SAN JUAN 15:24 - Lengua Sur (Enxet) Nuevo Testamento

²⁴ Méko axta katnehek apkelsexnánémap xa énxet'ák nak, cham'a malana enxoho ko'o m'a aksok meláneya nak xama énxet; apwet'ak eykhe nahan énxet'ák selana ko'o xa aksok nak, akke yahaxnak setaknawe ko'o, tén han aptaknawe m'a Táta.

SAN JUAN 15:24 Referans Kwoze

SAN JUAN 14:9

Aptahak axta apchátegmowágko Jesús se'e: —Felipe, wegkak ko'o sekha xamo' kéxegke, ¿yahekpelchak makham xép? Enxet ektahakxa enxoho seté ko'o, apwet'ak ma'a Táta; ¿yaksak ektaha apkeltamho nak axekmósek kéxegke Táta?

SAN JUAN 5:36

Yetneyk eyke ko'o m'a aptaha nak ektakmela sexeyenma ko'o, megkaxnawok ma'a ektémakxa axta cha'a sexeyenma ko'o Juan. Aksok selané nak cha'a ko'o ekteme ekxekmóso ektaha nakso' seyáphaso ko'o Táta, cham'a sektamheykha apkeltémo axta alának Táta.

SAN JUAN 10:37

Agkok ko'o alanak sektamheykha apkeláneyol'a Táta, kélwanchek helya'ásók.

SAN JUAN 10:32

wánxa agkok, aptahak axta apkeláneya Jesús se'e: —Elanak ko'o ekyókxoho aksok eltakmela kélnápakta'awo' kéxegke eñama Táta apmopwána; ¿yaksa eñama selané xa kélmoko nak helyetnak meteymog kéxegke?

SAN JUAN 9:32

Megkañamáxche makham exénakpok xama énxet eteyásekxaxma énxet apteme enxoho meyke apakta'ák sekxo' apteyékmo.

SAN JUAN 7:31

Apxámok axta énxet apteme mey'áseyam Jesús. Aptahak axta nahan cha'a apkelpakmeta s'e: —¿Xámok enxoho sat eykel'a katnehek apkelané Mesías aksok sempelakkaso agweta' apwa'a enxoho, megkaxók sat kexaha ekwánxa nak apkelané xa énxet nak?

SAN JUAN 3:2

Yáktések axta aptaha meyk'a Nicodemo Jesús. Aptahak axta apcháneya s'e: —Sẽlxekmóso, negya'ásegkok negko'o aptaha exchep Dios apcháphaso yakwayam hẽlxekmósak negko'o, hakte méko kawának kalának ma'a aksok sempelakkaso agweta' apkelana nak xép, cham'a metnaha enxoho apxegexma Dios.

SAN MATEO 9:33

Xama axta aptekkesa Jesús kelyekhama' kañe' apwáxok xa énxet meyke appeywa nak, yetlókók axta ektepeykekxa appeywa. Pelakkásók agko' axta apkelwet'a énxet'ák. Aptahak axta apkelpakmeta s'e: —¡Megkótémaxchek makham nepyeseksa énxet'ák Israel ekhawo xa ektahakxa nak!

SANTIAGO 4:4

Kéxegke kéltaha nak kélyenseyam kélyetlo Dios, ¿yagkólya'ásegkok kéxegke ektaha enmexma Dios ma'a negásekhayo nak aksok keso náxop? Negko'o ektahakxa enxoho negmáheyo agásekhohok ektémakxa nak keso náxop, nenmexma antemekxak ma'a Dios.

2 TIMOTEO 3:4

Appelakkaseso esexnenak pók sat etnahagkok, meyke elnawagko sat nahan etnahagkok. Kayeykhágwomhok sat eleymáxkoho apwáxók, yásekhohok sat ma'a aksok apkelyespagkamakxa nak yakwayam eykhe yásekhohok Dios.

ROMANOS 1:30

Sagkek cha'a katnehek apxeyenma apnámokkok, apkenmexeykha nahan cha'a Dios, megkeyxnegwomek nahan cha'a apkelpeywa, eleymáxkoho apwáxók nahan tén han apkeleymákpoho; eyánchesagkohok nahan cha'a apkeltémakxa ekmaso, metnehek nahan cha'a apcháyo apyepmeyk,

LOS HECHOS 10:38

Kélya'ásegkok kéxegke apmésama axta ekyawe agko' apmopwána Dios ma'a Jesús apkeñama nak Nazaret, tén han apmésama m'a Espíritu Santo. Kélya'ásegkok nahan ma'a apkeláneya axta cha'a Jesús ektakmela aptamheykha, apkeltakmelcheseykmek axta m'a apyókxoho énxet eknaktawáseykegkoho axta kelyekhama'. Apwanchek axta apkelana Jesús xa, hakte apxegexma axta aptemék Dios.

