SAN JUAN 15:15 - Lengua Sur (Enxet) Nuevo Testamento

¹⁵ Massék ko'o sekxéna kaxwo' kéxegke kéltaha seláneykha, hakte énxet ektaha nak kélásenneykha mey'asagkek ma'a aksok apkelané nak wese' apagkok. Ekxénchek ko'o kéltaha kéxegke enámokkok, hakte elya'asásegwokmek kéxegke m'a ekyókxoho aptémakxa axta seyenagkama ko'o Táta.

SAN JUAN 15:15 Referans Kwoze

SAN MATEO 13:11

Aptahak axta apchátegmowágko Jesús se'e: “Apkelya'asásegwokmek kéxegke Dios aksok elyexamaxche eleñama nak ma'a aptémakxa nak Wese' apwányam Dios; akke elya'asásegwokmok xa énxet'ák nak.

SANTIAGO 2:23

Cháxa ektahakxa axta ektaha m'a ektémakxa nak eknaktáxésamaxche s'e: “Aptemegkek axta mey'áseyam Dios Abraham, ékeso eñamakxa apxéna axta Dios aptaha appéwomo Abraham.” Apkeltamhomakpek axta nahan Abraham Dios apteme pók.

COLOSENSES 1:26

cham'a amya'a aptemésesama axta ekpowásamáxkoho Dios nano' axta, cham'a megyahayo axta anhan kataxchek Dios nentámen axta, apxekmósek eyke kaxwo' Dios ma'a ektaha nak énxet'ák apagkok.

APOCALIPSIS 1:1

Keso ektahakxa axta aksok apxekmósamo Dios Jesucristo s'e, yakwayam enxoho elxekmósek Cristo m'a ektaha nak apkelásenneykha peya kañehémhok katnehek xa. Apya'asásegwokmek axta Jesucristo apchásenneykha apwesey Juan xa, cham'a apcháphasa axta aphakxa xama apchásenneykha apkeñama néten.

EFESIOS 3:5

Axta kólhayok elyekpelkohok énxet'ák xa amya'a ekpowásamáxkoho nak, cham'a nano' axta, wánxa agkok, apxekmósek eyke kaxwo' Dios ma'a seykha amya'a apkelpagkanamap nak, tén han ma'a énxet'ák ektaha nak apkellegaso appeywa eñama m'a Espíritu apagkok nak.

EFESIOS 1:9

Egya'asásegwokmek axta anhan ma'a ektémakxa nak apmopmenyého elána' ektaha nak ekpowásamáxkoho, cham'a apkeláneykekxa apagko' axta apmáheyo elána'.

SAN JUAN 20:17

Aptahak axta apcháneya Jesús se'e: —Náhepaknegwoho, hakte mamyákxak ko'o makham ma'a aphakxa nak Táta. Katakhoho, kaltennásekxa sat elyáxeg peya amyekxak ko'o kaxwo' ma'a aphakxa nak Táta, aptaha nak kélyap kéxegke, aptaha nak han Dios ahagkok tén han Dios kélagkok kéxegke.

2 SAN PEDRO 1:1

Ko'o Simón Pedro sekteme Jesucristo apchásenneykha sekteme nahan seykha amya'a apagkok. Kéxegke ektáxesásak se'e weykcha'áhak nak, kéxegke ekyetna nak megkólya'áseyam ektakmela agko', ekhawo s'e ekyetna nak han negko'oxa, hakte ekpéwomo aptémakxa m'a Jesucristo segwagkasamo nak teyp, aptaha nak Dios egagkok.

GÁLATAS 4:6

Apcháphásek axta Dios Apketche Espíritu apagkok kañe' egwáxok negko'o, hakte nentemék negko'o kaxwo' Dios apketchek; etnehek nahan cha'a Espíritu ewónmakha s'e: “¡Táta!”

SAN JUAN 12:26

Enxet ektahakxa enxoho apmáheyo etnehek seláneykha ko'o, hetlawha sat; exnók sat nahan ma'a sekhámxa enxoho. Táta sat egkések yakwayam kóltehek kéláyo m'a énxet apteme nak seláneykha ko'o.

SAN JUAN 8:26

Xámok eykhe yakwayam altennásekxohok kéltémakxa kéxegke, xámok eykhe nahan yakwayam alsexnenak kéxegke. Ekmámnaksoho eyke aksok apxeyenma m'a aptaha axta seyáphaso ko'o, altennaksohok cha'a ko'o énxet'ák apheykha náxop ma'a seklegaya nak cha'a aptémakxa appeywa m'a aptaha axta seyáphaso ko'o.

