enxoho kasawhaxkohok katnehek ektémakxa nak eknaktáxésamaxche s'e: “Megkólekkexchesek sat apexchakkok xama enxoho.”

SAN MATEO 10:8

Kóltakmelchesem énxet apkelháxamap nak, kólnakxátekhásem nahan ma'a apkeletsapma nak, kóltakmelchesem nahan ma'a ektamhéyak nak negmasé ektepelchamáxchel'a egyempehek, kólántekkes nahan kelyekhama' énxet apwáxok. Meyke ekyanmaga kélxawágkok kéxegke xa kélmowána nak, nágkólma nahan ekyanmaga eñama kéllané xa.

SAN JUAN 13:18

“Akke ko'o axénak kélyókxoho kéxegke, hakte ekya'ásegkok ko'o m'a ektaha nak selyéseykha. Megkatnehek nahan megkatné ektémakxa nak eknaktáxésamaxche s'e: ‘Etaknaweykxeyk ko'o énxet sektóko nak xamo' sekto.’