LOS HECHOS 2:22

“Enxet'ák Israel, kóleyxho hana s'e sekmoko nak altennaksek kéxegke; kélya'ásegkok ektakmela kéxegke apxekmósa axta Dios aptaha ekleklamo apwáxok kélnepyeseksa kéxegke m'a Jesús apkeñama nak Nazaret, apkeláneyak cha'a Dios aksok magwetaya nak eñama m'a Jesús, tén han ma'a aksok sempelakkaso nak agweta', tén han ma'a magkenatcheso nak agweta'.

SAN JUAN 12:45

Enxet ektahakxa enxoho seté ko'o, apwet'ak nahan ma'a aptaha axta seyáphaso ko'o.

SAN JUAN 6:36

Ektemék xeyk seláneya kéxegke, elwet'awók eykhe, elya'ásekmek eyke.

SAN LUCAS 24:19

Aptahak axta apchátegmowágko Jesús se'e: —¿Yaksak axta aksok elánéxko m'a? Aptahak axta apcháneya s'e: —Neykhe m'a kéltemésesakxa axta Jesús apkeñama nak Nazaret, aptaha axta Dios appeywa aplegaso, apxeyenma axta Dios apmopwána elának aksok, tén han ekha ekmowána appeywa, apyókxoho énxet'ák axta anhan apxeyenmak;

SAN MARCOS 2:12

Yetlókók axta apheykekxa néten nápakta'awo' énxet'ák, apmákxeyk axta aptaháno, aptekkek axta m'a. Ekeso eñamakxa ekpelakkasa axta apkelwet'a apyókxoho énxet'ák xa. Aptahak axta apkelpeykáso Dios se'e: —Magweteyk makham negko'o katnehek xa ektaha nak.

SAN MATEO 21:32

Hakte apwa'ak axta Juan el Bautista apkelxekmósa kéxegke eyéméxchexa nak kóltehek nápakto' Dios, kélya'aseykmek axta eyke; keñe axta melya'aseykmo m'a énxet'ák apkelmomo nak selyakye yakwayam egkések wese' Roma, tén han ma'a kelán'ák ekyakmagkáseyak nak pók énxet ekpathetéyak ektegye selyakye. Wánxa agkok, kélwetayók axta eykhe kéxegke ekyókxoho xa, axta eyke kólyakmagkasók ektémakxa elchetamso kélwáxók yakwayam megkólya'aseme'.

SAN MATEO 11:5

Kóltennasha sat Juan apkelwetákxoxma énxet'ák meyke nak apakta'ák, keñe apkelxegákxo m'a énxet meyke aptapnák nak, keñe anhan apkeltakmelwokmo m'a énxet ektamhéyak nak negmasé ektepelchamáxche egyempehek, keñe anhan apkellegákxoxma m'a énxet'ák meyke apeyk'ák nak, keñe anhan apnakxétekhágwokmo m'a énxet'ák apkeletsapma axta, keñe anhan kéllegasa amya'a segwagkasamo teyp ma'a énxet'ák meyke nak aksok apagkok.

SAN JUAN 12:10

Axta anhan apmoko yakhek Lázaro m'a énxet'ák apkelámha apmonye'e nak appasmo apkelmaxnéseso Dios énxet'ák apagkok,

SAN JUAN 9:41

Aptahak axta apchátegmowágko Jesús se'e: —Meyke kélakta'ák axta agkok kéxegke, megkólsexnánexchek axta eñama kéllané megkólya'asáxma. Wánxa agkok, kélxénchek eyke kéxegke kélteme ekha kélakta'ák, cháxa keñamak kéltaha nak kélsexnánémaxche kéxegke xa.

SAN JUAN 15:21

Etnésesek sat kéxegke énxet'ák ekyókxoho xa, ko'o eñamakxa, hakte melya'ásegkok énxet'ák ma'a aptaha axta seyáphaso ko'o.

SAN JUAN 15:22

“Axta agkok axegakmok ko'o yakwayam altennasha xa énxet'ák nak, méko axta katnehek apkelsexnánémap. Kaxwo' eyke mopwanchek exének mey'ásegko m'a aksok apkelané nak ektaha mey'asáxma;

SAN JUAN 15:23

hakte énxet ektahakxa enxoho setaknagko ko'o, etaknók nahan ma'a Táta.

SAN JUAN 16:9

Enxet apteme nak sey'áseyam ko'o, cháxa apteme ekha mey'asáxma xa;