1 SAN PEDRO 1:11

Nano' axta apkelya'asáseyak Cristo Espíritu apagkok énxet'ák ektaha axta apkellegaso Dios appeywa m'a yakweykenxa axta katnehek aplegeykegkoho Cristo, tén han apkelya'asásegweykmo ekmáheyo exkak Cristo apcheymákpoho natámen aplegeykegkoho, apkeltémók axta eykhe elya'ásegwomhok énxet'ák ektaha axta Dios appeywa apkellegaso xa, tén han apkeltémo elya'ásegwomhok ekwánxa ekhem katnehek xa, tén han apkeltémo elya'ásegwomhok ektémakxa m'a aptahakxa axta apxeyenma Espíritu apha axta apwáxók xa énxet'ák nak.

SANTIAGO 1:1

Ko'o Santiago sekteme Dios apchásenneykha, sekteme nahan Jesucristo Wese' egegkok apchásenneykha, eyáphásesek ko'o ekxeyenma ewáxok doce pók aptémakxa énxet'ák Israel, apkexpakneykha nak keso náxop.

FILEMÓN 1:16

Metnehek sat kaxwo' apmomap kéltemesáseykha aksal'a, kamaskok sat exhok kaxwo' ma'a énxet apmomap la'a, sat exhok kaxwo' ma'a aptémakxal'a egyáxeg negásekhayókxa nak. Awanhek ko'o seyásekhayo Onésimo, keñe exchep eyéméxko eyeykhásamhok apchásekhayo ekwánxa nak ko'o seyásekhayo xa egyáxeg nak, háwe ekwánxa agkok ma'a nentemésesamakxal'a énxet, akke tásek etnésesek ma'a nentemésesamakxal'a anlának egyáxeg nentémo xamo' nak magya'áseyam Wese' egegkok.

SAN JUAN 17:26

Elya'asásegwokmek axta ko'o aptémakxa exchep xa énxet'ák nak, alenxanmohok sat nahan sekteme xa, yakwayam enxoho keytek apwáxók ma'a ektémakxa nak seyásekhayo exchep, yakwayam enxoho ko'o xa atnehek sekyepetcheyo xa énxet'ák nak.”

SAN JUAN 15:20

Kaxénwakxoho kélwáxok sektaha exchek seláneya kéxegke s'e: ‘Enxet ektaha nak kélásenneykha metnehek apyeykhágweykmoho m'a wese' apagkok.’ Elyakmáseykha axta agkok ko'o, kólmenxenmakha sat nahan kéxegkáxa; aptemék axta agkok apkelyaheykekxoho sekpeywa énxet, elyahakxohok sat nahan kélpeywa kéxegke.

SAN JUAN 13:16

Enxet ektaha nak kélásenneykha metnehek cha'a apyeykhágweykmoho wese' apagkok, keñe m'a énxet ektaha nak kéláphaso metnehek cha'a apyeykhágweykmoho m'a ektaha nak apcháphaso.

SAN JUDAS 1:1

Ko'o Judas, sektaha nak Jesucristo apkeláneykha, sektaha nak han Santiago apyáxeg, ektáxésesek ko'o weykcha'áhak ma'a énxet'ák apkelásekhayókxa nak Dios Egyap, cham'a ektaha axta anhan apkelwóneykha, cham'a apkeltakmelchesama nak han Jesucristo.

LOS HECHOS 20:27

hakte eklegásek axta kéxegke ekyókxoho apmaheyókxa nak elának Dios, meyke sekpóso xama enxoho.

SAN JUAN 4:19

Xama axta ekleg'a kelán'a xa, entahak axta eyáneya Jesús se'e: —Wese' ekya'ásegwokmek xép aptaha Dios appeywa aplegaso.

SAN LUCAS 10:23

Appeynchakpók axta Jesús apkelano apkeltámeséyak. Aptahak axta apkeláneya apxakcha'awók se'e: “Apkeleñémo énxet'ák apkelweté nak xa kélwet'a nak kéxegke;

SAN JUAN 16:12

“Xámok eykhe yakwayam altennaksek kéxegke, wánxa agkok, megkólwanchek eyke kólya'ásegwók ekyókxoho nak.

ROMANOS 7:15

May'asagkek cha'a ko'o m'a setnahakxa enxoho, hakte malanak cha'a ko'o m'a aksok sekmáheyo nak alána', wánxa aksa cha'a alának ko'o m'a aksok sektaknagkamakxa nak.

1 CORINTIOS 2:16

Hakte temegkek eknaktáxésamaxche s'e: “¿Yaksak awanchek kay'asagkohok ektémakxa nak elchetamso apwáxok Wese' egegkok? ¿Yaksak nahan awanchek kalxekmosagkok?” Hawók eyke negko'o ekpakméteykha egwáxok ektémakxa nak ekpakméteykha apwáxok Cristo.